فصلية لابن شيوخ
البارت 2
عائلة ابو علي
نور: تغدينة وخلصنة طبعا محد اشتهى ياكل وسوينة چاي شوية واجة احمد ابن عمي طبعا محجيتلكم عنة بس بعدين حتعرفون منو هو حاجة بابا گلة عمو الناس وصلو وگاعدين بالاستقبال راح بابا وية احمد واحنة گاعدين على نار نسمع صايحهم بس منعرف شصار.
محمد: اجة ابوية گلي يالله بوية گوم هم يالله نوصل الطريق بعدين من الناصرية لبغداد گمت سبحت ولبست دشداشة سودة وغترة بيجي وأخذت نظارتي ورشيت عطر وطلعنة
وصلنة لبيت الولد الي قتل ابن ابو فهد فتنا جوا للاستقبال وبعد مشادات قوية بالكلام وصياح وعرك وابو فهد ميقنع الا الدم بالدم ويگلهم انطوني ابنكم ويخلص الثار.
ابو محمد: بس يا ابو فهد مراح يخلص الثار هيج راح يصير بحر من الدم واحد يضل ياخذ بثار الثاني وهيج تصفة العشيرتين تضل بس نسولن تتچتل الزلام كلها.
ابو علي: انطيكم فلوس شگد متردون بس عوفو ابني ماعندي غيرة بس هذا الوحيد
ابو فهد: اني هم ماعندي غيرة وچتلة ابنك اني ما اريد ابدل دم ابني بفلووس اني اريد الدم بالدم 🔪
محمد: اابو فهد وابو علي وعمامهم ضلو يتصايحون الى ان حچه ابوية
ابو محمد: اذا تضلون هيچ بعد سنة متنحل عندي الكم حل واسمعوا وانشاء الله يرضة الطرفين ناخذ بنية فصلية وياها 20 مليون وهييج تنحل السالفة
ابو فهد: شنو تريدني ابيع دم ابني بفلوس
ابو محمد: لا منو گال هيچ ابنك غالي ودمة مينباع بالفلوس بس علموود يوگف الدم البيناتكم وتصير صلة قرابة بينكم
ابو فهد اني موافق اخذ فصلية
ابو علي: مستحيل انطي بنتي فصلية لو تقتلوني
ابو احمد: عيني ابو محمد منو ياخذ فصلية بعد بهذا الوكت الناس تحضرت
ابو محمد: العدنة گلنا تقبلون بي خير على خير متقبلون ابنكم ينقتل
احمد: مستحيل اخليكم تاخذون بنت عمي اني ما انطيها
صيحو وحچو ووبالاخير گلولهم باجر نرجع الكم خبر.
نور: طلعو الزلم دخل بابا وعمامي و ولد عمي وجوهم متتفسرر وبابا عيونة حمر مبين باچي كولنة گمزنة وكلنالهم ها شصار
ابو احمد: بنتي نور بس طريقة وحدة اليرجع بيها اخوج
نور: شنو عمو گول
ابو احمد: انتي تروحين فصلية لبيت ابو فهد
نور: شنو 😳 ارووح فصلية ضليت مصدوومة
ابو احمد: بنتي هاي الطريقة الوحيدة الي تگدرين تنقذين حياة اخوج بيها
نور: مستحييل اروح فصلية اكيد اكو طريقة ثانية بابا يحبني ميخليني اروح فصلية
ابو علي: لا ما اخلي بنتي تروح فصلية لو اعرف انطيهم علي
نور: هو بابا حجة هيج شو اجت بنت عمي ابو احمد گمزت علية وتبوس بية ارجوج وافقي تروحين انقذي علي حبيبي طبعا لوجين تصير خطيبت علي وصارلهم شهرين من مخطوبين اني ضليت ولا احس بشي بس حرارة دموعي اليتنزل بغزارة على خدي درت وجهي ومن غير وعي صعدت لغرفتي دخلت للحمام اني وملابسي جوا الدوش ومي بارد ينزل على جسمي تقريب ورة ربع ساعة حسيت على نفسي ارجف جسمي كولة يرجف من فووگ ليجوا لفيت نفسي بالروب وطلعت شغلت التدفئة ونمت على التخت ودموعي تجري على خدي فكرت معقولة علوش ينقتل لا لا مستحييل ما اسامح نفسي ابد اذا صار بي شي مانزلت من الغرفة الا لثاني يووم نزلت لگيتهم يتريگون گوتلهم صباح الخير
الكل: صباح النور
ام علي: گعدي ماما اكولي
نور: لا ماما مااشتهي
ام علي: ميصير بنيتي لازم تاكلين
نور: والله ماما ما اشتهي
ام علي: اوك بنتي ما اظغط عليج براحتج
نور: كملو ريوگ گوتلة لبابا بابا دا اريد احجي وياك
ابو علي: اي بابا احچي
نور: بابا اني قررت اروح فصلية واتقذ اخوية من القتل
ابو علي: شنو مستحييل اخليج ترووحين فصلية
يتبع....
شنو رأيكم بالبارت حبايب
الكاتبة زينب الروازق 😍
YOU ARE READING
فصلية لابن شيوخ
General Fictionتتحدث عن فتاة اجبرت على الذهاب الي بيت الشيخ فصلية لتنقذ حياة اخوها للكاتبه زينب الروازق
