فصلية لابن شيوخ
البارت الرابع
ابو فهد: هاي البنية هدية مني لمحمد ابنك
محمد: شنو بس اني خاطب واريد اتزوج
ابو محمد:مقبولة هديتك والرجال من حقة يتزوج ثنين وثلاثة واربعة
محمد: بس بوية
ابو محمد: لابس ولاشي ابو فهد هديتك مقبولة
ابو علي: مادام بنتي حتروح لبيت الشيخ راح أأمن عليها وبنتي امانة برگبتك يا ابو محمد
ابو محمد: واني گد هاي الامانة والبنية راح تكون مثل بنتي وانشاء الله ماقصر وياها
نور: صعدت للسيارة وطريق كولة ابجي وطريق شطولة صافنة وابجي شوية وحچة محمد گال
محمد: نزلي وصلنة
نور: جفلت بمكاني وخفت من صوتة لان چنت صافنة
ابو محمد: نزلي بنتي لتخافين نزلي
نور: نزلت طبعا اني مو محجبة وچنت لابسة بنطرون جينز وتشيرت وعلية جاكيت وبوت طويل وحالة شعري طويل واسود نازل على ضهري كولها ضلت تعاين
محمد: فوتي جووووا
نور: فتت ليجوا يييا عابت هذا شبي يصيح استقبلتني مرة متوسطة بالعمر يمكن هاي الشغالة مالتهم
ام حيدر: هلا بنيتي فوتي يا اهلا وسهلا
نور: وبيج اكثر خالة
ام حيدر: يمة فدوة شوف الجمال شوف الشعر شوف اللبس تخبلين
نور: شكرا خالة انتي الاحلى هذا من ذوقج
ام حيدر:اگولج خالة صدك انتي اجيتي هيج بدون عباية
نور: خالة اني مو محجبة
ام حيدر :بنيتي احنة هنا ماماشية عدنة احنة ناس محافظين ويا بنتي بغداد تختلف عن الناصرية
نور: وانتي گولتيها بغداد تختلف عن الناصرية
ام حيدر: اي بنتي شنو اسمج
نور: اسمي نور
ام حيدر: واني ام حيدر الشغالة بهذا البيت بس بيت الشيخ هم مثل عائلتي
نور: تشرفت خالة
اباوع على البيت كولش كبير وحلو يخبل گلت بگلبي اي بيت عشيرة بعد دخلتني ام حيدر ليجوا شفت مرة كبيرة بالعمر گاعدة على التخم
ام محمد: هلا يمة تفضلي
نور: زاد فضلج خالة
ام محمد: شنو اسمج يمة
نور: اسمي نور خالة وعمري 18 سنة
ام محمد: عاشت الاسامي يمة اسم على مسمى صدك نور يمة تخبلين
نور: شكرا خالة انتي الاحلى شوية واجت ام حيدر فوتت الجنط
ام محمد: ام حيدر صيحيلي هدى خلي تجي
YOU ARE READING
فصلية لابن شيوخ
General Fictionتتحدث عن فتاة اجبرت على الذهاب الي بيت الشيخ فصلية لتنقذ حياة اخوها للكاتبه زينب الروازق
