بعد ساعات عاد باش لقات زينب طاكسي غي بزز و توجهات لدار عند فهد غافلة على عيون جود لي مراقبينها وخلاها بوحدها باش ترتاح وملي شاف اشور زاد عقدهم وكان عوال ينوضها معاهم ولكن ملي جرات عليه عاد رتاح حتى كتبان ليه هدرات مع شي حد فتيليفون ومشات كتقلب على طاكسي وتبعها حتى ركبات واذاا بيه كيتصدم ملي شافها هبطات لدار مكانش متوقع انها تجي ليها بمرة وهيا آخر حاجة يفكر فيها اما زينب وصلات كتجر فقفطانها ودخلات عند فهد لي حاط قهوة قدامو وميت بنعاس وشاد تيليفونو فيديو
فهد :زينب صافا ؟؟؟
زينب :لااا
فهد :شنو عندك
زينب :نتا فين كتعرف اشور هاا؟؟ وكفاش قضية ستاغليتك هادشي مبغاش يدخل ليا لراسي كفاش تجرأ تقوليه ستاغليتك
فهد :مفهمتش شكون اشور
زينب :كفاش شكون اشور را كارف شكون هذاك لي خدام مع شيطان
فهد :ونتي عارفة بلي انا مبقيتش خدام فشركة الأسلحة يعني مكنعرفهمش مزيان
زينب :وكفاااش حتى عرف هااا
فهد :وانا باش غادي نعرف ونتي واش بيتة فشي عرس بنتي ليا غي كملتي وجيتي عندي انا لول محيديتيش حتى حوايجك
زينب :هادشي مشي شغلك
فهد :مشي مشكيل مغاديش نتقلق
زينب :صطح راسك مع لحيط ومرة أخرى متبقاش تهضر فشي واحد يلاه بسلامة سير كمل نعاسك راك حال عينيك بزز
جود (داخل صاعر) اش واقع هنا
فهد :الووو شيطان كامل عندي فدار وانا مفراسيش
زينب :طلق غي لقران يهربو شياطين
جود :اش كديري عند هذا نتي
زينب :ونتا سوقك انا نهار لول قلتليك كنبغي فهد اولاا
جود :زيدي قدامي
زينب :انا مغادي نمشي معاك لحتى بلاصة حيث بكل بساطة بلاصتي هنا حدا حبيبي
جود :بلاصتك معايا انا كتفهمي
زينب :عمر بلاصتي كانت معاك نتا وعمرها غادي تكون أجود من نهار لي لحتيني مبين لفاع بلا رحمة تما قتلتيني وكرهتيني فيك
جود :وهادشي لي دوزنا
زينب :هادشي لي دوزنا نتا لي قتلتيه ملي مشيتي عند ديك خيتي واصلا انا مدوزتش معاك هادشي حيث كنبغيك لااا راااك غالط اسي جود انا درت هاكا حيث بغيت نتاقم منك بغيتك نتا تبغيني ونمشي و نخليك ودابا سير من هنا عافاك سير
جود :(خشااا صباعو فشعرها ) انا عارفك معصبة و غندير راسي مسمعتش هادشي لي قلتي
زينب :لااا غي سمعو وغادي نعاود نقولو ليك انا مبقيتش كنبغيك صافي داكشي لي كان بيناتنا سالااا وسدينا ودابا طلق مني و سير من هنا سيير عند مراتك
جود :إلى خرجت من هنا ونتي مشي فيدي نسايني بمرة و نساي شي واحد سميتو جود
زينب :إذن يمكن ليك تمشي بوحدك واصلا هاد لواحد لي سميتو جود مكنعرفوش
جود :(لا رد ) وخرج غادي ينفاجر وزينب طاحت الأرض كتبكي اما فهد جالس داير رجل على رجل وكيتفرج
هذا ما يحدث إذا ما احب الشيطان 🖤 ملاك😇
فهد :مديريش هاد لحالة فراسك ازينب
زينب :علااش كيوقع ليااا هاكا هئ هئ
فهد :شتتت مشي نتي لي تبكي
زينب :راسي كيحرقني بغيت نعس
فهد :اوكي اجي معايا
زينب :يلاه غادي توقف وهي تخبط مع الأرض صخفانة اما فهد خلاتو مبلوكي ملي شافها هاكاك دغيا هزها بين يديه وتوجع لكلينيك
اما خدا سيارتو ومشا لبلاصة لي كانت كتجلس فيها زارا (مزال عاقلين عليها وجلس كيحلل فهضرتها وقال غتكون غي معصبة وغادي يعاود يمشي عندها )
أنت تقرأ
انتقام شيطان 😈
Actionحصريا في كروب الكونتيسات الدمويات Dark engles💃💃💃 قصة أكثر من روعة 🤩🤩 مزيج بين الحب ❤❤ الإنتقام 😈😈 الأكشن ☠️☠️💀💀 الحزن 😪😔😫😢 وأخيرا محبوبة الجماهير خالتوا سفالة ♨️💯♨️🔞💯 من كل فن طرب آه قبل مننسا وجدوا كنينيكس 🤧🤧 حيت قصتنا واقعية مم...
