انتقام شيطان 😈

بارت 48

زياد:تاكلي جنابك شرحي ليا اشنو واقع معاك جاتني هدرتك بيزاغ
زينب :هانتا غتوحلها ليا دابا را فكرتيني فداكشي منقدرش ناكل مزال
زياد:لهلا يدوقو ليك قولي ليا
زينب :والبعر خليني ناكل هانا صافي مبقيتش سديتي ليا شهية (ونفضات يديها وهو غي مطلع حاجبو بمعنى هادي مالها )
زينب :بغيتي تعرف اواا سما ولكن بلا قوة الأسئلة انا واحد نهار كنت مزال صغيرة كانت عندي 14 عام كنت خدامة عند واحد لمرة كنشقى ليها كنت فرحانة عطاتني 100 درهم ومشقيتش ليها بزاف ودغيا سيفطات ني تعاملات معايا مزيان ورجعت لدار فرحانة كانت بديعة عند ختها عندهم سبوع ومشيت لقيتو ف صالون غي بوكسور وكيتفرج فشي فيديوهات خيبين فتيليفون بركني حداه باش نتفرج معاه فدوك الفيديوهات الإباحية تخيل اب يوري لبنتو داكشي ومن بعد مشا سد لباب وجا برك حدايا وهو كيقرب مني بشوفات ديال شهوة وبدأ كيقرب ليا كنت خيفة بزاف ولكن كنت كنخاف منو منقدرش غي نهدر وهو يبدا يحيد لي ف حوايجي 😭😭 😭 بغيت نبعدو ليا ولكن مقدرتش نقاومو جرني من شعري وداني لبيت فوق فراش بديعة لي يحسابلي ماما تغتاصبت حالت ولكن والو مقدرتش ومن بعد جات بديعة الام لي تعيا تقباح كتحن زعما هيا مرا فحالي فحالها دخلات لقاتو فوقي حيث كان عندها ضوبل ساروت و شداتني انا من شعري ونتفاتني وبركات عليا بلعصا ولعضان وقاتليك كون مقربتش لراجلها ميدورش لجيهتي غي قوليا بنت كانت قدي فلعمر غتكون كتعرف داكشي ديال الاغراء كنت كنحس براسي مضلومة بزاف فديك الحالة حيث حتى واحد معندي حتى واحد ميحن فيا طاحو فبالي غي لبوليس ومشيت عنهم نشكي زعما عرفتي اش قالو ليا 😥(شاف فيها شوفت اشنو؟؟ ونطقات )
واحد قالي ياك ما ابنتي باباك شفر ليك لبيمو ديالك؟؟ ووحدا آخر قالي يمكن كيحساب ليها داكشي لخايب هو ميشريش ليها مونيكة وواحد قالي يمكن تغالطتي ليه مع ماماك ابنتي وقالي نمشي من هنا هو معندوش الخيرية تما وقالي إلى رجعتي مرة خرا غندير ليك طح طح حسيت بصح بلحگرة ورجعت عندهم لدار
زياد:علاش؟؟ رجعتي عندو علااش؟؟
زينب :وفين كيبان ليك خاصني نمشي هاا؟فين يحسابليك انا عندي عائلة نمشي عندهم ولا دار نمشي ليها را غي زنقة عامرة دياب
زياد:هذا خاصو يتعاقب انا لي غنربيه غي عطيني عطيني لعنوان ديالو وتشوفي اشنو ندير فيه
زينب :احسن حاجة ديرها هيا تنسى اش قتليك ههه غي نسا وخليني ناسية نسا ل زياد عافاك وقلب لموضوع
زياد:علاش بغيتي نساوه هاكا را غتخليه يزيد يضيع بنات آخرين
زينب :مبقا كيهمني حد نساهم عليا عافاك وقولي غنبدى لخدمة دابا؟ شحال غتخلصوني بعدا
زياد:هه على حساب خدمتك وغتبداي ليوم وغتمشي على قواعد غتخدمي من 7_1 ومن 2_6 غتمشي تقراي
زينب :نقرى؟؟؟😐 من نيتك
زياد :واحد صاحبي غيعاونك تولي وحدة أخرى خاصك تعلمي لغات ولبريستيج و تنضمي حياتك وغتقراي حتى الاقتصاد
زينب :لا واش من نيتك
زياد :اه عندك عام بالحساب بغيت لقا زينب وحدا أخرى وغدخلي لعالم لبيزنيز و نقدر ندخلك تخدمي معايا فشركة ديالي الى لقيتك تحسني طبعا
زينب :علاش كدير معايا هاكا؟؟ 😵 حتى واحد مكيدير شي حاجة بلا مقابل
زياد: و الله معرفت علاش بغيت نعاونك ولكن كنشوف فيك ختي صغيرة لي معرفهاش فين كينة ميتة ولا حية واكلة شابة مغطية مكنعرف عليها والو
زينب :فين هيا دابا؟؟ علاش مكتعرف عليها والو
