ريتاج

شفاء

خالد جاسم :
أتسائل ما الذي اصاب الشعب #العراقي وما هي الصدمة التي تلقتها قلوبهم
حتى اصبحوا لا يخافون شيء فالعالم كله خائف من فايروس كورونا الا العراق يضحك عليه. هل حقا هذا الشعب عانى في حياته لدرجة ان يرى الموت والحياة وجهان لعملة واحدة ؟!
💛💛💛💛💛

كعدنا بالسيارة وصقر ساكت ميكول شي حتى حمزة سألناه قبل لا ندخل وما قبل يجاوب ويكول اني معليه باوعت لأية بصفي شفتها هم تباوعلي بنفاذ صبر يعني الا يكعدونه هيج ساعة  أسأل شبيه
ريتاج... صقر شبيك صاير شي
صقر... ماكوو                           ريتاج... لعد ليش عصبي
صقر... موو عصبي يتهيألج
ريتاج... زين ليش من وكت كعدتنه
صقر... عدي شغل ارتاحيتي برنسيسه ريتاج
نبرته وطريقته بالكلام نرفزتني وفاجأتني اول مرة هيج يحجي وياي
مامتعودة احد يحجي بهالطريقة عبالك اني حمل على گلبة

سكتت وما جاوبت بس مانسيت جوابه المستفز باوعت للجامة وحطيت راسي عليها سمعت اية تكوله
أية...انته موو كلت اليوم عطلة عدك
بالبداية ما جاوبها كأنو يريد يرتب جملة بعقلة بعدين حجه
صقر... عدي شغله غير الدوام بالبصرة
كال هيج وسكت بعدها الطريق كله ضلينه ساكتين موو مثل قبل نسولف ونضحك من وراه لعبت روحي الا شويه أتقيئ من الطريق ورة شويه نزل جاب اكل ريوك لفات وجاي وزعهن وأنطاني وحدة
ريتاج... ما اريد موو جوعانة تسلم ازعجتك
كلتها بنفس الطريقة الي عاملني بيها قبل شويه ما حجه وحطها بحضني

بس الجاي حار وين يحطه
صقر... هاج أية لزمي الجاي ألها ما عدها ايدين الخانم
رجعنه لنفس الطريقة ماشي يا صقر
انطيت اللفة لأية وكلت...ما اشتهي نفسي جاي تلعب
كلتها وتجاهلت نظراته ألي من المراية الأمامية رجعت راسي للجامة وغمضت عيني وغفيت

موو غفوة وأنما نومة ولو كل شوية افز من الطسات والسرعة لما كعدت باوعت للساعة بيدي 9:50
باوعت لأية وكلت...وين وصلنه
أية...دخلنه للبصرة وبعد شويه نوصل للبيت
التفتت للصدر حمزة ماكوو يعني نزل لأهله حرامات ردت أسالة شكوو من طريقة كلامه مبين يعرف شصار
صدك ورة شويه وصلنه للبيت نزلت من السيارة قبل لا يفوتها للكراج ودكيت الباب انفتحت باوعت خالة ابتسمت بوجهه وكلت...صباح الخير
خالة...صباح النور شبسرعة وصلتوا توقعت تجون الظهر

ريتاج... ابنج عنده شغل وكعدنه من الخمسة والله خالة تعبانه واريد انام اعذريني
خالة...حقج بنتي بس هو كال ما عندي شغل شني السالفة
رفعت جتفي وكلت...ماعرف
اجتي أية وراي وهم سلمت وضلت تسولف ويه أمها وأني صعدت للغرفة
نزعت ملابسي ولبست تراكسود مريح ونمت..

أية

دخلت للغرفة اغير ملابسي شفت ريتاج نايمة مبين تعبانة وحتى ما أكلت وحقها تزعل من صقر شون جان قبل لا نطلع من العرس وشون صار اليوم تنفست بصوت عالي وحطيت ايدي على گلبي معقولة من وراية هو تصرف وياي طبيعي حتى لما نامت ريتاج ضل يسولف ويه حمزة وما أنسه نظراته الها من المراية شنوو يحس بتأنيب الضمير مثلا لان هيج عاملها