14 ـ الشاعر سلام رشيد / كوت
* دارمي
شلتك أبنص العين للضيجة عازه
تاليهه وكن الضيج تطلع كزازه* ومضات
١ـ من بولين .. اتصل بيه صديق مفاركه سنين
يكلي هنا تعالك و عيش مرتاح
ونسه هموم دنيا و حزن ميتين
كتله الوطن روحي أتريد أعوف الروح
و أفرض عفت روحي أشلون أعوف حسين٢ ـ عاتبتني أدكلي لا تنشد علي
و كالت الحل بينك وبين الفراق
حلفتني ادكلي هم حبيت غيري
والعهد بيناتنه جلمة وفاق
جاوبته وطبعي من أعشك
صريح أي نعم حبيت غيرج
انه حبيت الأعز منج و مني
بهاي انه افتخر حبيت العراق٣ ـ ردت أرسمك حضرت ورقة و قلم
وقررت ابدي الرسم من العيون
تدري أول ما رسمت أرموش عينك
ثاري أنه بهالرمش ارسم الكون* أبوذية
حرام الجام أمر بيهم وراهم
وأكص جدمي لون يمشي وراهم
طبع الغدر ثوب الهم وراهم
و انه ثوب الوفة مفصل عليه* سلسلة ابوذية
حالي عكب ما رحت بالنوح والون صفه
وانت ولا بالجذب ما ناشدت ونصفه
من طيبي ألك مذكرت ربع العشر ونصفه
ضنيت بيك الوفي وابن الحلال ومرد
شلي بدغش عشرتك طايح بكلبي مرد
تبجي بدمع من دما حالف الحبك مرد
من حيث ابد ما رحم كلبك علي ونصفه
YOU ARE READING
إضاءات الشعر الكريم
Non-Fictionهذا كتابي الثاني الذي يختص بالشعر الشعبي العراقي و الذي سيتطرق لذكر العديد من الشعراء هذه المرة و ابرز ما قدموه لساحة الشعرية و اقصد انه يتناول ابرز الابوذيات و الدارميات التي علقت في ذاكرة الشعرية ..