17 ـ الشاعر رياض الحار / ذي قار
* دارمي
سبحانه رب الكون جلت قدرته
ما مش فرق ما بين شمس الله وانته
* ومضات
١ـ بحلاتك كلهه تحجي .. وانه غامرني السكوت خايف منحجي أبحلاتك .. يصعد السكر وأموت
٢ـ الوجنه أشك عاكسة .. وصح أمنشك العكس
شمس الله تعكس ألك .. لو تعكس أعله الشمس
* ابوذية
سر مخفي بحسنهه حاجباهه
وخط الطول يمكن حاجباهه
خاف عليهه أبوهه حاجباهه
شمس وأتحجبت شيصير بيه
* سلسلة ابوذية
بطابوك شفتك انه متولي ناستك شمر
وأدكلي مر بحقد مليت منك شمر
ضكت المرار بغدر من الغدر جا شمر
تصرخ تبت بالامر متهزني شما تبت
تبت ايد با لهب وافكارك انت تبت
بعدك الذبح تنتجي و أدكلي والله تبت
تحلفلي ما صدك معقوله اصدك شمر
أنت تقرأ
إضاءات الشعر الكريم
Non-Fictionهذا كتابي الثاني الذي يختص بالشعر الشعبي العراقي و الذي سيتطرق لذكر العديد من الشعراء هذه المرة و ابرز ما قدموه لساحة الشعرية و اقصد انه يتناول ابرز الابوذيات و الدارميات التي علقت في ذاكرة الشعرية ..
