ريتاج

يلاحقني

رسالة كُتب فيها : لم اعد اريد الفرح لأنه لا يناسبني
لم يعجبني😕 محتواها فقلت :
ان قلبناها وقلنا لم اعد اريد الحزن لأنه لا يناسبني ماذا سيحصل؟
لماذا نجعل الحزن من يسيطر علينا وليس نحن من نفعل

يمكن لكل شخص ان يقاطع الحزن لا يقترب من المتاعب التي تؤدي به للحزن لمدة لا تجعلوا من الحزن
يقترب منكم هددوه بأقترابكم من الله لأن الحزن الحقيقي يأتي عندما نبتعد عنه عز وجل😞 ولا يرى فيها دعواتنا 💔

❤❤❤❤❤❤❤❤❤

طول هلسنتين جان يلحكني الي هوه فهد اكو غيرة كل مرة لازم يلكه فرصة حتى يجي للكلية ولما يجي الكل تضل نظراتهه عليه او بالأخص على سيارته الحديثة شكد يحب يتفيك ويلفت انظار الناس اله الا اني ابد ما التفتت لحركاته وكل حركة يسويها جنت اكرهه اكثر وأتمنى اخلص منه ومن سوالفه

"اول مرة اجه للجامعة جان اسبوع من بادي الدوام لما كالولي اكو شخص ينتظرج تفاجأت وكلت معقولة صقر رغد كلتلي اكيد ما اتحمل واجه يشوفج ومن غبائي صدكتها وفرحت بس جانت احلام اليقظة لما وصلت شفت فهد واكف عالك جكارة ومرتكي على السيارة اجه بأتجاهي ورحت عبالي عنده شي مهم وكلت ريتاج... شصاير عمي بيه شي اهلي
فهد...مشتاقين وكلت خل اجي اسأل

ايدي صارت حمرة من كثر ما عصرتها اله شويه اضربه بيها
حجيت من بين سنوني...صدك تحجي واصلا بأي حق تجي للكلية هسه الطلاب الي وياي بالقسم شنوو يكولون علية هاا
فهد...يكولون الي يكولوه اذا تحبين اني اكللهم زوجتي المستقبلية واجيت اشوفها مشتاقلها اكيد محد رح يفك حلكه
ريتاج... هواي مصدك بنفسك انته رح اقبل اتزوج بحثالة مثلك
فهد...حثالة موو احسلج تنتبهين لكلماتج وياي لأن والله ما ارحمج
ريتاج... انته نفسك ما تغيرت نفس كلامك الي كله تهديد ونضراتك القذرة الي صرت اتمنى تنعمي من وراهن ..انسان حقير
فهد...كلامج وياي بهلطريقة اله عقاب تدرين لو لا وابوية الي هو عمج ميريد يسمع هيج كلام بالسوء عني ومن منوو من كنته المستقبلية

وجهي احتقن من ورة كلامه وأدري اي كلمة زايدة منه ميصير خير وهو مخبل يكدر يروح لأبوه ويكله ريتاج هيج تكول ويطيح حظي بدون علم ابوية فسكتت غلطت عليه بعقلي شكم مرة اخر شي مشيت بدون لا اسمع حديثه الممل وكتها جان مستمر يسولف ..ويه نفسه اكيد
للحظة كلش احتاجيت صقر مدري حتى رغد ما رحتلها وكفت بالساحة مال كلية اخفي الغصة الي بداخلي وهاي المرة صار تفكيري على صقر "

ثاني مرة اجه للكلية بدون علم وبنهاية الدوام
"جنت منتضره ابو الخط يجي وواكفه يمي رغد منتضره رجلها يجيب السيارة من الكراج مال كلية ضلينه نسولف عن الي صار اليوم والمحاضرات المملة لما اجه عصام كالتلي اتأخر ابو الخط تجين ويانه مقبلت وكلت لا هسه يجي روحي سلمت عليه رغد ودخلت للسيارة عصام هم نفس السالفة تعاي ركبي نوصلج ما ردت اثقل عليهم حتى بالسيارة جنت طول الدوام ويه رغد ما عفتها وعصام ما كدر يحجي وياها فكلت خليهم وحدهم