13 ـ الشاعر حسين البهادلي / واسط
* دارمي
أبكثر ما بالنار أحنة أنجوينه
الشته أيمر بردان يدفه بينه
* ومضات
١ـ العاطفة العندك بحر وسذ دليل
مره رادت تنطق بكلمة زعل
نقطة ضافت قدمت عالعين زاي
أتحولت كلمه زعل صارت غزل
٢ ـ أكص جفي وأحنطه وثق أجومه بساع
أذا حالفه الحظ فد يوم و يكودك
من يم الكمر ينشاف سور الصين
ومن يم شمس ينشافن اخدودك
٣ـ الورد جان أسمة رد وانته لمن أجيت
داينته حرف من أول ألوجنه
أمنا لوجنه أذن داينته حرف الواو
ورد صارت ( الرد) أوجنيتك جنه
* ابوذية
الفرح عن دربي ما ادري سراوين
ولا أدري البخت شمرو سراوين
المصايب وك علي لزمن سراوين
أمشيمن كتل صاير عليه
* سلسلة ابوذية
من التقينه شعجب عن كلبي كلبك صدا
و من أجه سهمك يهف بس كلبي كام و صدا
تدري أو يروحي كما من أحجي اسمع صدا
مو صدا ثاري طلع صوتي وي صوتك شرك
تبقه انت كلشي ألي كلي كضني شرك
رغم ألي ضدنه مشوا وبنصنه نصبوا شرك
عشرتنه تبقى ذهب و عمر الذهب ما صدا
أنت تقرأ
إضاءات الشعر الكريم
Non-Fictionهذا كتابي الثاني الذي يختص بالشعر الشعبي العراقي و الذي سيتطرق لذكر العديد من الشعراء هذه المرة و ابرز ما قدموه لساحة الشعرية و اقصد انه يتناول ابرز الابوذيات و الدارميات التي علقت في ذاكرة الشعرية ..
