لا تركع لمن اراد الرحيل
فصلاة الميت لا سجود فيها
❤❤❤❤❤
كدرت اخيرا اوخر ايدي من بين ايديها لما امها كالت وصلت ام الصالون هزت راسها وباوعتلي وهي تهز برجلها...ريتاج اني خايفة
ريتاج... من شنوو خايفة ثولة رح تبدين حياة جديدة وتكونين عائلتج
رغد...وأنتي شوكت تكونين عائلتج ؟!
ريتاج... اهوو شكلب الموضوع عليه هسه انتي العروس لتفكرين بس بنفسج
هزت راسها وراحت سلمت على اية وضلت تسولف وياها اخر شي اجتي ام الصالون وصاحتها يله كامت
لما اجوي كرايب رغد من قريب حتى يشوفوها يمكن عادات يجون لبيت العروس وبعدين يرحون للقاعة ..ام رغد وصلتنا لغرفة وكعدنا نرتب ملابسنا ورواحنه
أية...صدك خوش ناس بس تدرين لما شافتج ما كدرت اسد عيني من المبالغة
ريتاج... صدكي موو مبالغة اني رغد احبها مثل الاخت وأكثر صداقتنه من مرحلة المتوسطة تخيلي بحيث مرة تسجلت بغير مدرسة وأني خليت بابا ينقلني يمها ..
جريت عيني بالكحل لاول مرة بحياتي كل مرة احط أيلاينر بس عجبني احطه وأية كلتلي عينج طلعت جبيرة وحلوة ما حطيت مكياج زايد وأية هم نفسي طلعنه بعد مدة وجانت رغد لابسه البدلة البيضة باوعتلها وغمزت
ريتاج... بس كولي زوجج شمسوي بحياته حتى يلكه وحدة مثلج اكيد امه داعيتله
ضحكت بستها بخدها ووكفت يمها وكتلها ...تعاي خل ناخذ سيلفي
رغد...اول شي كولولي شونها البدلة حلووة
هزيت راسي وأية كالت...انتي محليتها للبدلة
رغد...حبيبي عيونج الحلووة
ريتاج...تخبلين واصلا ميحتاج فلتر
ضحكن على كلامي ووكفنه طكينه شكم صورة وأجوي كرايبها يسولفون
رغد شاورتني...لتنطخين بيهن وحدتهن بس تريد تتعارك
ريتاج... ليش ؟
رغد...بدون سبب ..دزلي عصام رسالة وكال رح يوصلون هنا علمود نروح للمصور لتبقين وحدج وياهن
ريتاج...أوكي هسه اني هم اخابر على صقر اكله يجي لأن راح عده شغله
ترددت اخابرة لو لا أخر شي كلت...باوعي اخابرة اني لو شتكولين
رغد...بكيفج متفرق اذا انتي او اخته
اخر شي دكيتله انطيت الموبايل لأية وهيه جاوبت
كلتله يجي وياخذنه للقاعة وصدك ورة شويه وصل لما طلعت للطارمة دخل صقر عود يصيحنه راحت أية صعدت وبقيت صافنة على بنية أجتي سلمت على صقر وضلت تسولف وياه وهو ما اعترض ضل يجاريها شكد حقيرة شعليها بيه ضلت لازكة
زينة..انته من طرف العريس لو العروس
باوعلي ورفعتله حاجبي راد يحجي بس قاطعته
ريتاج... من طرفي وياريت تعوفيه لأن الحفلة رح تبدي وأحنه بعدنه هنا
زينة...وانتي من طرف منوو ؟!
ريتاج... ليش متعرفين اني منوو اوك اني اخت رغد الشقيقة
زينة...بس رغد ماعدها اخت
ريتاج... موو مشكلتي متعرفين اني منوو باي
لزمت ايد صقر ومشيت وهو يمشي وراي وأني هسه متأكده ميه بالمية كعد يبتسم كال...ايدي اريدها يلخبلة
وكفت وحسيت على روحي هديته وكلت...تره اني ردت انقذك منها ليس الا
صقر...ليس الا يله مصار شي صعدي
صعدت وما انتظرته يكمل كلامه كعدت يم اية
شبيها وجهها مو طبيعي احمر
ريتاج... شبيج وجهج مخطوف ،،ما جاوبتني بس هزت راسها بمعنى ماكوو شي ما اهتميت للموضوع وعفتها على راحتها
BINABASA MO ANG
ريتاج
Romanceهديت الصوندة من ايدي وكلت...اي ما اريد تساعدني بس عوفني ابتعد عني الله يخليك عوفني صقر...شبيج ريتاج منوو لازمج ريتاج...منوو لازمني؟؟ ردت أرجع لبغداد وأنتوا ما خليتوني لو رجعت جان ما صار ألي صار صقر... ليش شصار!! ريتاج... جان ما.. (باللهجه العرا...