زياد:خداتها ماماها وحرماتنا منها مهم بدلي عليا لموضوع
زينب :دابا انا غنرجع نقرى؟ 😵
زياد:قتليك اه
زينب :حلف ب الله ♥️😍😍
زياد:اش قتليك على لحلوف
زينب :صافي بلا متحلف تيقتك ههه ناري غرجع نقراا 😆وااااو😄سعداااااتي 😃أناااا فرحااااانة فرحااااانة بزاااااف بزاااااف بزاااااف و الله واااااو دابا غنولي نقرى ناااري 😄😄😄
زياد :ارجوع الله غتصطاي هههه نوضي نوضي تخدمي (عيط لعمار لي جا كيجري على هو يقد يتعطل اصلا )
عمر:سي زياد بغيتي شي حاجة 😐
زياد :هادي زينب غتخدم معاكم هنا كنادلة ولكن غتخدم غي نص نهار بغيتك توريها خدمتها فحالها فحال سارة و تعطيها لبسة لي غتلبس وتوريها نضام وكل ما كيتعلق بالمطعم وبغيت أقل تفاصيل يوصلوني عليها خصوصا الاغلاط واخا يكونو صغار
عمر:واخا اسي زياد لبسة قصيرة ولا طويلة (بانت ليه لابسة جلابة وديرا زيف يحسابليه محجبة ) 💖
زينب :لي كان كلبس كلشي
عمر:واخا مرحبا وغتبداي معانا غدا؟؟
زينب :لا دابا
زياد:ديها دابا عطيها لبستها و وريها خدمتها هنا
عمر :مرحبا على راسي اجي معايا امدام...
زينب :مادموزيل زينب 😊
عمر :متشرفين اجي معايا
مشا عمر عطاها لبسة لي غنبدا بيها لخدمة كانت عبارة على سترة بيضة قصيرة وصاية فوق ركبة كحلة و جيلي من لفوق كحل وخدات معاها صبادري فلبيض وجمعات شعرها كوبشوفال ومع طوال جات كتحمق وخرجات كتعرف على لبنات وحدة وحدة وگاع دخلات ليهم لخاطرهم لبنات تما كلهم ضريفات و حتى دراري مصطين تلاقاو لزياد تما غيريبو ليه لمطعم مسكين ...... 💔 كانت فرحانة بزاف فحال الى حقات نجاح كبير فحياتها خصوصي ملي عرفات راسها غترجع تقرى باقا لدابا مسدات فمها بقوة لفرحة 😂
نخليها عيشة فرحتها ونمشيو لدار مشي بعييدة عليكم 😅
بارك مع ولدو كيلعب معاه وكيتامل فيه وكيرجع الأحداث الأخيرة لي وقعات ليه معرفش باش حاس واش يكذب عقلو ولا قلبو يتيق ولا ميتيقش يسامح ولا يكره مبقى عارف والو ولا باغي غي امتا ترجع ليه ذاكرتو عيا من هاد ضلام لي ولا عايش فيه حياتو تبدلات 120 درجة مبقا فاهم والو ونطق
امين:غنكونو غي ضالمين ماماك أولدي ياك بينة فيها مسكينة كتبغينا مفهمتش علاش تقت فيهم يمكن زينب عندها شي عداوة معاهم.... و الله أولدي مبقيت فاهم والو ولكن بينة غتكون ماماك مضلومة ياك احبيبة بابا يااك.... هارون غي گيشوف فيه وكيضحك مفاهم والو مسكين
امين:نمشيو عندها نقولو ليها كلشي ياك باش إلى عرفات شي حاجة متقلقش منا يلاه نمشيو نقولو ليها بلي ديك لبنت لي سميتها زينب تلاقات بيا ونقولو ليها اشنو قاتلي عليها باش متقلقش منا ماما ياك أولدي منقلقوش ماما يلاه نمشيو عندها يلاااه اجي اجي هووباااا وهز ولدو وهبط لقا كاميليا باركة فصالة كتفرج هيا و ماماها و طاهرة مكيناش معاهم
امين:كامي فين طاهرة؟؟؟ مبانتش ليك

كامي :مشات عند ماماها لكوزينة واقلة
امين :واخا اختي شكرا

نجلاء :قوليها أولدي واحد خوك منويش يجي هاد لبنت منهار خطبها مسول فيها يحسابلي شيطة ولا كفاش را تا هاد لبنت كتحس ولا لا
امين:اش غنقوليك داكشي بيناتهم مدخلونيش انا مسوقيش فهادشي سيري عندو لدار ولا صوني ليه وقولي ليه هاد لهدرة كاملة
نجلاء :را حتى نمرتو معندناش اودي اش غتقوليك سير سير فين كنتي غادي
أمين:الله يعاونكم... يلاه نمشيو أولدي عند ماما يلاااه نقولو ليها اش واقع......
يتبع