فصليه لابن شيوخ
البارت 20
نور كمت انطيته ماي
محمد نور اني كولش ضجت من المستشفى اريد اطلع
نور لا موبكيفك خلي يجي الدكتور ونشوف شيكول اذا كال ميطلع ماكو طلعه 😬
محمد تخافين علية 😉
نور اااا اي لا اي اخاف عليك يعني حتلو حسن بمكانك هم اخاف عليه انتو اهلي
محمد انتي ليش تكابرين كولي احبك
نور ممكابرة 😳
محمد مممم
نور 😊
حسن السلام عليكم ها حمودي شلون صرت
محمد الحمد لله زين بس اريد اطلع من المستشفى
حسن هسة يجي الدكتور ونشوف شيكول
الدكتور السلام عليكم شلونك اليوم شيخ محمد
محمد الحمد لله دكتور زين بس اريد اطلع
الدكتور خلي نشوف جرحك اذا زين تطلع وانت اليل كله مصخن يعني نشوف حالتك اذا حرارتك مرتفعه ميصير تطلع
محمد لادكتور مابيه شي
الدكتور لا الحمد لله جرحك زين وتكدرون تطلعون
نور الدكتور كال تكدرون تطلعون محمد كيف ومااصدگ
حضرت غراض محمد وحسن راح يخلص اجراءات الخروج اجه حسن كال خلصنه يلا امشو لزمت محمد من ايدة وطلعنه ساعدنا اني وحسن حتى يصعد السيارة وصلنه للبيت هوسة والدنيا مكلوبه الزلم والنسوان يمكن العشيرة كولها جايه ولكيت حوراء فارشه لمحمد بالمضيف وكالت خاف زلم تجي تشوفه خذا حسن للمضيف كوتله دير بالك على نفسك
محمد انشاء الله
نور اجيت للمطبخ شربت مي ورحت للصاله لكيت خالات محمد وعماته وبنات خالاته وبنات عماته وعمامة كلهن وهنادي وامها مجتمعات سلمت عليهن
هنادي ها ست نور شلونه محمد
نور الحمد لله زين 😏
هنادي شعندج لازكة لرجلي ها شعندج بقيتي ويا بالمستشفى
نور يووو مالي خلكچ والله 😣
حوراء عيني هنادي لتنسين هو هم رجلها وبعدين هيه مالازكه بي هو الكال اريد نور يمي بالمستشفى لو نسيتي
نور عوفج منها حوري
درت وجهي على الحجيه كوتلها ماما اني تعبانه حروح اسبح واريح شوية وانزل
ام محمد روحي يمه تعبتي الله يساعدج
نور من رخصتكم حبايب
ام حسام مرخوصه حبيبه روحي ارتاحي
نور صعدت سبحت وبدلت ونمت والنومة نومة كعدت لكيت الساعه ب3 الضهر كمزت حيل شكد نمت اني وعلاج محمد نسيته كمت غسلت وبدلت ونزلت لكيتهم بعدهم مرايحين كوتلهم السلام عليكم
الكل عليكم السلام
نور اكولج حوري نسيت علاج محمد خذا
حوراء اي حسن انطاهيا لان محمد لسا بالمضيف ناس طابه ناس طالعه
هنادي صح النوم عيني ولا كأن اكو خطار يمكم عفتي ورحتي نمتي وصعدتي
نور انتي تكفين وتوفين عيني
ام حسام هنااادي كافي البنيه من البارحه واليوم بالمستشفى وتعبانه وصعدت ترتاح شوية بغرفتها
نور خالة ام حسام عوفيها خلي تولي مالي خلگها
هنادي للللج من اليتولي
نور هنادي انعلي الشيطان وكفي بلاج عني مالي خلك
هنادي مو كافي من ورى وجهج الفگر رجلي تصوب قبل عرسنه بايام وعرسي تاجل
نور اني وجهي الفكر لو انتي قبل عرسه منج تصوب وزين ما مات الرجال يم وجه الفگر
هنادي شو تعاي اني وجه الفكر 😾
نور لزمتني هنادي من حجابي جرته وملخت شعري وهية سمينه وعملاقه مكدرتها بس لزمتها من شعرها وضليت املخ بي الكدرتله سويته والبنات ضلن يفاككن بينه
حوراء ركضت رحت لحسن كوتله الحك هنادي ونور ديتعاركن
حسن خررب شوف اصواتهن فضحنه فضيحة 😠
محمد كاعد بالمضيف والزلم طلعت كوتلهم اريد اروح لغرفتي ارتاح واسمع صايح النسوان كلت شكو شبيهن فضحنه ذني خليي اروحلهن اكسرهن اجه حسن كتل
حسن ذني نسوانك يتعاركن وفضحنه
محمد خير انشاء بعدهن ماصارن نفس البيت وبدت المشاكل ولو اني ادري نور مدور مشاكل اكيد هاي هنادي
يتبع .......
الكاتبة زينب الروازق 😍
بارت صغير مفاجئة الكم حبايب
بس باجر ما انشر بارت
وشكرا لتعليقاتكم اليتخبل مثلكم
احبكم 😘
أنت تقرأ
فصلية لابن شيوخ
General Fictionتتحدث عن فتاة اجبرت على الذهاب الي بيت الشيخ فصلية لتنقذ حياة اخوها للكاتبه زينب الروازق
