10 ـ الشاعر كاظم الوائلي / الكوت
* دارمي
هـاك أخذ كل الروح لتخلي منها
مو تدري بيهه تموت من تجفي عنها
* ومضات
١ ـ كل اليعاين بـالمرايا يشوف
وانه أعاين علي بس ما أشوفني
٢ ـ لتطلعين عزرايين واحد يقبض الارواح
وانت عيونج بكل رمش عزرايين
٣ ـ ارد أسولفلك وأكلك بالصحيح
من أشوفك أبقه واكف
بس أحس نفسي أطيح
* أبوذية
وحيت الشخصك و شخصك وحالي
وأكول أحاه ألـك خلي وحالي
أذا تنشدني عن لوني وحالي
صرت وركه و جراده تلوج بيه
* سلسلة ابوذية
بتين الي بالكلب ما ظلي بت صاحبي
يلي تسل عن صحتي ما ظن بعد صاحبي
باليل تغفه الخلك والليل أظل صاحبي
عجيبة الكلب ما يطك لوما تكف دكته
مسمار روحي أصبحت كل ألخلك دكته
صباحي أرد اشكره ممنون من دكته
و ياي حيل وبعد لمن كلت صاحبي
أنت تقرأ
إضاءات الشعر الكريم
Non-Fictionهذا كتابي الثاني الذي يختص بالشعر الشعبي العراقي و الذي سيتطرق لذكر العديد من الشعراء هذه المرة و ابرز ما قدموه لساحة الشعرية و اقصد انه يتناول ابرز الابوذيات و الدارميات التي علقت في ذاكرة الشعرية ..
