ريتاج

يدكِ المحناة..

باجر نرد الوطن للوطن 💔

ملاحظة ...ملابس أية وريتاج☝
بالجو وبنص اللعبة والحزام ما مربوط والناس كلها تصرخ بس أني أباوع على هاي العيون وگلبي يدك ألف دكة بالثانية حاولت أبعد عيني من عينه بس فشلت عيونة أثرت بيه لدرجة نسيت الخوف نسيت نفسي نسيت شي أسمه عيب لتباوعين هيج لما لزم على أيدي أحس لا أرادي هديت حسيت بي هو الأمان وأني لازم أجلب بي حتى لا أوكع ..

مو بس هيج أني أباوع عليه وهو هم صافن ياربي شكد فشلة غير أدير وجهي
هاي المرة نجحت ودرت وجهي تنفست بصعوبة بس ألي ما انتبهت أله هو أنو الناس كلها كعد تنزل من اللعبة بس أني صافنة
صقر... تنزلين لو تردين تبقين هنا
ريتاج... ياريت ، عزة ياربي أني شكلت تخبلت رسمي ضل يباوع عليه مستغرب

لحكت على الموضوع وكلت...ياريت ننزل لأن متت خوف
بسرعة نزلت قبل لينزل وكفت يم أية وسولفتلها على الحزام
أية...شنو حجيت هاي اللعبة خطرة وما أحب أدخللها لما أتخبل يمكن أجربها
مشينه نريد نطلع فحاولت أطلع من هذا الجو المتوتر وكلت...أبراهيم أنته الخسرت لأن أني ما خفت باللعبة

ابراهيم...أي صح حتى لما دخلتي مرة ثانية ويه صقر أشو ما سمعت صوتج
بسرعة درت وجهي لصقر ولكيته يباوع عليه غيرت الموضوع ...لتغير الموضوع أحنة كلنه الي يخسر يسوي شنو يطلبه الثاني وأني بصفتي الفائزة رح أقلل عقوبتك وما رح أطلب منك شي قوي يلا بسرعة الكارت مالتك بي بعد لعبة

ابراهيم...أي وشتردين
ريتاج... لازم تفوت للعبة مال حصان
ابراهيم...أسمه ثور مو حصان
ريتاج... شكلك متفرق بين اللعبة مال حصان واللعبة مال ثور
ابراهيم...صدك تحجين ترديني أركب لعبة مال زعاطيط ميصير غير شي
ريتاج... ماكوو أعتراض ومن البداية أتفقنا على هلشي

أبراهيم...كلت أسوي أي شي أطلبي بس مو أركب بلعبة مال زعاطيط
ريتاج... بدون أعتراض أمشي يلا
صقر... تستحق تسويلها اي شي لأن ضلت جامدة من الخوف
يحجي وهو يضحك...ما جنت خايفة بس كلت ما أريد اوكع وأموت لو يصيرلي كسر أو شي وأني بعدني بريعان شبابي
صقر... أي ولهذا لسبب جلبتي بأيدي وما عفتيها

درت وجهي بسرعة للجهه الثانية وكلت...وهسه أبراهيم تلعب هاي اللعبة لو تدفع حساب الأكل
ابراهيم...رح أجربها هاي اللعبة بس لتضحكون عليه
صقر... لتخاف ألي يضحك أوكفة قصاص
كلنة فطسنه من الضحك ولما صعد للعبة قبل لا تبدي أبراهيم يغطي بوجهة المشكلة صدك بس الزعاطيط يلعبوها اما أحنا أستمرينه بس نطك صور ألة وهو يكول لتصورون ما أعرف يمكن حس أنو هو مشهور 😀

ورة ما كملنا من الضحك عليه وكفنة بمكان فارغ وعلكنة الصعاديات صدك تونسنة كلش رجعنه للكراج وصعدنة للسياره كعدت لارين من يم الجامة وأية من الجهة الثانية وأني بالنص علكنة أغنية مدرسة الحب مال القيسر الكل صار يسولف بس أني ضليت منتبهة ويه الأغنية صقر جان يحجي وية أبراهيم وأية ويه لارين