15 ـ الشاعر أسعد المياحي / بغداد
* دارمي
من بيتي رايد كون أشمرلك العين
شبعهة منك شوف بس ردهه بعدين
* ومضات
١ـ أذا تعشك كبل العيون
تحس كل الخلك بان بكيانك
والمفروض عينك تسمع الصوت
بس وكت البجي تبجي بأذانك
٢ ـ رحت أعيوني وركض أركض وراك
وأنه بعدك لا عيون و لا وجه
٣ ـ ألضمت روحي بأبرتك و عيني أتبا وع عليه
و من كثر ما جنت خايف لا ألجمك
رجف جفي خيطت وجهي أعله أديه
* أبوذية
ألساني أكبال حلو الطول لك لك
وأحذرك لا تكلي ألنوب لك لك
الغيرك ما يحن الكلب لك لك
لان انت شراكه وياي بيه
* سلسلة ابوذية
لا تامر انته بعد اسمعني هسه شمر
راشوك أجاني النبل من أيد غدرك شمر
مفروض انت تجي ميت تراني شمر
ما ادري عندك كلب يوم الموادع جلد
وأسواط هجرك تره وهكت ابكلبي جلد
مثل الحياية كل عام تنزع جلد
و ليتك جن كربله يوم التوله شمر
أنت تقرأ
إضاءات الشعر الكريم
Non-Fictionهذا كتابي الثاني الذي يختص بالشعر الشعبي العراقي و الذي سيتطرق لذكر العديد من الشعراء هذه المرة و ابرز ما قدموه لساحة الشعرية و اقصد انه يتناول ابرز الابوذيات و الدارميات التي علقت في ذاكرة الشعرية ..
