فصلية لابن شيوخ
البارت 5
محمد: خيير انشاء الله شبيها البنية دخلت لجوا شفت البنية واگعة بالگاع گتلهم شبيها البنية
ام محمد: والله يا ابني ما أعرف شبيها
محمد: شلتها وصعدتها ليفوك للغرفة گلت لحوراء ذبي عليها ماي وديري بالج عليها
حوراء: اي عيني تخاف عليها طبعا راح تصير مرتك
محمد: محد تصير مرتي غير هنادي سمعتي لو لا
حوراء: رضيت لو مارضيت نور راح تصير مرتك
محمد: گلت بگلبي اسمها نور والله اسم على مسمى حوراء اني نازل ديري بالج على البنية
حوراء: ماشي
نور: گعدت لگيت نفسي نايمة على التخت وحوراء گاعدة يمي گوتلها شنو صار اني وين
حوراء: حبيبة انتي بغرفتج اغمى عليچ واخوية شالج وصعدج للغرفة
نور: يا شگد عيب اخوج شالني
حوراء: على شنو عيب هذا راح يصير رجلج يلا حبيبتي اعوفج ترتاحين اني نازلة
نور: طلعت حوراء واني ضليت بالغرفة بس ابچي شلون راح اتأقلم وياهم شلون حعيش عيشتهم غفيت وماحسيت على نفسي. گعدت من النوم نزلت من التخت احس نفسي ماعندي توازن بعدني دايخة مشيت على كيف رفعت الستائر اشوف صاير الليل اووو لعد اني شگد نمت رجعت للتخت شوية واندگت الباب صحت منو
حوراء: اني حبيبة
نور: تفظلي حبيبتي
حوراء:جبتلج اكل من الصبح لسا مماكلة اكولي
نور: لا حبيبتي مااريد ما اشتهي
حوراء: لا ميصير لازم تاكلين ليصير عندج هبووط بااسكر بالظغط من الصبح لسا مماكلة
نور: اوك بس تعالي اكولي وياي
حوراء: ياي اكتل امي وابوية على الاكل يم يم 😋
نور: اكلت شوية ماشتهيت اكل بس حوراء ماشاء الله ماقصرت خلصت حوراء واخذت الصينية نزلت
محمد: السلام عليكم
الكل: السلام عليكم
محمد: هاحجية شلونج
ام محمد هلا يمة شلونك
محمد: اني بخير اذا انتي بخير يمة شلون صارت البنية
ام محمد: زينة
ابو محمد: ام محمد باچر يجي الشيخ ويعقد لمحمد على البنية گلولها خلي تحضر نفسها
ام محمد: اي خير انشاء الله على الخير يمة محمد
محمد: ياخير يمة ياخير انتي تدرين انتي تدرين اني احب ناهدة وهية تحبني كربستوها براسي ليش خلي اخوية حسن يعقد عليها
حسن: شنو شنو تريدني اني اتزوج بنية تسمت بأسمك
محمد: اني قايل شكو بيها
ابو محمد: لابوية ميصير البنية انهدت الك وجدام الزلام كلها وميصير ياخذها اخووك ام محمد مثل ماگتلچ باچر يجي الشيخ حظرو البنية
ام محمد: تأمر ابو محمد
محمد: صعدت لغرفتي واسمع صووت بنية تبچي تقربت يم باب الغرفة البيها البنية واسمع صوتها وهية تبچي ودگول شنو ذنبي تحملت غلط غيري احلامي كولها راحت احلامي كولها تحطمت بين يوم وليلة
محمد: بالله اني شورطني بهاي البنية گلتلهم خلي حسن ياخذها بعد بلوة وگعت على راسي فتت للغرفة دخلت للحمام سبحت وطلعت شلت الموبايل مالتي واشوف 7 مكالمات من هنادي يووو هسة هاي شيحلها شيفهمها اني ما رايدها واحبها الها وراح اتزوجها الها تصلت عليها گلتلها ها حبي شلونج
هنادي : ياحب هذا ها مستحييل اخليك تصير الغيري انت الي سمعت لو لا انت حبيبي وما اسمحلك تتزوج غيري
انت باجر راح تتزوج واحنة بعد شهر على زواجنة شدگول الناس تزوج عليها قبل عرسها بشهر
محمد: حبيتي اني الج ومراح احب غيرج بس لازم اتزوجها لان انحچة بيها گدام الزلم وانهدت الية
واني ما الي شغل بحجي الناس المهم اني احبچ وانتي تحبيني وراح نتزوج
هنادي: لا والله ما اتزوجك اذا تتزوج هاي الفصلية
محمد: لا مااگدر
هنادي: اختار يا اني يا هاي الفصلية
محمد: انتي روحي وما اگدر اعوفچ ولا اگدر اعوف البنية واكسر بيها
هنادي: شنو هاي تفظلها علية هية خلك فصلية
محمد: روحي انتي مامفظلها عليج بس شسوي ما أگدر اخالف كلمة ابوي حبيبتي صدگي انتي بنت عمي وحبيبتي وشريكة حياتي صدگي بس اعقد عليها زواجنة زواج على الورق ميصير شي بينة ماشي حبيبي
هنادي: ماشي احبك
محمد: اني هم احبچ يلا حياتي لازم اروح
هنادي: براحتك يروحي باي
محمد: باي
يتبع .....
الكاتبة زينب الروازق 😍
YOU ARE READING
فصلية لابن شيوخ
General Fictionتتحدث عن فتاة اجبرت على الذهاب الي بيت الشيخ فصلية لتنقذ حياة اخوها للكاتبه زينب الروازق
