فصلية لابن شيوخ
البارت 15
نور:صعدت سبحت وغيرت ملابسي ونشفت شعري وخليت مكياج طبيعي ولبست ثوب حلو كولش طويل لون ماروني وذبيت الحجاب على راسي ونزلت لگيتهم جايين حييل هاي بس اقاربهم هالكثر عود الحجي والحجيه ولد عم وهيج شفت نفس النسوان الشفتهم بالعقد مالتي واكو نسوان نا اعرفهن وشفت هنادي وامها وياهن بنيه ما اعرفها يباوعن عليه بعين غضب دخلت كوتلهم السلام عليكم
الكل :عليكم السلام
نور:كولهن كامن يبوسني يمه احس خدودي خلصن رحت سلمت على ام هنادي كوتله هلو خاله شلونج
ام هنادي: هلا بالفصلية😒
ام محمد :ام هنادي نور چنت هذا البيت مو فصلية والچنه الچبيرة هم
ام هنادي:😏
نور:ها هنادي شلونج
هنادي'الحمد لله وانتي 😒
نور:تمام
هنادي: هاي فاطمه بنت عمي
نور:هلاو حبي تشرفت
فاطمه: هلا
نور:عاااابت ذني شبيهن 🤔ماعاجبهن العجب مو صوچهن صوچي اني اسلم عليهن متخلفات
حوراء: شبيچ تحجين ويه روحج جنج مخبله
نور:احجي على ذني الشايفات ارواحهن وحدة دكولي هلا بالفصليه و وحدة دكولي هلا من ورى خشمها عااابت شايفا ارواحن
حوراء:عوفچ منهن امشي خلي نحضر الغداء لا يجي محمد يزفنه زفه معدله
نور:ييا عزاا نسيت اسوي الزلاطه
حوراء:امشي خلي نسويها بس فدوة سويها طيبه مثل ذيج المرة وبس تسمع هنادي انتي الطابخه الا طگ
نور:😂😂
حوراء:لاتنسين ورانه رهن متراهنين كون صدوگ يطلع طبخچ طيب
نور:اني واثقه من نفسي طبخي طيب خلي نخسر محمد عشاء وطلعه وبدربنه نشتري ملابس 😜😂
حوراء:😂😂 يستاهل منو كله يتراهن
نور:حضرت الزلاطه وصبينه غداء وطبعهم بالعزايم ميصبون بالماعين يصبون بالصواني صبينه وخلصنه اجه محمد
محمد: خلصتو لو بعدكم
نور:اي عيني خلصنه
محمد:شو شنو هذا حجابج شعرج طالع
نور:ما اعرف البسه كوتلك
محمد:حوراء سويلها حجابها
حوراء:اي يالئيم
محمد:😠 نور والا اكولج كومي طبي جوا ولد عمي راح يجون ينكلون الاكل ويانه
حوراء:اي عيني وابقى اني وحدي
YOU ARE READING
فصلية لابن شيوخ
General Fictionتتحدث عن فتاة اجبرت على الذهاب الي بيت الشيخ فصلية لتنقذ حياة اخوها للكاتبه زينب الروازق
