فصلية لابن شيوخ

البارت السابع والثلاثين والاخيرررر

فصليه لابن شيوخ
البارت السابع والثلاثين والاخيييررر

نوور ضليت ابچي وعلي وزوجته يحاولون يسكتوني بس اني ابددد منتهية لشويه اجو بابا وماما و وياهم زهراء

ام علي يمة بنيتي شبيها

نور شفت ماما اجت ركضت عليها حضنتها وابجي انتهيت 

ام علي ماما شبيج احجي

ابو علي بابا اكو احد مأذيج محمد مسويلج شي

نور اريددد اطلگ

الكل 😨😨😱شنووووو

نور اخذت قراري ولازم اطلگ زواجنه غلط ولازم اصلحه واني رحتلهم علمود اوگف بحر الدم الراد يصير وهسة لازم يرجع كولشي مثل مچان 😭😭تعبت بعد مابيه ما اتحمل شي بعد انهانيت هواي وانضربت وانهانت كرامتي تهمني عندي علاقه وكتلني موتني وتهجم عليه وسقطت اطفالي بفعل فاعل

زهراء ليش ممنو سقط اطفالج

نور ما اعرف بس من نزلت من الدرج رجليني انزلقت اكو شي جان على الدرج وانزلقت بي 

ابو علي يايا لتتخذين قرار تندمين عليه بعدين لتتخذين قرار بساعة عصبيه

نور صار شهر افكر وماخذت قراري بساعة عصبيه واريد انقل دوامي لهنا لان هواي هملت دراستي صار لازم ارجعلها

علي من حچت نوور هيج حسيت بتأنيب الضمير  حضنتها وضليت ابچي گوتلها سامحيني حبيبتي كوله بسببي اني عشت حياتي ومرتاح وانتي واحمد الدفعتو الثمن انتي تزوجت شخص متحبي ولاهو مثلنه ولا عاداتهم وتقاليدهم مثلنه واحمد دفع حياته الثمن 😔😭 سامحوني

نور لاحبيبي لتلوم نفسك هذا قضاء وقدر رب العالمين وهذا المكتوب عليه اشوفه

اني تعبانه كولش اريد اصعد انام ارتاح شويه

ام علي روحي ماما ارتاحي

نور صعدت غرفتي سبحت وغيرت ملابسي دموعي مانشفن ابد خليت راسي على المخدة وابچي اني احب محمد وما اگدر بدونه ماصار ساعه من اجيت واحس نفسي مخنوگة شلون حعيش بدونه يارب ساعدني يارب اوگف وياي انطيني القوة ضليت ابچي لحد مغفييت

مرع الايام واني يوم عن يوم اذبل واضعف ومحمد ميروح من بالي نقلت دوامي من الناصرية لبغداد وداومت بالجامعه الجديدة ولگيت بعض صديقاتي الچانن وياي بالمدرسه وطبعا منسيت صديقتي لما وضليت على تواصل وياها لان احبها كولش وهية هم تحبني بنيه حبابه خلوقه ومحمد حاول كم مرة يرجعني واني ما اقبل مصرة على الطلاق ومحمد يگول اني ما اطلگ انتي حبيبتي ومرتي وام بيتي مستحيل اطلگج واتخلى عنج ضلت ايامي روتينيه تمشي عادي من الدوام للبيت ومن البيت للدوام مخلصتها دراسه ونوم اعتزلت عن اهلي مو كولش وياهم ابتعدت عنهم وهم يحاولون يرضون بكل طريقه حاولت انزع الحجاب وارجع مثل قبل وارجع لحياتي السابقه بس مگدرت انزعه ما اعرف ليش يمكن لان محمد طلب مني هذا الشي وميقبل انزعه الا ان اجه اليوم اجيت بي من الدوام ولگيت سيارة محمد وحسن بالباب