انتقام شيطان 😈

بارت 137

صباااح جديد ومرة أخرى كتفيق زينب على لمسات بنتها غي هاد لمرة طالعة ليها فوق ضهرها وكتنتف فيها جاها لملل بوحدها
زينب :اي طلقي ابنتي طلقي
جوديا :ما.ما
زينب :وااا طلقي مني عافاك انا مشي مك طلقي مني.
جوديا (طلقتها وكضحك عليها)
زينب :ضحكي نتي لي جات معاك شو كي ديرا مزال لحال ابنتي يلاه ستة حشومة عليك راني مناعساش
جوديا :بيبة باااح
زينب :بغيتي  اكرام.. يلاه نمشيو نفيقوها      حرام علينا وحلال عليهم ههه
جوديا :ديدي نغ دو. را
زينب :(مفهمتهاش ) اه اه اماما يلاه... مشات غسلات وجها وغسلات لبنتها و بدلات ليها لكوشة و  و لبساتها سروال بيض و مونطو كحل وگات كحل و مشطات ليها شعرها اما هيا لبسات كسوة. فوق ركبة  كم كحلة و گات كحل وفوقهم مونطو  ديال ريش   فلبيض وجمعات شعرها كوبشوفال وهيا تجرها بنتها منو بزز باش حيدات ليها يديها وطلقات شعرها عاد بعدات منها... هبطو   لتحث لقات   رحمة كتقاد فلمسمن وحطات قسم فالارض و وعطاتها مونيكا ديالها تلعب بيها ومشات باش تعاونها
رحمة :غادي توشخي حوايجك اختي غي خليني انا نكملهم
زينب :عطيني ديك طابلية عافاك..مبغيتيش.. ومشات هزاتها راسها
رحمة :شوفي اختي انا را قادة بهادشي دغيا و الله
زينب :وصافي متزيديش فيه ختك مبانتش ليا لبارح
رحمة :غتكوني غي مرديتيش ليها لبال راها جات
زينب :دابا نتعرف عليها عافاك كين شكلاط غبرة
رحمة :اه كين..
زينب :قادي لجوديا   كيك وقوي فيها شكلاط وتكون رطبة وانا غنكمل هاد لمسمن
رحمة :وغادي تعرفي
زينب : ههه حيدي حيدي  را تا انا كنت فحالك غي بلا داك لبروطوكول ديال والو
رحمة :كفاش
زينب :تا انا كنت كنخدم فديور
رحمة :اويلي
زينب :مالك كتويلي لخدمة مشي عيب وانا قلت ليك هاكا غي باش ترتاحي معايا مشي تبقاي ديرا فيها نتي لخدامة و انا   مولات شي هه
رحمة :ولكن سي رشيد لباس عليه علاش كنتي كتخدم
زينب :انا مكنتش ساكنة معاه   و ناس لي كنت خدامة عندهم كانو ديريني فحال بنتهم وكثر كنت كنبرك معاهم فطبلة وحدة مكانش فوق كانو متواضعين
رحمة :حتى لالة اكرام  الله يعمرها دار
زينب :غي لالة اكرام
رحمة :وصراحة غي هيا اما لاخرين مكنشوفهمش    غي فوقت لماكلة صافي
زينب :ههه اكرام الله يعمرها دار
رحمة :و الله الى دائما كندعي معاها بشي وليد ولا بنيتة كتبقا فيا.
زينب :امين يارب
كملو لبنات داكشي لي فيديهم   و كيضحكو حتى بانت ليها منى هازا صاك وخارجة هيا ومريم ومشات تبعتهم
زينب :ايي بلاتي
مريم :شنو بغيتي
زينب :مشي انا ولكن اكرام قاتلي نقوليك باش تسناوها
مريم :وعلاش بسلامة
زينب : معرفتش متمشيوش دابا دخلو
مريم :شوفي إلى كنتو عوالين على صداع خليني ندي لبنت
زينب :ملي تفيق اكرام وتهضر معاكم
مريم :اش قلتي ابنتي
منى :لي بان ليك
مريم :وهاد لمرة تقرب ليها شي وحدة فيكم ناكلها بيدي
زينب :دخلي دخلي اش فيديك مديري... ومشات اما هما رجعو صيكانهم و دخلو
زينب :رحمة بغيت نسولك نتي بنت كازا حيث لهجة ديالك جاتني غريبة
رحمة :لا انا اختي من زاگورة ولكن كبرت   نص عمري هنا هادشي علاش كنهضر بلهجات مخلطين
زينب :اه ودابا ساكنين هنايا عاد فهمت
رحمة :انا و ختي جينا خدمنة هنا ملي كان عندنا 18 عام    و هيا كملات قرايتها تبارك الله عليها وانا     خدامة
زينب :وتا هيا خدامة
رحمة :اه خدامة ولكن كتقرا
زينب :وحتى نتي خدمي وقراي
رحمة :لا دابا     ملي جينا كان خاص وحدة تخدم فينا باش تهز لمصروف وانا بكرت حيث انا صطل بلا تقرقيب مكدخلش ليا لقراية لراسي ملي كنا فلعروبية مشي فحال رحيمة كانت كتقرا تبارك الله عليها ودابا دفعات لواحد شريكة باش تخدم سيكريتيرة
زينب :وخدمات
رحمة :لا مزال مقبلوهاش
زينب :وتبغي تخدم معايا
رحمة :معاك نتي فين
زينب :انا عاد غادي نبدأ فواحد شريكة وكانت ضحي معايا مرحبا بيها من بعد ميخصها حتى خير ولكن فشهورة لولين مغاديش تخلص

