انتقام شيطان 😈

بارت 75

خدا سيارتو وتاجه لدار باغي غير امتا يوصل راسو غينفاجر عليه بالمشاكل وهو كيتفكر لحضة لي لمرا لي يقول عليها لقدوة ديالو فالحياة تكون هيا لي قتلات كيبغي يحماق اكفس حاجة توقع ليك فحياتك تعرف بلي الام ديالك وحدة قتالة ولمشكيل مخداتش لجزاء ديالها و الرضيع شنو غيكون وقع ليه يكون بنت ولا ولد غيكون كبر بلا واليديها عنداك يكونو حتى هو قتلوه كيف دارو الام ديالو فكرة تدي وتجيب فراس جود لي غينفاجر وكيبرد اعصابو غي ف السرعة
نرجعو عند كاميليا لي غي كدور فعينيها مفاهمة والو
الاب :غتشرحو ليا كلشي شنو شاف لولد حتى خرج هاكاك وعلاش توفيق مزال حي و كفاش بسمة قتالة شرحو ليا
نجلاء :شوف اسي حسن هادي قصة طويلة خليها فالماضي حيث الى نبش شي واحد فيها غيضمر كلشي و بزاف العائلات غيضمرو وكنحلف ليك غيكونو فيها ضحايا بزااف
حسن :هادشي لي بغيت نعرف انا شرحي ليا بتفاصيل كلشي
كامي :حتى انا بغيت نعرف اماما شرحي ليا
حسن :سربي انجلاء راني واقف على اعصابي قولي ليا اش واقع بزربا
نجلاء :سمعو نتوما بجوج بسمة قتلات شي مرا معرفتش شكون هيا كتفهمو ومن بعد شي واحد ولا كيهددها انا معرفتش شكون وهيا جات عندي وعطاتني واحد لفيديو قاتلي كيهدوها بيه وهادشي باش عرفت انا مفاهمة والو
حسن :عطيني لفيديو
نجلاء :خفت من جود ومسحتو
حسن :كفاش واش باغا تحمقيني نتي ولا كفاش علاااش مسحتي لفيديو علاااش هاكا كنا غادي نعرفو اش وقع وشكون لمرا لي تقتلات
نجلاء :واش بغيتي شيطان يقتلنا ولا كفاش را الام ديالو هاديك بعد من هاد لقضية انا لي عليا قلتو خاصو يتزوج ببنتي هادا هو لمطلوب وصافي شي حاجة أخرى مكتهمنيش ومن الأحسن تبعدو من هاد لقصة كاملة كتفهمو
حسن :واش بعقلك باغين تزوجو لولد بزز من لبنت
كامي :پابي كنبغيه
حسن :سكتي نتي لهدرة معاك هيا لخرى شكون لبنت لي خليتيها غتموت هااا
كامي :معرفتهاش سميتها زينب يمكن كان عندها نزيف وجالسة تشرب فدوايات و هدرت معاها مبغاتش تمشي لطبيب و جرات عليا وانا ملي شفت دم خفت وهربت
الام :ياك انا خليتها بيخير
كامي :معرفتش اش وقع ليها و الله
حسن :سمعي ابنتي نتي مزالا صغيرة معندك مديري بزواج مدبر وبدايتو هاكا متسمعيش لماماك كتفهمي نتي مزال صغيرة وتستاهلي حسن من شيطان كتفهمي
الام :للقيتي ليها حسن نحني وجهي انا واش بعقلك هادي كيقولوها ناس هااا
حسن :سكتي شويا صافي بعدي من لبنت
كامي (بعصبية ) بعد ووووو منييي بجووووج بيييكم انااا كنبغيييي جوووود كنبغيييييه اباااااباااا واااااش كتفهم شنو هيا كنبغييييه منقدرش نعيييش بلا بيييييه.هئ هئ هئ ومشات كتجري لبيتها
الام :هادشي لي بغيتي دابا
الاب :بزاااف على فشوش فششتي هاد لبنت نتي
الام:اوااا الله يستر
