فصلية لابن شيوخ

البارت السادس

فصلية لابن شيوخ

البارت السادس

نور: ضليت ابجي واحجي وية نفسي شنو ذنبي اتحمل غلط غيري واحلامي كولها تتحطم بين يوم وليلة واتزوج واحد ما اعرفة لا حياتهم مثل حياتنة ولاعيشتهم مثل عيشتنة بيئتهم كولها تختلف شلون حعيش وياهم شلون حتعود عليهم واعيش عيشتهم شوية وندگت الباب
منو

حوراء: اني حبيبة

نور: تفضلي حبيبتي

حوراء:اگولج حبيبتي باجر يجي الشيخ يعقدلكم

نور: حطيت ادية على وجهي وگمت ابجي بصوت قوي 😭
حظنتني حوراء وتسكت بية

حوراء: سكتي حبيبة سكتي هذا المكتوب عليج شتسوين والمكتوب على الجبين لازم تشوفةالعين

نور: الحمد لله
طلعت حوراء من الغرفة ظليت افكر اني حتزوج واحد لا اعرفة ولاحتى شايفتة حتى شكلة ما اعرفة هسة اذا اشوفة گبالي ماعرفة يجوز منغولي لو احول لعد اني فصلية قابل ينطوني لشيخ العشيرة مالتهم تعبت من البچي والتفكير نمت من غير ما حس على نفسي ماحسيت غير على دگت الباب صحت منو

حوراء: اني حبيبتي

نور: فووتي رفعت راسي من المخدة گوتلها شكو

حوراء: ماكو شي بس جبتلج الريوك

نور: ليش بيش الساعه هسة شنو اتاخرت بالنوم

حوراء: لا حبي ماتاخرتي

نور: شكد الساعة اعاين للساعة الساعة بال6 ونص گوتلها شنو هاي تتريگون بال6

حوراء: مرات هية بس تصير ال8 صار دنيا الضهر

نور: ليش شوكت تگعدون من النوم

حوراء: نگعد لصلاة الفجر اني مرات ارجع انام بس امي وابوي وخواني يضلون يتريگون

نور: شكرا حبي حطي الصينية تعبتج

حوراء: تعبج راحه اممم راح تصيرين مرت اخوي من فدوة رحتلج

نور: فدوة لگلبج حبيبتي دمعت عيني وگوتلها عاد شلونه اخوج منغولي احول الحتزوجة وابتسمت 😁

حوراء:  يا يا البنية تخبلت گاكت تبجي وتضحك نفس الوقت

نور: لاحبي بس تذكرت شغلة وضحكت

حوراء: ها لبالي تخبلتي 😂

نور: 🤣
طلعت حوراء واني مشتهيت اكل گلت عيب لازم انزل جوا عيب اضل گاعدة بالغرفة دخلت سبحت وطلعت لبست تراك سمائي ومطبوع علية كلمت Love نشفت شعري بالسشوار وشلتة ذيل الحصان وحطيت ميكاب طبيعي ولبست طوگ ابو الڤيونكا ونزلت لگيت الحجي والحجية حاطين فواكه ودياكلون كلتلهم صباح الخير

الكل: صباح النور

نور: شفت الشيخ ابو محمد گاعد ستحيت

ام محمد: تعالي بنتي گعدي اكلي

نور: لا شكرا حجية ما اشتهي

ام محمد: شنو حجية من اليوم ورايح تصحيلي يمة ماكو بعد حجية ولابو محمد بوية

نور: انشاء الله حجية

ام محمد چا ستونة شحجينة شو رجعتي گولتي حجية

نور: 😊 انشاء الله ماما

ام محمد: يمة فدوة شوف الماما تطلع من حلگها مثل العسل

نور: خلال هاليومين مشفت ولا واحد من ولدهم رحت يم ام حيدر بالمطبخ گوتلها تحتاجين شي خالة اساعدج

ام حيدر: لا بنيتي سلامتج كولشي مامحتاجة انتي عروس ارتاحي

نور: من گالت هيج غصة صارت بگلبي واختنكت اجيت ابجي گوتلها حروح اطلع برا اشتم هوا

ام حيدر: اي يمة طلعي بس لتتاخرين ليجي واحد من الولد ويشوفج برا ترة ميقبلون

نور: ماشي خالة
طلعت لبرا الطارمة شكبرها وحديقة كولش كبيرة وعدهم باب على الطارمة وباب على الحديقة ضليت افتر بيها شوية ودخل ولد شاب صاح بية

محمد: شتسوين هنا فوتي جوا يلا

نور: گمزت اخترعت من صوتة گوتلة اجيت اشتم هوا

محمد: لتجاوبين يلا فوتي جوا

نور: اوي شگد متعجرف وشايف نفسة وركضت طبيت ليجوا شافتني ام حيدر

ام حيدر: شبيج يمة وجهج مخطوف

نور: ما ادري هذا منو شايف روحة صيح علية وگلي فووتي جوا

ام حيدر: يا صخام بس لا واحد من الولد ميقبلون احد يطلع برا من البنات

نور: اني حروح فوگ ليجي يرزلني مرة ثانية عابت شكد شايف نفسة

ام حيدر: روحي يمة روحي

محمد: ام حيدرررر ام حيدررررر

يتبع......

للكاتبة زينب الروازق 😍