3- الشاعر رعد مطر علي / ذي قار
* ومضه
المنصة تخوف الشاعـر بعـض مرات
ومرات المنصة تخاف شاعرهه
من الشاعر أكلك تدري ليش تخاف ؟
لأن شايل قصيدة حسين مطلعهه
* دارميات
١ ـ صدكني ألك حنيت من كبل الفراگ
و الكلب يلهب نار من كثر الاشواگ
٢ ـ أتمنه أبوسك حيل و بكلبي أضمك
و كلما أفز بالليل بسكوت اشمك
٣ ـ عطشانه روحي أسنين مشتهيه ملكاك
لا تجفي عني أبعيد كاتنلي فركاك
* ابوذية
أحس حبك جميع اعضاي خلخل
يخل ألما بعد وياه خلخل
أمد جفي و يصيح بصوت خلخل
أخلي أشلون يالطايح بدية
بصديج ما بعن سري و شيعة
وانا ألصفيت كل غزلي وشيعة
عراق انه وأضم سنه و شيعة
وعليه أبعد درب الطائفية
هلي الما واحد بعشره يملهم
هلي البظيج ما نوخ يملهم
هلي التاريخ بالطيبه يملهم
هلي الما عانوا أذراع الردية
YOU ARE READING
إضاءات الشعر الكريم
Non-Fictionهذا كتابي الثاني الذي يختص بالشعر الشعبي العراقي و الذي سيتطرق لذكر العديد من الشعراء هذه المرة و ابرز ما قدموه لساحة الشعرية و اقصد انه يتناول ابرز الابوذيات و الدارميات التي علقت في ذاكرة الشعرية ..
