لقيتهم كلهم قاعدين عدا نون وفانو سلمت عليهم وطلعت ليها كانت نايمة وهو ببكي شلته ومشيت غرفة الضيوف رضعته جاء داخل رسلان رفعت ليه حاجبي قال
انتي بتعملي شنو هنا؟
زي م شايف يعني.هز راسه وقال
والسمح ليك منو؟
الولد ولد اختي وبقى ولدي والحليب حليبي في شنو تاني؟.م رد وطلع بزهج بوست فانو ومشيت صحيت نون قالت
الساعة كم؟
نون المعازيم وصلوا على فكرة
واي كذابة😢
واكذب ليه انتي بقيتي نوامة زيادة عن اللزوم .قعدت تضحك وقامت اتجهزت وانا جهزت فانو ورال جات اخدته وساعدت نون قالت
هناء هنا؟
امم ليه يعني؟
م عايزة يضايقوك
م تخافي هم بضايقوا نفسهم م بضايقوني انا انتي عارفة كدا كويس
فارس جاي
فارس نفسه؟
امم طيارته وصلت
والله حلو
جودي
همم
الح يحصل م حلو
و الح يحصل شنو مثلا؟ انو يعترف لرسلان بالبيبي؟.هزت راسها ضحكت وقلت
رسلان انا متاكدة زاتا انو عارف م ولده😂
بس ليه م اتكلم؟
م عارفة
يمكن شك انو ولده؟
نون هناء م نوعه المفضل
برضو
انا متأكدة انو ﻷ
همم
من اتزوجوا كم شهر؟
3شهور
3شهور ح يكون بيبي كبير زي 6 او 7 شهور؟
تؤام؟
ﻷ لكن دا بيبي 6 شهور
انتي كيف عرفتي؟
نون انا ولدت 4 مرات ودي حاجة كفيلة تحفظني.هزت راسها قلت
زائد الكتب القريتها كتيرة.ابتسمت قلت
يلا.هزت راسها ونزلنا قعدت جمب فراس وكنا بنتونس ونضحك شوية وبابا جاء قعد معانا قعدنا نتونس عاينت حولي م شفت شمس قلت
بابا شمس وين؟.هز راسه ب م عارف قمت عاينت حولي م لقيته مشيت للحن قلت
ي ماما شمس وين؟.عاينت حولها قالت
كان مع رال.هزيت راسي ودخلت البيت لقيته ببكي قعدت جمبه بسرعة وقلت
اشش حبيبي في شنو؟.مسحت دموعه عاين لي ورجع يبكي بوسته وقلت
ي بيبي خلاص علشان نتكلم.هز راسه اتدخل صوت من وراي
جودي؟ جوين ولى شمس؟.التفت لقيته فارس جاء قرب عاين لشمس وقال
الزعلك منو ي حلو؟ ماما؟.شمس هز راسه بﻷ وجاء علي ابتسمت ليه وقلت
فارس انا افتكر انو عندك امور تانية تهتهم بيها غير بكى شمس همم مثلا يعني ولدك الح ينسبوه لغيرك قصدي لابو شمس طبعا
ولد منو
م شايفة فارس غيرك هنا انا
متأكدة انا؟
وهناء جزء تاني كمان.ضحك وقال
لا ي جودي م كنت مفكرك بالغباء دا
قصدك انو انت الغبي لانك م عارف حبيبتك نونا شغالة وين.ضحك
قلت
نرجس محمد دياب 23 سنة كويتيه بتحب الشكلاته جدا ودا بديهي انها تشتغل في اكبر شركات الشكلاته في المكسيك سكرتيرة زوجة اخوك جودي يونس عايشة في المكسيك من 5 سنوات بس كانت في الريف وانتقلت العاصمة من سنتين
بتعرفيها من وين؟
ممكن تقول صدف وعرفت
م مهم
و م مهم طفلك برضو؟ اي بشر انت وهي؟
همم بعد الولادة ح اخده واسافر بدون م حد يعرف هناء م صالحة كزوجة او كأم.ضحكت وقلت
وانت اذا عارف حاولت معاها ليه؟
م خططنا لحملها دا وبعدين انا شايف انها م صالحة غير كدا
انت العجنتها كدا
كانت بتستدرجني
من وهي طفلة؟
قصدك؟
قصدي واضح كانت طفلة مراهقة وانت الكنت بتجرها واذا بتتذكر انت الفي غرفتها م هي في غرفتك
مراهقة عمر20؟
طبعا مراهقة لانها كانت مربطة باهلها شديد.قال
ومشكلتها انها انحرفت لوحدها
من الاخر ي فارس لانو انا م فاضية لإتنيناتكم . ضحك وقال
مع كمية الكره في شعور جواي والا م كنت هنا.ابتسمت وقلت
بعد كدا بخصك.مشيت خليته واقف لقيت شمس في حضن ابوه وهدا مشيت ليه نزل جاني جاري قال
يلا البيت😢.هزيت راسي بطيب وقلت
ممكن اعرف مالك اول؟
حلقي واجعني😢
حلقك واجع؟.هز راسه قلت
طيب يلا البيت.مسكت يده واستأذنت من ماما وبابا وطلعت حممته هو ولحن وبوستهم وجبت ليهم حليب دافي بعد خلصوا غسلوا وناموا بوستهم وطلعت ضربت للدكتور قلت
دكتور كيفك انا جودي
ايوا ي جودي انا بخير في حاجة؟
شمس بقول انو حلقه واجعه لحد م بكى ممكن تمر وتفحصه؟
انا بعيد جدا حسي ف الصباح جيبيه لي في المستشفى هل عندو وجع في رجوله؟ وحرارته عالية؟
لا ابدا
طيب خير الصباح جيبيه معاك
طيب ان شاء الله.قفلت منو ومشيت ادوشت وفتحت فيلم وجبت جوين ولوسين معاي رال ضربت لي
جودي انتي وين؟
في البيت ي رال في حاجة؟
لا خلاص ولى حاجة
صوتك كدا ليه؟.قالت ببكى
فارس فضح هناء وتيتا بتضرب فيها الحقيها البت انتهت و م حد قادر يمسكهم
نعم؟
جودي الحقي سرعة.قفلت فيها وندهت على جويرية وجريت بسرعة شلت جكت صوفي لحد الركبة وانا كنت لابسة شورت جينز في نص الفخذ وتيشيرت اوف وايت بدون ايادي شلت مفتاحي وطلعت بسرعة على بيتهم