رحمة :اوااا تانتي فين تلقا فحالك واصلا ملي كانت كدير سطاج فواحد شركة مكانوش كيخلصوها
زينب :تشاوري  معاها وردي عليا
رحمة :ااييه غي تجي نقولها ليها الله يكثر خيرك
زينب :اميين  اجي نقوليك مكتعرفيش شي دار لكرا
رحمة :لا الالة كي شفتي انا كارية غي فواحد لفيلاج صغير  تحشمي تقولي هاديك سكنة
زينب :علاش مالها
رحمة :هيا دار زوينة وكبيرة و لكن اختي جيران خيبين حاضين داخل ولخارج  مكيعياوش
زينب :نتي ومن كارية ارحمة
رحمة :غي انا واختي صافي
زينب :ووالديك
رحمة :فلعروبية
زينب :اش بان ليك  نسكن معاكم وانا نخلص لكرا
رحمة :لاا الالة مرحبا بيك  ولكن تخلصي حشومة
زينب : انا و صاحبتي بغينا شي دار نكريوها ونتي كارية علاش منكريوش كاملين نيت لقا معامن نتونس
رحمة :وزعما تكري فداك لحي لي مكيسكتوش فيه من ناميمة
زينب :دوك الأحياء كبرت فيهم وموالفة بيهم
رحمة :اواا على هاد لحساب نقسمو لكرا
زينب :لا انا غنكري و نتوما تكلفو بصير مزيانة هادي ودابا حيدي عليا ديك لالة
رحمة لي بان ليك
زينب :معندكش مشكيل تسكن معانا صحبتي
رحمة :ياك غي شي وحدة بنت ناس و فحالك
زينب :ضربيها على حسابي الله يعمرها دار
رحمة :اوااا مرحبا بيكم
زينب :عطيني لعنوان ليوم غنجيو عندكم
رحمة :ليوم ليوم هيا نصوني على رحيمة دير لينا لغدا
زينب :لا غنجيو فلعشية وغنجيب معايا شي حاجة ناكلوها صافي اه وبلا منوصيك متقولي لحتى واحد هاد لهضرة مبغيتهمش يعرفوني فين غنسكن
رحمة :صافي كوني هانية
زينب :لهلا يخطيك ...(شافت فبنتها ) ونتي كنقوليك متبقايش تقطعي لحس  را كتنسيني فيك 
رحمة :بسلامتها مهدنا
جوديا (هازا مونيكتها ) موني ماما كول دي غو زا   كيبخ
زينب :ههه اه اه صافي لعبي بيها ههه
رحمة :اش قالت
زينب :وانا عرفت هههه
رحمة :تبارك الله عليها
زينب :امين
بقاو لبنات مجمعين وكيتعاودو على دار لي غيسكنو فيها حتى تجمع كلشي على طبلة عاد مشاو تجمعو عليها   وحتى  منى لي كلشي كيتخنزر فيها خصوصا زياد  حتى نطق رشيد
رشيد :هادي اشنو كدير هنا
اكرام :انا لي بغيتها تبقا اعمي
زينب :((زينب :حاطة بنتها حداها لي ولات حالتها كامل شكلاط ونطقات)) اكرام شنو واقع شنو بغيتيها ياك جرينا عليها شنو بغيتي
اكرام :من حدكم مزال ممشيتو  وهيا مزال هنا بغيت نقوليكم شي هضرة
زينب :من لخر نتي علاش ناوية بضبط
زياد :اكرام مالك
اكرام (عينيها عمرو دموع ولكن حاولت تكون صبارة ومتبينش ونطقات كلام خرج من فمها فحال سم  بنسبة ليها ) زياد تزوج ب منى
زياد :شنو و ؟؟؟
زينب :تي واش تصرفقتي
لامار :اش كتقولي نتي   واش مريضة لااا
رشيد :شوفي ابنتي انا فكرت فهضرة زينب ونتي دابا وليتي بنتي ونتي عارفة حمد الله موقع والو  وهادشي علاش خلي لبنت تمشي فحالها و نساو هادشي
اكرام :لا اعمي رشيد انا لي عندي قلتو من الاحسن زياد يتزوج بمنى
مريم :اييه لبنت مقالت عيب وحتى منى الله يعمرها دار
زياد :(غوت ) لوليدة سكتي ونتييي  اش كتخربقي عليا
اكرام :مغتلقاش حسن من منى  تزوج بيها عافاك ازياد

يتبع....