انتقام شيطان 😈

البارت 7

جود : دابا نشوف قديتك حتى نتي
فزية : من لول يموت لمش غتخرجني من هنا ولا لا
جود : اوكي
فزية: تافقنا (مدات ليه يديها باش تصافحو و لكن تخنزر فيه ودار خارج خلاها مصدومة )
فزية : بلاتي معاياش المهمة
جود 😏 ليوم مع 12
فزية :كي غدير ليها
جود : من لي تحسي بكلشي نعس غيجي عندكم لكوميسير سعد و غيخرجكم بلا صداع بلا مشاكل
فزية : ولا شافنا شي حد
جود : حتى واحد ميقدر يدوي را مكنلعبوش هنا
فزية : واتق من راسك
جود : وبزااف 😉 نخليك باي ومشا
فزية : الله يا وليدي و الله الى جابك الله فوقتك وداوها لزنزانة ديالها
زينب : ياك لاباس اخالتي فزية
فزية : عندي ليك واحد لخبار زوينة غتفرحك
زينب : من بعد هادشي لي وقع ليا حتى حاجة زوينة مبقات كتفرحني
فزية :تفائلي بالخير ابنتي وغتلقاي غي لخير
زينب واخا قولي ليا هاد لخبار
فزية : ليوم غتخرجي من لحبس
زينب : صافي هادشي لي بغيتي تقولي 😒 مفيا لي يضحك و الله واصلا مشي وقت الضحك
فزية : انا مكنضحكش 😑
زينب : كفاااش 😯
فزية : كتعرفي شي واحد سميتو جوووود
زينب : لا اول مرة نسمع بهاد الاسم علاااش 🙄
فزية : سمعيني مزيان ملي مشت نشوف شكون جا يزورني (عودات ليها كلشي ملي تلاقات بجود و الحوار لي دار بيناتهم )
زينب : وعلاش هاد جود غيبغي يعاوني اصلا
فزية : يمكن بقيتي فيه ولا يكون كيبغيك
زينب : ههه واش من نيتك اخالتي فزية وحد فحالي يبغيوها ناس وعلاش غنبقا فيه اصلا فين كنعرفو
فزية : انا لي عليا قلتو ليك و فليل غنهربك وبينك وبينو
زينب : اجي نسولك 😌
فزية : اشنو تاني 🙄
زينب : شي تيتيز 😍
فزية 🤣🤣🤣 الله يعطيك دقة طيرتيني 😂 😂
زينب :🙄🙄😌 نشوفو راسنا معامن و صافي
فزية : وتي را فحال الى مرسوم داكشي ديال لأفلام 😍😍😍
زينب : تجمعي شتك تزعتي ليا فراجل 😌😌
فزية : اواا الله يعطيك لويل كي شتيه غي باغيك
زينب : ههه ومالك راني زينة خاصني غا هو 😂😂
فزية : ايي كون مكان قد ولدي نوريك
زينب : حمد الله شرفتي اما كون طيرتيه ليا
فزية : هبيلة 😂
زينب :هاد لهبيلة كتموت عليك ومشات عنقاتها شكرا ليك بزاف هادا احسن خبر سمعتو فحياتي ولكن معرفتش علاش قلبي مقبوط عليا وحاسة بلي حياتي كاملة غادي تقلب
فزية : متخافي والو ان شاء الله غيكون خير
زينب : ان شاء الله

🎭🎭🎭🎭عند جوود 🎭🎭🎭

جالس وشاد هارون (ولد طاهرة و امين ) وكيفكر فاش غيقوليه ملي يسولو على باباه واش غيجتوبو وواااش يقدر يكون فمثابة اب ليه و يعتاني بيه وميحرمو من والو ولكن كيبقى الاب شي حاجة زوينة عمرنا نقدرو نساوها ومنقدوش نعيشو بلا بيها الاب هو السند ديالنا فالحياة و هو الرجل الوحيد لي يقر يبغيك بلا اي مقابل من بعد الام طبعا الاب جوهر عمر شي حد ميقدر يعوض بلاصتو علاش ولد قد احمد يتحرم من باباه ولكن هو غياخد ليه حقو اكيد مغيرحمش لي وصلو لهاد لحالة بالمرة قاطع سهوتو طاهرة لي داخلة وملاميحها دابلين ولابسة كلشي فلبيض وهازا رضاعة فيديها حيث مقاداش ترضع ولدها كتحس براسها عيانة بزاف بقوت سهير باش تبين ليهم بلي حزينة على راجلها وميشك فيها حتى حد
طاهرة : سلام جود نقدر ناخدو من عندك
جود : اه هاكي وعطاه ليها لي بدورو غي شداتو ماماه وهو يحل عينيه وبدات كترضع فيه
طاهرة : واش ديك لبنت كتعاقب
جود : كنت بغيت نهدر معاك فهاد لموضوع .. شكون ديك لبنت وعلاش قتلات امين
طاهرة : انا معرفتش ولكن هو كان قال ليا بلي شي بنت فقيرة كتسكن فحي *******(عطاتو لعنوان لي ضربات فيه زينب بطونوبيل و ملي قاتلي ها بلي انا بنت هاد درب ) كانت يتيمة و شي نهار عونها بشي فلوس و تما ولات كتبغيه و لكن هو راه راجل مزوج وقاليها تبعد منو ولكن هيا مبغاتش تبعد من طريقنا و داك نهار كنت ديرا نتلاقا انا وأمين فالغالبة كنا جالسين كنهدرو حتى جاه اتصال وناض كيهدر شويا بان ليا واقف حدى لحافة وهيا هازا عليه موص انا كنت كلي كنترعد و قدرت نحضر عقلي وعيت لبوليس ولكن هيا شافتني ودفعاتو و حاولت تقتلني حتى انا كون مدخلوش لبوليس فاخر لحضة
جود: ممم اوكي ولكن لبوليس مجبدوش حتى شي موص
طاهرة : حيث ملي دفعات امين يمكن طاح ليها معرفتش
جود : يمكن و لكن نتي علاش متوترة و عرقانة
طاهرة : لا مشي هاكاك غي تفكرت داك نهار انا مزال خيفة حتى لدابا
جود: معندك مناش تخافي نتي امانة عندي مورا موت خويا ولكن لي مزال متفهمش ليا هوا قديت لموص حيث ملي قلبو ملقاوش حتى موص طايح تما
طاهرة : هوما لقاو حتى لجثة ديالو بقا غي لموص 😭😭
جود:ولكن.. ر... (قاطعلتو )
طاهرة: هئ هئ عافاك أجود خليني نسد هاد لموضوع را كيعدبني بزااف و الله 😭😭
جود : صافي واخا سمحليا مهم انا غنمشي ردي لبال لهارون ولخاصك شي حاجة تاصلي بيا
طاهرة : صافي واخا😢 غي مشا و هيا تمسح عينيها ونطقت سمحليا أجود يمكن انا كنبغيك ولكن قرب دورك حتى نتا باش تموت 😏