ريتاج

علاقات قديمه على وشك العوده

رحت وياهم كعد نحضر غده
ما نسمع الا صوت هلاهل وصوت الحجيه تبجي
طلعت وطلعن البنات لابسات حجاب درت وجهي وشفت
ريتاج... هذا منوو ولا مره شايفته يمكن اني وصغيره بس ما اذكر
جاوبت حنين...هذا خالج الوسطاني عماد اجه من السفر رح يضل كم شهر ويرجع لتركيا لان الحجيه عاتبه عليه تكوله ما تجي وتسأل عن امك يا ابن بطني ،وهوه ماخذ الجنسيه التركيه وعائلته هم
رحنه نسلم
ريتاج... سلام عليكم
عماد...هاي ريتاج ما عرفتج كبرانه
ريتاج... والله خالو اني هم ما اذكرك لأن لما جنت بالعراق اني صغيره وما اذكر  هلا بيك نورت بيتك وعائلتك
عماد...هلا بيج خالي
سلمت على بنته لارين اسمها عجبني صراحه
مواصفاتها شقره عيونها كبار شعرها قصير اكبر مني بسنه
وابن اكبر من لارين اسمه ابراهيم واخوه توم بس ميشابهون لا بالطبع ولا بالشكل اسمه احمد
وأمهم ما اجتي وياهم ضلت بتركيا لان علاقتها ويه اهل رجلها موو كلش
لارين استلمنها البنات بالسوالف
اني ضليت صافنه وافكر اجتني أية وكالت
أية...شبيج ريتاج ليش ضايجه
ريتاج... ماكو شي اذكرت شي ضوجني وبس
اية...اني لما اضوج اروح للحديقه مال بيت تجنن وافرغ اعصابي هناك صايره وره البيت تعاي اشوفج
ريتاج... كيفت لأن صراحه اريد شي يشغلني من التفكير وقلت ..يلا امشي

لزمتني من ايدي واخذتني وره البيت اكو حديقه مغلقه يعني هوة مكان ضمن البيت وبي حايط من جهاته والورد مزروع بالتربه موو سنادين وألوان الورد تخلي النفس ترتاح والله حلوو واكو بنص الحديقه مرجوحه لونها ازرق كبيره
رحت كعدت على المرجوحه وجريت اية كعدت يمي
ريتاج... الله شون مكان يخبل
اية...اي هواي
ريتاج... احجيلي شلون جنتي بالمدرسه
اية...المدرسة جانت املي الوحيد حتى اطلع من عادات وتقاليد اهلي جنت شاطره والكل يحبني اخر سنه بالسادس جنت متلهفه حتى اروح للجامعه حلمي اصير مدرسه احياء لما نجحت من السادس بعمدل ٩٠ اهلي جانو يعرفون اكدر انجح واحقق الي بالي وصقر جان اول من الباركولي وبابا وكتها  انطاني فلوس حتى اشتري هدوم ودفاتر للجامعه عود.. بس بيبي لما درت انو اهلي قابلين ادخل جامعه وفخورين بيه قالت لجدو بس جدي ما اتدخل قال عدها اهل هم يقررون اني ما علي لما قال هيج بيبي تخبلت هاي الكلام قبل لا ايموت ابوي بسنه راحت لبابا وقالتله اذا بنتك تدخل للجامعه اعتبرني اني متبريه منك لا انته ولدي ولا اني امك
ريتاج... على شنوو كل هذا تره انتي رايحه درسين موو تنزلين من كرامتهه
اية...شتتوقعين لعد ريتاج عبالج مثل اهلج انتو بغداد اهلي هيج طبعهم (تتكلم عن اهلها رجاء لحد ياخذ ع نفسه كلكم على راسي ) من اهل قبل ابويه وكتها ستوه جاي يراجع علمود مرضه ما قبل امه تزعل وكعدني امي ما نطقت حسيت اخذوا روحي مني وره شهرين عرفنه ابويه بي سرطان وكتها شكد حاولنا وياه حتى يروح يسافر ويسوي عمليه لان الطب مالتنه موو كلش بس بابا رفض وقال الاعمار بيد الله ..بيبي وره ٣ ايام جابتلي خطابه ولد يشتغل بشركه مال صناعه الالبان وامكانياته عاليه ومن كربلاء ما ادري مين لكته بيبي