انتقام شيطان 😈

بارت 90

خرجو دراري كيضحكو غي وصلو لباب وهما يجمعو ديك ضحكة ومشا كل واحد ركب فسيارة ديالو وتاجهو لكافي غي قريبة من تما غي نزلو وكلشي حل فيهم فمو كيبانو فحال شي مافيوزيين داخلين ومع نفس تخنزيرة نفس الوقفة نفس القلدة كيبانو فحال لخوت ومشاو جلسو فواحد طبلة بعيدة على بنادم وضومونداو على 2 كافي نواغ وبتيبان (ناس باش كيفطرو انا كبسيل دلمسمن وبراد اتاي والى شبعت ليكم ههههه ) جلسو كيفطرو وكيهضرو فموضوع زارا لي مغاديش يتسد وواحد جوجات مقابلين معاهم غياكلوهم بعينيهم
لبنت 1ناري اختي واش هاداك شيطان ولا كذبت
بنت 2وييه اختي نوضي نوضي نمشيو عندهم
بنت1بلاتي نقاد لعكر ديالي
بنت 2وسربي خلاص و جلسو كيتقادو ويحاولو ينفخو داك صدر ويسرفقو فحناكهم هههه ومشاو توجهو لكبلة لي فيها ابطالنا
بنت 1سلام انا أسماء وهادي صبتي فاتي نقدرو نفطرو معاكم
يحيى : جلسي
فاتي :شكرا ليك وجلسو فاتي قربات ليحيى لي كيفطر ممسوقش ليها واش كينة اصلا وأسماء مشات حدا جود لي مشافهمش ملي جاو كان ساهي كيفكر فزينب حتى كيحس بيد تحطات ليه على فخضو وهو يهز فيها عينو بمعنى اش كين ويحيى قشع لبلان حبس ضحكة بزز
أسماء :اش بان ليك نفطرو فشي بلاص آخرى وجلسات كتحرك فيديها فطريقة جريئة حتى كتحس بصباعها غادي يتهرسو وسط يدو حتى غوتات خلات كلشي كيشوف فيها وواحد شارفة كضحك حيث شافت كلشي اصلا من صباح وهيا حاضياهم
جود :غتهزي تقودي من هنا قبل من دفن مك هنا
أسماء :(خافت منو واصلا يديها ضرباتها بزاف وعينيها مغرغرين ومرضاتش قدام فاتي ) صافي غي طلق مني ونمشي... وهو يدفعها جود حتى طاحت هيا وكرسيها ومرضاتش وهيا تنوض بغات تمشي فحالها
يحيى :(شاف ففاتي ) تبعيها ولا غيوقع ليك كثر منها
فاتي هادي خوافة ناضت كتجري تبعتها حتى سمعو شارفة قالت ليهم و الله الى غزاو فيكم نتوما لي جالسين ترطاو عليهم ونتوما كي عويدات ند ... تخنزرو فيها وخرجو اما جود بقا غي كيشوف فديك لمرة حابس ضحكة اما يحيى منوع لي مكيصبرش ولا حمر بقوة ضحك
يحيى :تبارك الله عليك الحاجة
الحاجة :الله يرضي عليك أولدي عبرتو عليهم
جود :تهلا خاصني نمشي
يحيى :صبر نخلص ونتبعك
جود :خلصت غي تهز
يحيى :بسلامة عليك الحاجة.. وخرجو يحيى تاجه لشركة ديال جود و جود مشا قدام دار ديال الاب ديالو ووقف بانت ليه قسم خارجة هيا ياسين و كيضحكو بتاسم لا اراضيا حتى مشاو عاد خرج موراهم توفيق وهو يكلاكسوني عليه جود عاد جا عندو
توفيق :ولدي.
