ريتاج

عقد

احتاج لشخص

يعرف أنني اكابر بالرغم من الحنية بداخلي
يعرف ان قسوتي بالكلام تبقى مجرد كلام
احتاج من يتجاهل اخطائي
ويعرف انها مجرد رد فعل لا اكثر..

❤❤❤❤❤❤

البيت هوسة وبعدها ساعة 10 الحفلة تبدي 2:00 الظهر والخطار من هسه ديجون للبيت ..كاعدة بغرفتي ويه رغد أمي قافلتها علينه من جوه علمود لا كلساع وحدة داخله وتصير هوسة
ام الصالون جاي تسوي المكياج ورح تخلص تبقه بس التسريحة رغد كاعدة ومكملة بعد بس تلبس ملابسها
ريتاج... رغد بس اخذي موبايلي ودكي على أية سأليها اشو تأخروا
رغد...وليش متدكين على صقر گبل
ريتاج... لتجاوبين بسؤال دكي على أية وخلصيني
رغد...صار صار بس لتضوجين

رغد...الوو هلوو حب شونج
ريتاج... اختصري بالكلام
رغد...حاضر استاذة ريتاج ..عيوني بس ريتاج تكول اتأخرتوا وصلتوا لو بعد

رغد...هاا خوش ، تكول وصلوا قبل نص ساعة باقين برة
ريتاج... وين باقين برة وأذا الفرع متروس زلم جيبي خل احاجيها
جريت الموبايل من ايدها وكلت...هاا عيوني

أية...هاا ريتاج شونج
ريتاج... كتلج تعاي من وكت حتى تتحضرين يمي اشو تأخرتوا
اية...اسكتي غير طالعين من غبشة بس ازدحامات نااار حمدالله صقر جان سريع وأخذنه وياه بسيارته هسه اخوية وخالي عامر تخلص الحفلة يله يجون

ريتاج... هههه احتمال باعي شنوو بره والشارع متروس ولد
اية...لا دخلنه جنه كاعدين بالسيارة
ريتاج... فتوا للبيت وكعد تخابريني بسرعة تعاي للغرفة يله
أية...هوسة مكاعد الكه امج حتى احجي وياها
ريتاج...الغرفة بابها أخضر عليها وردة نقش
اية...اي دخلت بالممر
ريتاج... ايه هي هاي غرفتي دكي الباب حتى تفتحلج لأن قافليها
اية...خوش يله سدي

سديت التلفون وأم الصالون تسولف ويه رغد على مكياجها تكللها منوو مسويه الج
رغد...گرايبي تشتغل بصالون وگلت ماطول عرف خل تسويلي احسن
ريتاج... حلوو خفيف موو طوخ ..صدك مشوفتيني ثوبج

لزمت حافظة الملابس الفستان بيه معلك لون احمر
رغد...طويل ومخصر لهلسبب ما ردت اكل هواي حتى يبقى جسمي منحوت
ام الصالون...والله خوش كدرتي تحافظين على جسمج ونتي متزوجة
ريتاج... اي صحيح اكثرهن يسمنن من الحمل مناوية تجيبين بيبي وتسويني خالة لو لا
رغد...لعد شون بس خل اكمل دراسة والله كريم

ندكت الباب أحنه ونسولف ...فتحيها احتمال أية اجتي
اية...سلام حبايب
ريتاج... وعليكم شونج ولج مشتاقتلج
اجتي باستني وسلمت على رغد وبوستها
رغد...شنوو هاي بعدج ما حاطة مكياج رح تبدي الحفلة
أية...لا جبته وياي لأن استحي احط والطريق طويل خاف يخرب
رغد...زين تسوين لعد تعاي اني احطلج
ريتاج... ما صدكت لكت بنية تلعب بيها
أم الصالون...هههه هاي كملت التسريحة ، عوفيها للبنية اني اسويلها مكياج
ماطول خلصت