انتقام شيطان 😈

بارت 67

زينب :شنو غندير انا
لامار :غتعجني
زينب :شناواا؟؟😵 نخصر ضفاري و الله لكانت ليك
لامار :راهي لعجانة عجني خلاص
زينب ولاا بغيتو يكون مغريبي قحي حتى لعجينة غتعجنيها فلقصعة
لامار :ونتي محنية اش كديري
زينب :هانتي غي عجبني و انا نطيب بلييز
لامار :واش من نيتك زربتي عليا
زينب :هاهيا زارا تعجب
زارا :شناواا؟ ؟ انا نعجن من نيتك إلى قليت ليك بيضة متقوليها لحد
زينب :نتوما بنات لفشوش متعرفوش اي لهاد شي
زارا :اش من فشوش را تا انا كانت ضاربة مي زلطة غي هيا كنت فحال زوفري
زينب :وتا دابا باقا زوفري هههه
لامار :و الله مكذبتي هههه اري اري شي بنيو صغير نخلط فيه لعجينة مكيناش لقصرية عند هادو هههه
زارا :علاش كتسناي يكون حاط ليك قصرية فدار من تر*ك كتفكري
زينب :خلطيه غي يتجمع دلكيه فوق لبوطاجي. زارا :ودريها نتي نيت
زينب :تي سوق مك بيني وبينها ياااه
زارا :تفو غا لي بغا يجبدك يخ اش داني معاك
لامار :صخني لما صخني نعمرو اتاي
زينب :وطيبين اش من صخنيه واش من نيتك الإمارة هادي را تمشي تحطو فوق لبوطة وتعمر بيه بارد هههه
زارا :كتعيري دابا
زينب :ومالي كذبت هههه
لامار :انا مغديش نعرف نقاد هادشي غنخدم لعجانة
زينب :لا صافي انا غنقادو راسي
لامار :لا انا غنقاد متعدبيش راسك
زينب :حيدي بعدي مني لهيه
مشات زينب بغات تاخد دقيق ملقاتوش وهيا تهز لبانيو لي فيدها وسيفكاتو لامار لوجه
لامار :ويلي مالك تاني
زارا :هاد لمجعورة مالها
لامار :دقيق مبقاش
لامار :اويلي
زارا :على هو كين باش يبقى اصلا
لامار :حلفي مكين
زينب :قلبت مكين والو
لامار : بلاتي نسيفط امين يجيب لينا اش خاص
زينب :سربي سربي بغيت نفطر
زارا :من نيتكم حتى نتوما باغين دقيق فدار جود ههه طيرتوني تخيلو معايا جود كيعجن هههه اودي
زينب :دابا انا بغيت لمسمن
زارا :كنعرف واحد لمرا كتقادو زوين غنمشي نجيب ليكم من عندها نجي لقاكم موجدين اتاي
زينب :متعطليش كرشي كتغوت بجوع
زارا : متنساوش قهوة دجود بليز شي وحدة تقاد ها ليه
زينب :بقا ليا غي هوا
زارا : وصافي الله يعطيك ستر
زينب :واخا سيري سيري..
زارا :هاهيا غادا... ومشات
لامار : صيبي لقهوة وعمري اتاي انا غنقاد لعاصير
زينب :اوكي حبي وعافاك مديريش فيه سكار الله يحفظك
لامار :اجي عودي ليا اشنو وقع ليك ملي مشيتي
زينب :كنت هربانة حتى خرج ليا واحد لولد فحال لملك فطريقي سيفطو لي الله يعاوني وهو لي جابني لكازا و........ بقات زينب كيتعاود ليها و لامار كتعصر ليمون وكتصنت ومرة ضحك مرة تبكي مرة تعصب حيث زينب عودات ليها كلشي بتفاصيل
لامار :وهاد باه مالو معاك
زينب :معرفتش يمكن لقضية متعلق بينتو انا عاضراه مشي مشكيل و الله
لامار :شكون بنتو
زينب :و الله معرفت مكنبغيش نسول زياد كنخاف نحرجو ولا شي حاجة
لامار :وشنو قلتي ليا لكنية لي عطاك شنو كنيتهم هما
زينب : كنيتهم
زارا :هانا جيت
زينب :باقي صخون
زارا :وجدتو داكشي لي قلت ليكم
زينب :صيبتليه قهوة كحلة بلا سكر ديها ليه
زارا :خليه حتى يهبط عندنا
زينب :اوكي يلاه نمشيو لطبلة هنا موجودين
لامار :مكملتش ليا قولي غا اش ولات كنيتك اصحبتي.
زارا :زيدي قدامي تحركي شحال فيكم ديال لهدرة
لامار :ونتي لي ديما مزروبة يخ تفوو