ريتاج

غيبوبة

‏"أنت لا تعلم تأثيرك بي❤، كيف تستطيع أن تجعلني أُزهر🌷
، كيف أحب الحياة معك أكثر 💑، كيف أتوق إلى الهروب إليك عندما تُنهك قلبي الأيام💔💓، وكيف تجعل قلبي يبتسم 😊، كيف أحبك وكيف أنني أراك الشيء الحقيقي الذي أعيشه وأعيش إليه".

......

فزيت على صوت خالتي تصيح اسمي
ريتاج... هااا خالة
خالتي...حبيبتي اجه شهاب روحي وياه

ريتاج... خالة اريد ابقه ما اكدر اعوفه
خالتي...روحي بنتي اني رح ابقه يمه وعود تعالي زيارة ميصير تبقين على هلحال شوفي وجهج الي يشوفج يكول بيج جني

ريتاج... بس
شهاب...هااا صباح الخير
ريتاج... هلووو

شهاب... يله امشي اوصلج للبيت حتى اروح لشغلي
ريتاج... شهاب حباب خل ابقه بعد يوم هنا
شهاب... خالتج رح تبقه يمه وبعدين انتي بهلحالة لما تكعدين يمة رح يضوج لا عبالج ميحس بيج ويضوج لما يشوفج تعبانه وتعاندين

ريتاج... يحس.. زين ليش ميجاوبني لعد !!؟
لزمني من ايدي وحضني

شهاب... ريتاج لخاطري لخاطر خالتج اذا ماعدنه خاطر عندج لخاطر صقر رجعي طبيعية تره حالتج متسر لا صديق ولا عدو ارتاحي بالبيت وشوكت تردين اجيبج لهنا اني موجود الولد موجودين زين يله

ريتاج... وخالتي هاا

كلت بترجي عسى يقنع يبقيني هنا
شهاب... ما عليها شي خالتج طالما ابنها كبال عينها وبرعايتها وبعدين هيه ام وگلب الام ميستحمل يبقه بعيد عن ابنها تقبليها هاا

شهاب ديتعامل وياي مثل ميعامل الجهال واني متجاوبه وياه رغم اعرف قصده شسوي لهدرجة ماعندي طاقة ارادد لو اتفلسف مثل كل مرة

لزمني من ايدي وكال لخالتي
شهاب... هسه يجي ايهم يجيبلج غراض هدوم وشغلات تحتاجيها وصيت البنات يحضرنلج جنطة

خالتي...اي خوية مقصرت روح خاف تتأخر على شغلك
مشه وجرني وراه بس عيني ضلت معلكة على صقر من ورة الباب

لحد ما اختفت الغرفة من عيوني يله انتبهت شهاب يحجي وياي
ريتاج... هااا شكلت
شهاب... صار يومين منايم مثل الاوادم والشغل ماكل راسي

ريتاج... ساعة بيش هسه
شهاب... بخمسة الاف 
ريتاج...شهاب موو وكتك
شهاب...7:48 دقيقة

ريتاج...بعد وكت
شهاب... اجيت لهنا من وكت حتى لا اتأخر على دوامي ورح يصير 8:00 وبعدني مواصل هسه الطريق للبيت دقيقتين وللدوام اربعة

ما حجيت شي ركبت السيارة ومشينه حطيت راسي على الجامة وكل شويه اتعور من ورة الطسات

وصلنه للبيت طلعت من السيارة وشهاب بسرعة حرك وطلع
دكيت الباب نفتحت ووراه حنين دخلت ودخلت وراية

حطت الشال على الكرسي وكالت...شونه صقر ريتاج
ريتاج... موو زين

كلت هيج ودموعي تجمعت
ضلت صافنة عليه تقربت اكثر وكالت...لتبجين نشالله ميصير الا الخير
ريتاج... متحملت اشوفه وهوه بهاي الحالة حنين والله صعبة نايم لا يحرك ايد ولا رجل بس يتنفس وهذا الدليل الوحيد انوو عايش