انتقام شيطان 😈

بارت 73

بقا جالس كيفكر مفاهم والو حتى كيبانو ليه الأطباء كل واحد كيجري  فاتجاه مفاهم والو  وهو يمشي يشنق على واحد طبيب مسكين
جود :شوااااقع هنا؟؟؟
طبيب :ش.. ي.. شطيا شيطان ٍ
جود ::هضر ونتا كتفتف عليا تحرك هضر خلاص
طبيب :خاصنا ضروري نديرو ليها عملية فأسرع وقت
جود :شنو اش من عملية هادي اش كتخور نتا ؟؟؟
طبيب :سيدة عندها تقب فالامعاء وخدات شي أدوية اثرو عليها كثر  زيادة على نزيف بسباب العادة شهرية هادشي لي زاد الوضع خطورة داكشي باش خاصنا نديرو لعملية دابا ولا غادي نفقدو لمريضة
جود :مراتي توقع ليها شي حاجة نقتلكم كاملين كتفهم
طبيب :ميمكنش نواعدك بشي حاجة لعملية خطيرة قليل لي كينجى منها ونسبة نجاها 50فلمية
جود :بغيتها نكون 100٪ كتفهم
طبيب :ولكن اسيدي راه   ميمكنش  تكون بهاد نسبة
جود :(جود طلع ليه لخرى مبقا فاهم والو ولا غي كيغوت )  وجدو ووووو الكوبطيير  سربيو مجموعين عليا كي لقحااااب تحركو  خلاااااص و و لا و الله حتى ليوم يوجدو ليكم قبركم   تحركو ووو ونتوما كتشوفو فيا

مشاو الأطباء كلشي كيقفقف لبسوها لباس طبي  ودارو ليها شي خيوط ديال الأكسجين و القلب و الضغط و حطوها فوق سرير و خارجين بيها كيجريو اما جود غي شافها هاكاك رجليه فشلو عليه    فلحضة جات فبالو الام ديالو وهما مخرجينها بنفس طريقة  عامرة تيوهات و الأكسجين على وجها  كتبان جتة هامدة فوق سرير  ومشاو حطوها فهيكوبتر  عاد سي جود فاق من صدمتو وهز سلا فيديها وتاجه عندهم
جود :ختارو احسن طبيب فيكم يمشي معاها تحركو

الأطباء ولا غي كيضورو فعينيهم خيفين يديرو شي غلط اكيد غيخافو وهما كيشوفو لموت قدامهم
جود :فين هو لبروفيسور ديالكم
طبيبة:عندو عملية ديال ولد صغير
جود :تكلفو بيها وسيفطوه عندي تحركو
طبيبة واخا... ومشات تكلمو اما جود طلع حدا زينب كيشوف فيها بديك لحالة ضرو خاطرو   عليها
جود :ووياك ووياك ديريها صافي عنداك
زينب :ج. و.
جود :ششش متقولي والو صافي نتي غي سكتي انا معاك وعمري غادي نخليك ولكن حتى نتي مديرهاش   إلى درتيها غادي نقتلك كتفهمي و الله حتى نقتلللك غاااادي نقتلللك
زينب : ه ه ه هب هب... يل.. وا. ش. عا.. ر.. ف.. لي؟.. كي. مو... وو. ت.. مك... يتقتل.. ش
جود :ششش مدكريش لموت على فمك مزال خاصنا نتفاهنو على بزاف لحوايج  مزال غنتفاهمو غي صبري صبري
زينب :جو.. ود... س. م.. حلي... عا فاااك
جود :زينب سكتي سكتي صافي متزيديش فيه بركة من لفشوش لخاوي ديالك سكتي شويا اش هاد لهدرة سكتي
زينب :واش... فرااا... سك ا.. ول... مرة ٍ.. مك. ن.. خ.. خ.. خا... ف. فش... من... ل. مو.. ت عر... فتي.. علاااش... ح... يٍ. ث. نتا.... حدايأ... دابا..... كنب... غيك ا... جوود... وغمضات عينيها وجود تصدم من هدرتها
جود :حلي عينيك حلي  تحركو خلاااص نتوما سربييو فين هو هاد لبروفيسور دلخرى تحركو
لبروفيسور :مسيو جود سمح لي على تأخير
جود :تحرك دير شي حاجة سربي ... ها لملف ديالها يلاه سربي.... من بعد مقرا لملف دار عند جود ونطق..... حالتها خطيرة حاولو تسربيو خلاص باش نقدوها ولا غضيع منا سربيو
جود :سمع خاصك تنقدها واجب عليك حيث لبنت لي فيديك مشي روح وحدة فهمتي يعني إلى نقدتيها هاكا غتكون نقدتي روحها وروحي وروحك حتى نتا حيث مغاديش رحمك سربي خلاص
لبروفيسور :غادي نبدى فلعملية ولكن خاصك تعوني...
جود:غير سربي خلاص
بروفيسور :عطيني لمقص لي تما
جود :هاك غي تحرك
بدا ليها لبروفيسور لعملية بلا بنج   وهو خايف تفيق حيث هاكا غتعرض حياتها لخطر كثر  وواخا هاكاك قدر يوقف نزيف  من بعد ساعات وبادوات ناقصين وتنفس براحة وهو كيشوف بلي وصلو الاشهر واحسن المستشفيات ففرانسا وهبطوها كيجريو قادو ليها بلاصتها ودارو بيها احسن الأطباء

