التفت لقيت شمس مافي عاينت لحولي لقيته طالع من الملعب ومعاه العجلات قلت
لحن يلا يا ماما امشوا العبوا في الملعب هنا ح تتأذوا.قامت جارية رسلان شال لوسين وجوين ومشينا ليهم نزل جوين ولوسين في الجزء بتاع البيبز وشالني بالقلبة رجليني لفوق وراسي لتحت قلت ليه
والله انت جنيت شكلك يا راجل انا ام ل4 زمان بنقول م حنك حسي لو موتني اولادي يعملوا شنو
جويرية قاعدة ح اعرسها علشان تربيهم.قرصته في بطنه وقلت
واحد قليل ادب انت ،، عارف؟.ضحك ونزلني مشيت للأولاد كانوا بعاينوا لينا قعدوا يضحكوا وكملوا لعب بعد فترة طلعت البيت جهزت ليهم الغداء شوية وجوا رسلان حممهم وجينا اتغدينا ودخلوا غرفهم ناموا وانا ورسلان فتحنا فيلم ونمت خليته صحيت بيه قايم من جنبي قلت على وين؟
ح اجهز العشاء الاولاد شوية وبصحوا.هزيت راسي قلت
خليني ادوش اول ونعمله مع بعض.هز راسه بﻷ وقال
انا اول
م انت انا 😬.شالني وقال
يلا الإتنين ي شيخة.ضربته وقلت
ادخل انت يلا انا م عايزة
م على كيفك😈.بعد جهزنا العشاء هم صحوا رسلان حممهم واتعشينا وقروا شوية وناموا الصباح صحيت بصوت الجرس صحيت رسلان قام فتح وانا دخلت الحمام ادوشت وطلعت كانوا ناس ماما امي ورال وام رسلان خالتو هند و فراس سلمت عليهم ولحن جات طالعة ووراها شمس شعرهم منكوش وجارين دباديبهم معاهم قلت
ماما لحن نحنا هنا تعالوا.عاينوا لينا اول م شافوا خالتو هند جروا ليها باسوا يدها وطلعوا في حضنها
فراس:م ح تسلموا على بابا فراس يعني؟😢
لحن:لأ.قعدنا نضحك شمس نزل مشى ليه ولحن مشت لرال ماما كانت في الحمام لم طلعت جروا ليها بوستهم وقالت
اشتقت ليكم يا حلوين💕
شمس:ونحنا برضو اشتقنا ليك يا حلوة.قعدنا نضحك لوسين وجوين صحوا قمت ليهم و رسلان لحقني شال جوين بوسه وم كان ببكي ودخل يحممه وانا كنت بسكت في لوسين شوية وسكتت رسلان حممها وظبطناهم قلت
سولي امشي ادوش وتعال بعدين شكلك نعسان لسة😹.هز راسه بأي قال
وتعبان شديد والله😪.ختيت يدي على راسه قلت
عندك حرارة خفيفة.هز راسه قلت
يلا الغرفة.ختيت جوين وشلت منو لوسين وقلت
تعال يلا
واخليكم براكم؟
رسلان انت غبي؟ نحنا في البيت وبعدين انت م ح تطلع ولى ح تنوم شهر.جريته من يده مشينا غرفتنا مسكني عليه ضحكت وقلت
حسي مش كنت تعبان؟😂
امم معاك م بتعب يا جودي🌸.ابتسمت ليه وفكيته اديته منشفة وطلعت)..
*#Back..*
لوسين جات داخلة طلعتني من ذكرياتنا دي
ماما ماما.طلعت فيني بوستها عمرها 5 سنوات💕 قلت
في شنو يا ماما جعتي؟
اي.ضحكت وقلت
تعالي المطبخ طيب.مشينا المطبخ ختيت ليها والجرس دق مشيت فتحت كانوا لحن و شمس رجعوا من المدرسة بوستهم وفراس كان معاهم قال
جوجو يا جوجو غداك شنو يا شيف يا عسل انت؟.قعدت اضحك وقلت
عملت غداك البتحبو والله تعال🌼.دخل و دخلت حممت لحن وشمس وطلعت ساعدني ختينا الغداء اتغدينا ونحنا بنتونس سمعت صوت جوين ببكي بإسم ابوه فراس قام بسرعة ومشى ليه لحقته كان شايله وهو ببكي قال
خلاص يا بابا هشش بطل بكى انا هنا
جوين:بابا بابا😭.دموعي نزلت قلت بصوت برجف
فراس هاته.التفت لي لقاني ببكي قال
استغفر الله انا اسكت منو حسي😧.مشيت شلته منو قلت
عايز بابا يا جوجو؟.هز راسه بأي قلت
يلا اسكت علشان نمشي ليه.هز راسه بﻷ وزاد في البكى اتنهدت وعاينت لفراس اساسا م اول مرة تحصل طلع تلفونه وضرب لرسلان رد وقال
فراس؟
فراس:رسلان جوين ببكي.مد لجوين التلفون وقال
شنو يا بابا الببكي شنو يا بطل؟
جوين:بابا تعال😭
رسلان:جوجو يا بابا في شي واجعك؟ ليه بتبكي كدا حبيبي؟
جوين:بابا بابا انت تعال😭
رسلان:جاي يا حبيب بابا.فراس شال منو التلفون رسلان قال
انا ح اجي.وقفل طلعت بجوين البلكونة وفضلت ماشة وجاية وهو ببكي بطريقة هستيريا فراس جاء شاله مني قال
شنو يا جوين البكى دا كله حبيبي؟
جوين:بابا فراس عايز بابا😭.صوت رسلان جاء قال
جوجو يا بابا انا هنا.التفت ليه كان في نص الغرفة جوين مد ليه ايديه شاله وبدا يهدا قعد بيه ورقده على حضنه ومشى على شعره قال
حبيبي في شنو؟
جوين:بابا انت وين؟😭
رسلان:انا هنا معاك يا بابا يلا اهدا خلينا نتكلم.جوين هز راسه انا كنت بعاين لرسلان بكراهية وقطرات صغيرة وممكن ذرات حب فراس لكزني وقال
انا طالع باي🌼.هزيت ليه راسي ابتسم وقال
خليك قوية💕.هزيت راسي تاني طلع وانا رجعت اعاين ليهم