جود :طلع
توفيق :ولكن انا خدام دابا خاصني نمشي
جود :طلع
توفيق :طلع لسيارة خدا تيليفونو لغا اجتماعو ودار عند جود بغا يعرف منو فين غادين ولكن مجوبوش كمد لقمعة وسكت حى كيبان ليه وصلو لواحد لغابة خاوية ونزلو منها بجوج بيهم وجود جبد سلاح من جيبو اما توفيق ولا غي كيدور فعينو
جود :شكون قتل وشكون تقتل وفين هيا لبنت صغيرة لي قلتي
توفيق :ماماك وعبير قتلو لبنت لي كنبغي
جود :كنتي كتبغي شي وحدة أخرى من غير بسمة
توفيق :اه
جود :شكون هادي
توفيق :منقدرش نقوليك
جود :إلى مهضرتيش غتكون خسرتي ولدك بمرة
توفيق :منقدرش نقوليك
جود:فين هيا لبنت
توفيق :كنحلف ليك معارفش
جود :واش كانت بنتك من ديك لمرة
توفيق :لا بنت راجل آخر
جود :وشكون ديك عبير
توفيق :صديقة ديال ماماك
جود :شكون هي بالضبط بنت شكون مت شكون مرات شكون
توفيق :ماماك و عبير كانو بنات لخالة عبير ماتو والديها فحادث سير ورباتها خالتها جداك ولكن ملي ولات عندهم 12عام ماتت جداك وداوهم لخرية وتما تعارفو على جوج خواتات آخرين وكانو ب 4 صحابات
جود :شكون هما جوجات لاخرين
توفيق :هادشي لي نقدر نقوليك شي حاجة أخرى منقدرش
جود :هاكا غتكون خسرتيني
توفيق :إلى هضرت أولدي غتكون حياتي فخطر عافاك خليني عليك
جود :حتى واحد ميقدر ياديك
توفيق :انا منقدر نقوليك والو ولكن كينة مرأة فسجن سميتها فزية تقدر تعاود ليك كلشي هيا عارفة بزااف كثر مني انا
جود :قلتي فزية وباش عرفتيها نتا فسجن
توفيق :حياتها تما وحتى حياتها فسجن سبابها ماماك وعبير
جود :شنو علاقتهم ببعضهم
توفيق :عبير سرقات ذهب ديال ماماك وهادشي لي كان كيحساب لينا ولكن ماماك لي عطاتو ليها وداروه فساك ديال فزية وسيفطوها لحبس
جود : إذن غتكون دابا خرجات
توفيق :لا فزية كانت صديقة ديالي وكنت كنمشي نزورها كانت كتخرج وكترتاكب شي جريمة وكترجع لدرجة ولات حاكمة جناح غي بوحدها هيا حياتها ولات تما
جود :بسباب شي لزبيانة غتاصباتها وهيا صغيرة عاد دخلات تما
توفيق :واش كتعرفها
جود :بلي صبر.... (جبد تيليفونو ومشا لمساجات قدام وجبد تصويرة ووراها ليه ) واش هيا هادي
توفيق :اه هيا هادي هادي هيا فزية منين جاتك تصويرتها
جود :كان صيفطها ليا شاف ديالهم وقالي بلي تقدر تعاوني فشي حاجة وبصح عوناتني وهاكا انا هربتها يعني هيا مبقاتش تما.