عند جود وصل قدام لباب وحاير يدخل ولا يمشي عند بباه يستفسر بقا شحال كيفكر خاصو يختار مبين يعرف لحقيقة ويتزوج ولا يبعد منها يتبع حب حياتو ولا يمشي عند الاب ديالو ويفهم منو كلشي ولكن كفاش غيواجه اخ صغير عندو ويقوليه انا خوك وهو فعمرو 23 عام يجي ليوم سلام انا خوك كيف دار ليه فين كان هادي أعوام وهو مراقبو غي من بعيد علاش عمرو مشا عندو يمكن عمرو خلاه مخصوص من شي حاجة وديما موفر ليه كلشي ومكخليهش يعرف منين ولكن هو را ناكرو وحتى كنياتهم مشي فحال فحال وهادشي لي زاد عصبو وتنهد وهبط من سيارة لاح لگارد سوارت باش يقادها فبلاصتها ومشا طلع لقا لممرضات لي جاب ليها كيتحثو جابهم مغربيات باش يقدرو يعاونو زينب كثر وهاكا تفاهم معاهم حسن داكشي باش وصا عليهم مغربيات ولكن قارين ففرانسا كانت صعيبة ولكن لقاو ليه 4 دلبنات ختار منهم 2 على حساب ليسبيغيونص.....
جود :فاقت
ممرضة :مزال اسيدي ملي غتفيق غنعلموك كيف ما قلتي
جود :خرجو
ممرضة:نعاام
. جود:را قلت ليكم خرجو
ممرضة :ولكن اسيدي لمريضة را شويا وغادي تفيق را مداروش ليها لبنج باش طول كتافاو غي بمخدر بسيط
جود :هادشي انا عارفو خرجو انا معاها براااا
ممرضة:واخا اسيدي
جود :لكوزينة لتحث خودو شي حاجة تاكلوها وديرو شي حاجة تفرجو فيها مهم حتى وحدة مطلع عندي تحث اي ضرف كان
الممرضة :واخا اسيدي شكرا... ومشا
ممرضة :ناري ياختي واخا هاكاك حنين
ممرضة :سكتي شويا شحال فيك
اما جود حيد تجاكيط ديالو وحط تيليفونو ويزطامو فواحد لمجر ومشا تخشا حدى زينب ضامها ليه ونعس
نمشيو لبلاصة أخرى فحي بسيط ودار صغيرة وسط حي عشوائي بامتياز جالسين اكرام و زياد ومعاهم مرا كبيرة بلا شك هيا الام ديال اكرام مدورين بيهم صينية ديال اتاي و مسمين و سمن وزيت لعود كانت طبلة مغربية حرة
اكرام :بشويا عليك غتوحليك اجاهل
زياد :سكتي نتي سوقك
الام :اوليدي را غتوحل ليك
زياد :عرفتي الحاجة هادشي عند شحال بنين
الام :مرحبا بيك أولدي جي عندي لوقت لي بغيتي
زياد :لا الحاجة نتي لي غتمشي معانا ان شاء الله
الام :فين اوليدي؟؟
زياد :خاصك ضروري تبعي مع طبيب وغيكون صعيب عليك كل مرة تمشي وتجي حتى لهنا داكشي باش داري مفتوحة ليك نتي و اكرام و صحبتها لوقت لي بغيتو
إكرام :لا لا بلا منعذبوك ازياد
زياد :عهذابكم راحة ومن الأحسن الام ديالك تبقى حداك هاد لمدة وتعتاني بيها نتي بيديك حسن و فلوس لكرا تصرفو بيهم نتي وصحبتك ومنها نيت تونسوني راني غي بوحدي معندي لي يطيب ليا
اكرام :ياك عندك ختك
زياد :زينب عندها شي خدمة ومشات لمدينة أخرى
اكرام :اه اوكي اوااا أمام اش بان ليك
الام :لي درتوها ابنتي انا معاكم
زياد :هيا نتوكلو على الله.
اكرام :شكرا ليك بزاف و الله ازياد
زياد :متحتاجيش تشكريني مهم غدا فصباح نشدو طريق لكاازا وجدو راسكم
الام :ومسلمتش على جيراني..
اكرام :اش من جيران اماما الله يهديك
زياد :نوضي سلمي عليهم فهاد ليل باش صباح تمشي
اكرام :مالها غادا لحج واصلا بانو ليك هاد جيران غي مسوقين ليك راك تموتي هنا وميحيبوش ليك لخبار بقا غي لسافرتي نوضي نوضي تنعسي الحاجة نوضي ونتا فين ريجيم ولا صافي كلشي طار
زياد :ونتوما لي معشيني ب لمسمن
اكرام :دابا وليتي تعاير وسمعي اماما سمعي
زياد :عنداك الحاجة را باغا تجبد ليا معاك صداع
الام :هههه الله يعطيكم عقل نوض أولدي لصالة تنعس ونتي زيدي قدامي لبيت
اكرام :ولماعن
الام :خليهم حتى لصباح نوض نصلي لفجر ونغسلهم
اكرام :واخا أماما
ومشات تبعتها لقاتها مفرشا ليها حداها وتخشاو فمانطتهم واكيد اكرام مغتفلش من أسئلة الام المغربية على زواج ولقراية.... إلى اخ.... 😂😂

يتبع