فصلية لابن شيوخ

البارت الاول

بغداد
اسمي نور عمري 18 سنة صف سادس اعدادي مواصفاتي بيضة عيوني كبار وسوود وشعري طوييل واسوود طولي 155 يصيحولي القزومة و وزني 50 عندي اخت اسمها زهراء واخ واحد اسمة علي واحبهم كولش اني الاخت الصغيرة والمدلله عدهم يحبوني كولش هواي واني هم احبهم بابا اسمة حسين وهو استاذ جامعي وماما اسمها هدى وهية دكتورة جراحة.
الناصرية
عائلة ابومحمد
اسمي محمد عمري 27 سنة متخرج من كلية التربية مواصفاتي اسمر طولي 180 و وزني 75 عيوني كبار وعسلي وشعري اسود عندي اخت اسمها حوراء واخ واحد اسمة حسن وابوية شيخ العشيرة وامي هية الشيخة ابوية حچايتة مسموعة عند الكل
عائلة نور
نور: كعدت من الصبح واسمع صوت عياط وامي تبچي وتصيح ابني حيكتلو ابني حيموت اني ما أدري شكو ابچي وياهم واصيح احچو شكو محد يحچي طلعت لبرا واشوف زلم وصايح ويگولون منروح منا الا تنطونه ابنكم وبابا وعمامي يهدون بيهم دور عمو ابو احمد گللهم جيبو عمامكم ونگعد ونحلها انشاء الله طب بابا وعمامي واعصاب صايرين ام علي: شكو شصار احچو شگلولكم
ابو علي: اتفقنا وياهم حيجبون عمامهم ويجون بعد يومين
ام علي: صدووگ انت وين وديت علي وين راح
ابو علي: وديته لبيت ابن عمي
نور: بابا ليش شكو شصاير؟
ابو علي: والله يا بنتي اخوچ ضارب واحد بالسيارة وهذا الولد ماات واهلة يردون اخوچ يريدون يقتلوو
نور: لطمت على وجهي وگمت اصيح واملخ بروحي بدون شعوور اجة بابا حظني ويهدأ بية ويگولي بابا اهدأي واني اگولة معقولة يقتلون اخوية
ابو علي: لا بابا محد يقتلة لو اعرف اني انقتل ولا اخليهم يلمسون شعرة من راسة ضليت ابچي اني وماما شوية واجت اختي هية والتوأم مالته يخبلون ولد وبنت ضلينة نبچي كتلهم حروح لغرفتي تعبانة وماما وبابا راحو لغرفتهم وزهراء اخذت التوأم مالتها وراحت نامت بقيت وحدي بغرفتي ابچي 😭وتذكرت شلون چنة اني وعلي نگعد نسولف ونضحك چان دائما يصيحلي قزومة واني ابچي وانقهر وازعل منه بعدين هو يچبلي شوكلا ويصالحني واني ضعيفة كولش گدام الشوكلا والككو ضليت ابچي واتذكر شلون چان ياخذني للمول وياخذني اتسوق چنت اعشق التسوق دائما اطنگر علية اگولة الا توكلني ايس كريم 🍧 وهو يگولي أمرچ حبيبتي اني كم نور عندي كم قزومة عندي ونمشي سوة وكل شوية يگول احبچ يا احلى قزومة بالدنيا واني اضل اضرب بي ضليت افكر 🤔لحد ماغفيت ما اعرف شلون نمت گعدت الصبح گتلهم صباح الخير
الكل: صباح النور
بس البيت كئيب احسة مابي رووح الضحكة راحت منة من يوم الطلع علي منة گعدت على الريوگ مشتهيت اكل گمنة من طاولة الطعام
ابو علي: راح اطلع اروح لابو احمد اشوفه خابر على شيخنة يجي الناس تجي العصر
نور: هو گال هيچ ما اعرف ليش گلبي انقبض ضليت اروح وارجع بالبيت ضليت افتر حتى ماما وزهراء ضلين يحچن علية
ام علي: كافي گعدي دوختينه
بيت ابو محمد
محمد :كعدت من النوم الصبح نزلت كتلهم صباح الخير
الكل :صباح النور
ابو محمد: بوية حضر نفسك عدنة طلابة نريد نحلها العصر نروح
محمد: خيير بوية شصاير؟
ابو محمد :والله يابوية ابو فهد ابنة ضربه واحد بالسيارة ومات وهسة ابو فهد يگول ما نصب فاتحة ابني الا اخذ بثارة ورايح هاد على الناس وگايللهم انطوني ابنكم الا اخذ بثاري والناس گايلية روح جيب عمامكم ونكعد انشاء الله نحلها وهسة نروح العصر ونشوف شلون نحلها
محمد: انشاء تنحل من غيير دم
يتبع....
حبايب اني مبتدأ وهاي اول رواية اكتبها
اتمنء تعجبكم باچر انزل البارت الثاني

الكاتبة زينب الروازق 😍