توفيق :لي عليا انا قلتو ليك خليني نمشي عافاك
جود :يلاه... مشا توفيق ركب فسيارة مخلي جود بركان وموراه حتى كيقرب يوصل لشي حاجة كيلقى بزاااااف دلحوايج غابرين عليه وكلشي عاد مكيزيد يتعقد ومشا طلع لسيارتو وتاجه لدار توفيق وهو مزال ساكت
جود :نزل
توفيق :متقلبش فالماضي بزااف أولدي را كل مغادي تشد طريق غتلقاها مخرجة منها طرقان هما متبحثش بزااف را كلشي معقد
جود :نزل
توفيق :لي بغيتي... وخرج اما جود نطالق بسرعة خيالية معرفش فين غادي ولا علاش مهم لقا راسو قدام داك سجن وهبط سول قالو ليه بلي هربات وخرج فحالو من بعد موصا رجالو لي تما يجبدوها ليه من تحث الأرض ومشا لشركة..... ديال الملابس شاف الموضيل لي غادي يخرج ووافق عليه وكيف كتعرفو ملابسو دائما غامضين وحتى دابا كان كابيتشو صيفي مكتوبة فيه الشيطان بالكحل وهو بلگري والى كان بلكحل كتكون لكتابة بلگري وهاكا حتى لبيض مهم الألوان كتمحور بين لگري ولبيض و لكحل ومشا لجناح لي فيه فهد لقاه خدام كيحسب فشحال من بياسة غادي تخرج وسول عليه قالو ليه بل كيخدم مزيان وخرج من تما مشا لشركة ديال الأسلحة لقاهم خدامين على سلاح جديد غادي يخرجوه ف رأس السنة عجبو طريقة باش خدامين وكلشي كيصيبو فيه بإتقان واكيد غادي يخدمو بإتقان وهما كيخدمو مع الشيطان اودي لخوف وميدير مشا عند يحيى للبيرو لقاه مزال خدام وهو ينوضو باش يمشيو يتغداو وقرو يمشيو لمطعم ديال زياد
يحيى:شنو درتي مع داك فهد واش تلاقيتيه
جود :وي قالو ليا خدام مزيان
يحيى :إذن خاصنا نراقبوه كيبان ليا مساهلش
جود :هداك خليه عليا نتا راقب ليا وحدا آخر
يحيى :شكون؟ ؟
جود :اشور
يحيى :شنووو ؟؟😵 😵
يحيى :صمكتي ليا ودني انا راني هضرت معاك غي بشويا
يحيى :ولكن علاش اشور؟؟ علاش غادي نراقبو
يحيى :حركاتو صباح معجبو نيش وعاد باش لبنت لي فداري مخرجاتش هاد صباح يعني ممتافقينش يفطرو مع بعضياتهم
يحيى :كتشك فاشور هذاك را واحد منا
جود :معرفتش كنتمنى هاد شي ميكونش مكنحملش نتغضر من ناس لي قراب ليا حيث عقوبتهم غتكون مضاعفة خصوصا إلى كانت عندو علاقة ب اختفاء زارا.
يحيى :ولكن زارا سيفطات ليك مساج بلي غادي تغبر اولا
جود :اه ولكن تقدر مشي هيا لي سيفطاتو
يحيى :غتكون غي الفتي هاد لقصص وصافي غتكون غي بغات ترتاح وتبعد
. جود :هادشي لي كنتمنى... يلاه نزل
يحيى :هذا هو لمطعم ديال زياد وهادشي مجهد عندو
جود :اودي نزل نزل
هبطو دراري جا عندهم گارد تما خدا من عند جود سوارت ودا سيارة ديالو وزياد قالو ليه بلي جاو وهبط ستقبلهم بنفسو
زياد :اهلا بنسيبي ههه ولا نقول شريكي
يحيى :هاد خونا مكيبغيش شي حاجة دلخدمة برا ولاكن غي قول نسيبي ههه حسن واخا معرفتش لبلان
جود :حيث قاليك هو خو زينب
يحيى :كتعتارف بعدا ههه
جود :باش
زياد :اودي لهلا يوريك باش هههه
جود :فحالا باغين دوروني
يحيى :فحال داكشي ههه
جود :انا فيا جوع جيب لينا شي حاجة على حسابك
زياد :وزربا خيبة هادي تا كفاش على حسابك
يحيى :وتا مالك جيعان غي سير ذابا نخلصوك ههه
زياد :اواا دابا دويتي ههه اسيدي مرحبا بيكم انا عارض عليكم ليوم
يحيى :نتا لي دويتي دابا ههه.
زياد :شنو نقوليهم يجيبو ليكم
يحيى :سوشي 🍥
زياد :ونسيبي
جود :بيتزا
زياد :اواا اسيدي ليوم غادي تغداو بلحوث قاليك سوشي
جود :جيب ليا اش طلبت وصافي
زياد :مال داير هاكا طلق شويا اصحبي
يحيى :سير سير جيب لينا لحوث وهو خليه خفيف ههه
زياد :مشااات ... مشا زياد عند شيف طلب منو يوجد ليهم شنو بغاو وباش يجيبو ليهم هو بيدو احتراما ليهم حيث اول مرة يجيو عندو هههه اودي لفولوس اش كيدير عاد رجع عندهم

....... يتبع