💔 💔 💔الحوار بالإنجليزية 💔 💔 💔
جود:خاصني ندخل معاها
طبيب :ميمكنش اسيدي
جود :مكنتشاورش معاك هنا تحرك جيب ليا لباس طبي
طبيب :را ميمكنش هاكا غادي تشوش على لاطباء لي لداخل ويقدرو يديرو شي غلط
جود :تحرك جيب لي اش قلت ليك مكيهمنيش اش غيوقع حيث الى كانو رجالة يديرو شي غلط..
طبيب :واخا اسيدي ولكن تحمل المسؤولية
مشا جاب ليه لبسة طبية لبسها وحلو ليه لبلوك ودخل دار كرسي وجلس مقابل معاهم وهما كيحاولو    يسدو ثقب لي ف الأمعاء ديالها  وكرشها كاملة محلولة ضرو خاطرو من لمنضر لي هيا فيه ولكن معندو ميدير غيصبر يشوفها هاكاك وميخليهاش معاهم بوحدها ولكن صبرو تقادا وهبط لكافيتيريا من بعد 3سوايع د الانتضار عاد خرجو عندو الأطباء وهو مشا كيجري عندهم
جود :شواقع كملتو كيف بقات  واش واقعة شي حاجة هضررر خلااااص
طبيب :لمدام بيخير تجاوزات مرحلة لخطر شويا غادي يحولوها لغرفة خاصة بيها
جود :وجدوها غترجع لمغرب من هنا ساعة غادي نمشيو
طبيب :ولكن اسيدي  مزال خاصها راحة
جود :احسن بلاصة ليها باش ترتاح هيا دارها  إذن وجدوها  شويا غادي نجي نديها وخرج خدا طاكسي وتاجه لدار عند امين  لي بدورو جالس هو ولامار فواحد صالة   كيهضرو على هادشي لي كيوقع ليهم حتى سمعو صونيت ومشات لامار  تحل لباب حتى كتحس بشي بنية ضخمة دفعاتها دخلاتها كان جود لي وجهو فحال لبركان خاصو غي علاش ينفاجر

لامار :جود جود مالك ؟؟جوووود
امين :(بعدم فهم ) جووووود
جود :(هز يدو وضربو بيها خلاص طايح فالارض وتلاح عليه كيضرب فيه بلا عقل هو ومبقاش عارف راسو اشنو كيدير )    علاااااااااش علاااااش يااااااك انا قلتلييييك متخلييييهاااااش بوووحدهاااا يااااااك وصيييييتك عليييهااا (وزادو ضربة أخرى ) علاااااش خليتوووهاااا بوووحدهاااا علاااااش كوووون وقعااااات لي هاااا شي هاجا  هاااا  علاااااش خيبتي تيقتي فيييك
لامار :هئ هئ جووود غتقتلو اخويا عافاك بعد منو
امين :(دفعو عليها وناض كيمسح فدم) واش حماقتي واش هادشي كامل غي حيث خليتها بوحدها
جود :زينب كانت غتموت فهمتو وهادشي بسبابكم نتوما  و الله كون وقعات ليها شي حاجة حتى نذفنك فداك لقبر لي بيديك حفرتيه ووهمتيني بلي قبرها
لامار :جود تهذن وقول لي اش واقع
جود :زينب عاد خرجات من غرفة لعمليات ودابا غادين نمشيو لمغرب
امين :ولكن حنى خليناها بيخير
جود :هانتا قلتيها بفمك قلتي خليتيها علااش خليتيها اا علاااش  هاااا ياك قلت ليك إلى وقعات شي حاجة عمر تيقتي فيك ترجع وهادشي لي غيوقع دابا من ليوم عتابر خوك صغير مات كتفهم
امين :واش حماقيتي نتا اش هاد لهدرة كتقول جووود جوووود جوووود اجي هنا فين غادي جووود
لامار :تبعو ااامين عافاك
امين :لا غي خليه حتى يتهذن
لامار :ولكن
امين :صافي نساي اش وقع
....
عند جود وصل قدام لمستشفى لقاهم جابو هيليكوبتر و كيتسناو فيه غي هو

طبيب :سي جود عنداك لمريضة تعصب اصلا هادشي كامل ليا هيا فيه بسباب لعصاب إذن حاولو تبعدوو عليها اش حاجة تخليها توتر  و  المجهودات  وتحاول  تبعد من اي ممارسة جنسية عل الأقل واحد  شهر  وومنوع عليها تحمل فهاد لفترة  و لماكلة ديالها من الاحسن تكون سائلة
جود :اوكي  فلوسكم غيكونو دازو لحسابكم   وامرهم ينطالقو خلا طبيب غي كيشوف بنادم مكيقولش حتى شكرا بفففف

..... يتبع