عاينت لينا بإبتسامة مشيت بست يدها وراسها وسلمت عليها قلت ليهم بالتايلندي
يا اولاد تيتا سهى تعالوا🌞.جوا بوستهم وفكتهم رسلان جاء سلم عليها بملل حمرت ليه م اشتغل بي جات مرت عمو منصور وبتها سارة نازلين سلموا علينا وتيتا كانت شايلة جوين شوية وجات وحدة مع ولد عمو منصور فهد نازلين والبت كانت نفس الفي الكوفير عاينت لينا وقلبت عيونها فهد ولد عمو منصور جاء سلم علينا بفرح وشال لوسين من امه جات البت سلمت علينا بطرف اصابعها قال
دي فرح مرتي☺.ابتسمت قلت
همم عرسكم كان قبل سنتين على م اظن.هز راسه بأي قعدنا نتكلم وكدا شوية وبت عمر 4 سنوات كدا جات نازلة جات جارية لفهد بوسها وقال
سلمي على عمو ومرت عمو يا مرح.عاينت لينا وجات سلمت علينا وقعدت جمب لحن وشمس بفرح
تيتا:مرح امشي معاهم الجنينة.هزت راسها وقالت ليهم
يلا.م فهموها وعاينوا لأبوهم لحن جاته جارية ابتسم ليها وهمس ليها في اضانها ابتسمت ليه وهزت راسها بطيب ومشت لمرح قلت
مرح يا ماما اتكلمي معاهم كتير طيب؟.هزت راسها وقالت
طيب🌞.ابتسمت ليها وقلت
لحن وشمس يلا معاها☺.ابتسموا ومشوا معاها
تيتا:يا بت مالك ضعفتي كدا م تكوني حامل
انا:لالا يا تيتا ولى حامل ولى شي😹💔.رسلان اتنهد قالت
والله انتي م بتركزي زي جوين عرفتي في الشهر الأخير😏💔.فرح لوت خشمها وقامت طلعت
فهد:جيتوا متين انتوا؟
رسلان:قبل يومين كدا
امه:وليه م نزلتوا معانا لكن بتبالغوا
رسلان:علشان الأولاد م بحبوا يكونوا مع غيرنا في البيت وم بكونوا على راحتهم
تيتا:خربتوهم وقعدتوا😏
رسلان:ولى خربناهم ولى شي دي طبيعتهم كدا بعدين نحنا هناك كدا ف هم اتعودوا خلاص يعني
سارة:كلامو صح يا تيتا.عاين ليها بطرف عينو عمتو نادتني قمت معاها مشينا الجنينة الأولاد كانوا بلعبوا وبتكلموا ابتسمت وقلت
مرح بت منو؟
عمتو:بت فرح وفهد لأنو فرح م بتقدر تجيب اولاد ف اتبنوها🌸.ابتسمت وقلت
كيوتة شديد ربنا يحفظها💚.ابتسمت وقالت
ها حاصل معاكم شنو؟ وليه طولتوا كدا؟
مدارس الأولاد بس يا عمتو
شمس في اول صح؟
ولحن في زيرو.ابتسمت وقالت
عربيهم اتركك
شديد علشان كدا جبناهم هنا
م بتتكلموا معاهم عربي؟
بنتكلم بس مع التلفزيون واصحابهم وكلو اتخربط عليهم.هزت راسها قمنا رجعنا لحن جات جارية لرسلان طلعت في حضنه وهي بتبكي عاينت ليها بإستغراب قال
بابا لحن في شنو؟.مرح جات برضو مبوزة لأمها وشمس وراها جاء للحن زح يد رسلان منها ومشى على شعرها قال
لحن انا شاكلتها ليك خلاص م تبكي.عاينت ليه وقالت
م عايزة اقعد هنا يلا البيت😢.مسك يدها وقال
تعالي معاي.نزلت من رسلان ومشت معاه عاينت ليه لقيته مصدوم اكتر مني
انا:مرح تعالي يا ماما.جاتني منزلة راسها قلت
الجوز ديل شريرين شاكلوك؟.هزت راسها بأي قلت
طيب ممكن م تزعلي وانا ح امشي اشوفهم؟.هزت راسها بأي بست خدها ورسلان قام استأذن وطلع ليهم مشيت معاه واخدت معاي مرح كان واقف بتكلم معاهم قال
لحن يا بابا شنو كانو بقيتي زعولة😦
لحن:لكن يا بابا هي ضربتني😢
انا:لحن تعالي ي ماما.جاتني كانت في رجول رسلان قلت
حبيبي في شنو؟
كنا بنلعب ومرح ضربتني😢
طيب انتوا بتلعبوا معناها م كانت قاصدة يا ماما.هزت راسها قلت
يلا وقفي بكى ومرح زعلانة كمان.عاينت ليها قلت
مرح تعالي حبيبتي.لحن رجعت عاينت لي ترجمت ليها ابتسمت ومرح جاتها لحن باست خدها وابتسمت ليها عاينت للرسلان ومشيت قعدت جمبه كان شايل شمس نزل منو قلت
همم في شنو؟.هز راسه بﻷ قال
بعد كدا يلا البيت.هزيت راسي بطيب وقمنا لتيتا قالت
الليلة التلات يوم الخميس تجوا تقعدوا معانا هنا لحد م تسافروا سمعتوني؟
رسلان:مع الأسف م بنقدر يا تيتا
تيتا:نعم؟
رسلان:تيتا..قاطعته
حاضر يا تيتا ان شاء الله.ابتسمت قال
يلا نستأذن بعد كدا
عمتو:م ح تمشوا قبل الغداء والله
تيتا:مافي مشي حسي ابدا اي والله.رسلان اتنهد وقال طيب. قلت
جوين وين؟
تيتا:مع فهد وفرح.هزيت راسي بطيب وقلت
مواعيد حليبه جات لكن.جاء صوته ببكي جات فرح ادتني ليه بوسته وهدا قلت
جيعان يا حلو؟
فرح:عمرو كم؟
انا:5 شهور
تيتا:فرح طلعيها الغرفة فوق خليها ترضعه
انا:لا م بحتاج مجهزة ليه حليبه يا تيتا☺.هزت راسها بعدم رضى وقالت
رضعيه احسن بكرة بتندمي.اتنهدت وقمت معاها رضعته
