فصلية لابن شيوخ
حوراء محمد دز خبر كال نور تروح متبقى هنا
نور اني هم مابيه اجادل رحت سبحت وطلعت سحبت شعري وخليتة مفتوح وخليت مكياج صارخ ولبست الفستان الاحمر الطويل ولبست حذائي واخذت الجبه والحجاب مالتي ونزلت لگيتهم حاضرين محمد داز خبر بيد حوراء نصعد بسيارة مصطفى لان سيارة حسن الولد حيصعدون بيها والنسوان الباقيات تقسمن على السيارات البقية
صعدت ام محمد يم مصطفى واني وحوراء وزينب وام حسام ورى وصلنه لبيت هنادي دخلنة جوا وصوت الاغاني والركص والهلاهل صاير بلاش بس هنادي صدوك طالعه حلوة مكياجها والبدله كولش حلوات وذبت لحم رگصت رگص مصاير حتى امها وخالاتها ضلن يحجن عليها كللها استحي شويه واكعدي وهيه دگلهم اكو احلى منها حتزوج حبيبي وتركص اني كولش ضايجه خلصنها البنات سوالف وركص وضحك شوية ونسمعهم كالو اجه العريس كامن البنات لبسن بس اني وحوراء مالبسنه لان مادخلو شباب وياهم دخل محمد طالع يخبل بالقاط مالته ويصفك ويضحك مكيف
محمد دخلت بيت هنادي وعيوني دور نور ابد ولا كأن هنادي العروس المفروض اباوع عليها بس خايف على نور
صارت عيني على نور طالعه تخبل لك يابه شنو من جسم عليها شوف الفستان ياكل ويشرب وياها لو الشعر حكاية ثانيه
ام محمد يايمة شبيك صافن متفوت
محمد فزيت على صوت امي وهية دگولي يمة فووت طبيت كعدت يم هنادي هم طالعه حلوة بس مو بحلات لعابتي
نور كعد محمد يم هنادي واني احس نفسي ماعندي طاقه اوكف بعد وحوراء واكفه بصفي بس كوة اصبر على نفسي
قدمو لمحمد وهنادي كيك وعصير واحد اكل الثاني واخذو صور دور شغلو اغنيه وكامو يرگصون ثنينهم خلصت الاغنيه ونصدمت بمحمد يكول اريد اركص ويه مرتي
بيبيت محمد ياحبوبة شمالك مو ستوك ركصت وياها لاحگ عليها
محمد لابيبي مو هنادي اريد اركص ويه مرتي نور
الكل انصدم 😱
ننور هنادي وجهها كام ينطي الوان
محمد يلا شغلو الاغنيه
نور شغلو اغنية عبالي حبيبي لاليسا واجه محمد تقرب عليه مد ايدة اني ضليت صافنه بالاخير حوراء ضربتني بيدي
حوراء شبيج صافنه ماتروحين تركصين ويه رجلج
نور انطيت ايدي لمحمد ورحنه نركص اني ويا بس حييل تأثرت بالاغنيه دموعي صازن طرف عيني محمد انتبهلي
محمدديري بالج دموعج تنزل ترى احنه بنص الناس
نور هو گال هيج واني بعد ما سيطر على دموعي صارن ينزلن بغزارة مثل الشلال بس دنگت ماخليت احد ينتبه
محمد عود هاي وكوتلج احنه بنص الناس
نور خلصت الاغنيه وكالو يلا نزفهم هنادي ضاجت كولش لو بيدها تملخني
محمد نور روحي لبسي يلا وصعدو ويه مصطفى مثل مگتلكم
نور ماشي
اي يگلبي شتتحمل بعد اوووف يربي راح امشي بزفته يربي شلون بية طلعنه محمد اخذ مرته وصعدو بسيارة الزفه واحنه صعدنه ويه مصطفى والزفه مالته حلوة صارت اني الطريق كوله دايرة وجهي على الجامه ودموعي تنزل وكل شوية يوگفون ينزلون محمد ويرگصون ويا لحد موصلنه للبيت نزلنه اول شي احنه دخلنه للبيت ودخل محمد وهنادي ورانه وذبحو طلي دجاجة جوا رجلها
رحت غيرت ملابسي دا اطلع من الغرفه واشوف محمد وهنادي دخلو للغرفه دخل محمد ورجع طلع ياربي راح تصيير مرتة صدووگ شلون بيه حتخبل دخيلك ربي طفي ناار گلبي دخيلك رجعت دخلت للغرفه شويه واسمع الهلاهل عرفت زفو محمد للغرفه طلعت من الغرفه ومحمد صعدعلى الدرج وشفته فاات گبالي للغرفه بوقتها صدوگ احسن روحي نسحبت مني انتهيت اريد اوگف على رجليه ما اگدر وبوقتها صدووگ كرهت محمد دخلت للغرفه واني ابجي من كل گلبي انتهيت متت من التفكير هسة هو وياها بالغرفه ويسولفون ويضحكون هسة هيه نايمة بحضنه انتهيت ضليت افكر خذاها لو لا تقرب عليها لو لا للصبح مگدرت انام لل7 الصبح كمت غسلت وغيرت ملابسي ونزلت العرسان بعدهم نايمين نومة بلا گعده انشاء الله لگيت ام حيدر دتسوي الريوگ والبنات وياها كوتلهم صباح الخير
الكل صباح النور
نور اساعدكم بشي
ام حيدر لا بنتي البنات ديساعدني
فاطمه اگول نور شو البارحه بليل ماكو مابينتي وحتى عشاء ما تعشيتي
نور والله تعبانه وصعدت نمت
فاطمه هااا 😑
ام حيدر اي حقج يمه اكثر الشغل صار عليج
نور اي خاله ولا يگولك عرس رجلي يكولك عرس اخويه
خاله اني صاعدة اجيب الفون مالتي نسيته فوگ
ام حيدر خاله كعدي تريكي
نور ما اشتهي اكل
ام حيدر يمة كعدي اكلي حتى عشاء ماتعشيتي
نور اي اني من اجوع اكل
صعدت دا اريد ادخل للغرفه مالتي وطلعت هنادي من الغرفه باوعتلي وتضحك كوتلها مبرووووك
هنادي الله يبارك بيج اكولج اني ومحمد جوعانين من تعب البارحه بليل 😉سويلنه ريوگ
نور نزلي تريگي جوا ام حيدر دتسوي ريوگ شنو خدامه عندج اني
هنادي بابا شبيج هو اني شگوتلج وهيج عصبتي
نور فوتي حالي مالي خلگج
محمد شكو شبيجن
هنادي لا حبيبي مابينه شي
نور مبرووك عريسنه
محمد الله يبارك بيج
نور لو اعرف اهلهل جان هلهلت طبيت للغرفه وطبگت الباب حييل واني اغلي متت ياري شراح يخلصها هيج
محمد نور طبت وطبگت الباب بعصبيه اكول هنادي شبيها نور شحجيتي وياها
هنادي ماكلتلها شي بس كلتلها سوينه ريوگ جوعانين شو هيه عصبت
محمد هنادي مالج شغل بنور اذا تردين شي سوي بنفسج عوفيها بحالها ماريد مشاكل الله يخليج
يتبع.......
الكاتبه زينب الروازق 😍
شكرا لتعليقاتكم الحلوة يا احلى متابعين 😘😘
KAMU SEDANG MEMBACA
فصلية لابن شيوخ
Fiksi Umumتتحدث عن فتاة اجبرت على الذهاب الي بيت الشيخ فصلية لتنقذ حياة اخوها للكاتبه زينب الروازق
