.ضحكت وقلت
طيب بس حاسبوا تسممونا.ضحكوا ولحن ابتسمت وهي سرحانة قلت
اول ح امشي اجيب حاجات
فراس:م تتأخري ونحنا ح نبدا طوالي علشان بناخد وقت
انا:طيب.قمت اتجهزت واخدت معاي لوسين واشتريت الحاجات بسرعة ورجع لقيتهم في المطبخ مجغمسين بالدقيق ولحن في صفرة المطبخ وراسمين ليها فار في وشها وشمس قالع التيشيرت وعامل عضلات ضحكت وقلت
دا شنو؟😹
شمس:عضلات.ضحكت وبوستهم ومشيت خليتهم زينت الصالون بالطريقة البعملها ليهم رسلان لانهم بحبوها ومشيت لقيتهم خلصوا حممتهم ولبست لحن فستان قصير اسود وفيه شوية ابيض ورجعت ليها شعرها لورا بفيونكة ميمي ماوس كبيرة😹💜و شمس بميكي ماوس وجوين ولوسين بهمتارو وانا فستان بينك على بطيخي فيه بالأبيض ماسك من الخصر بطريقة عريضة واوف شولد 3/4 واسع قصير من قدام وطويل من ورا وشبشب ابيض وجبت لفراس زي ملابس جوين وشمس😹💜قعدنا نغني وكنت جبت افلام فتحناها وقفلنا الإضاءة البولين كانت بتضوي في الضلام وحلوة شديد قعدنا نضحك ونتونس ونلعب وكذا الجرس رن فراس قام يفتح لحن اتعلقت فيه بخوف وهزت راسها بﻷ ابتسمت وقلت
انا ح افتح.قمت فتحت كان بابا وشايل كديسة حلوة شديد لونها رمادي😢💕وقعت فيه وانا بصرخ
باباا🌸🌸.ضحك وضماني لحن جات جارية كانت مفكراه رسلان بابا نزل الكديسة وقال
لولي امشي للحن لحن نزلت ليها شالتها بإبتسامة وعاينت لبابا فراس وشمس جوا شمس لم شاف بابا جرا ليه بسرعة
جدو جدو💚.بابا شالو وهو مبسوط بوسه وبعدين سلم على فراس ودخلنا بوس لوسين وجوين وعاين للحن الكانت بتعاين ليهم قال
ي جدو م ح تسلمي علي حبيبتي؟.هزت راسها بﻷ وابتسمت ليه وجات شوية شوية طلعت في حضنه والكديسة جات طلعت فيها لعبت بفروها وهي مبسوطة بابا عاين لي بإستغراب ورجع عاين للحن قال
لحن انا إسمي منو؟.لحن م ردت ليه التفت لفراس وقال
لحن مالها؟
انا:بابا..قاطعني قالت
انا سألت عمها وهو المفروض يكون عارف يعني
رسلان:عمو يونس لحن معاها إكتئاب حاد وسبب بانها منعت نفسها من الكلام
بابا:نعم؟ اكتئاب؟
فراس:انا بفضل انو جودي هي تكمل ليك بعدين.بابا عاين لي وقال
رسلان وين؟.شمس كان بلعب بليستيشن رمى الفي يده وقال بعصبية
م يجي هنا لانو ضرب ماما😠
انا:شمس امشي غرفتك.مشى بزعل قلت
ماما لحن يلا معاه.عاينت لي وهزت راسها وشالت الكديسة ومشت بابا قال
ممكن افهم؟.شلت جوين وابتسمت وقلت
رسلان اتغير كدا بس بدون فهم بدون اي حاجة وعدت فترة اولاده مرضوا فيها وهو م سأل عنهم وحالتهم ساءت واهو هم قدامك
بابا:كيف يعني؟
فراس:دا الحصل ي عمو وانا شاهد على كل حرف بتقوله
بابا:وكلام شمس؟ ضربك بالجد؟
انا:انا جبت الأولاد هنا بدون إزنه ورديت ليه في الكلام وضربته اول لانو بالجد مفروض يتضرب وشمس شافه لم اداني الكف.مشى على شعري وضماني انا دموعي نزلت تلقائيا وبكيت قلت
بابا انا بحبو على قدر م زعلانة منو ليه يعمل فيني انا واولاده كدا ليه؟😭
ح اجيب حقكم ي جودي ي حبيبتي.سمعنا صوت صرخة لحن كانت حادة وموجوعة شديد قمت جارية بسرعة غرفتهم لقيتها قاعدة على الارض وخاته يدينها على راسها وبتصرخ وشمس بعاين ليها بعصبية قعدت جمبها وضميتها بسرعة شوية هدت ووقفت صراخ بقت بتتنهد بس بقيت ببكي معاها بابا جاء شالها ونزل بيها الجنينة قمت مسحت دموعي ولقيت فراس بتكلم مع شمس وشمس مبوز بس قعدت جمبه وقلت
في شنو ي ماما اختك مالها؟
هي ليه عايزة ابوها الشرير دا؟يعني م كفاية انو ضربك😠.اتنهدت وقلت
شمس بابا م ضربني نحنا كنا بنلعب مع بعض و م تضغط على اختك كدا
ماما انا م غبي بابا كان بوقف شغل علشان يجينا م بخلينا كدا طويل م تكذبي علينا😠.دموعي نزلت قال
انا م بحبه م بحبه.صرخت فيه
شمس😡.قام جاري غرفته وانا دخلت غرفتي قعدت ابكي لحد تاني يوم الصباح وانا ببكي الباب دق دخل شمس ومعاه لحن مبتسمين نطوا لي في السرير وضموني زدت في البكى لحن مسحت لي دموعي وهزت راسها بﻷ ابتسمت وهزيت راسي بطيب باست خدي شمس قال
يلا جدو وبابا فراس جهزوا الفطور
طيب ثواني والحقكم.قمت ادوشت وطلعت ليهم لوسين وجوين كانوا نايمين لسة لحن كانت قاعدة في الصفرة وبابا بفطرها قعدنا فطرنا فراس قال
شايف اسمك نزل في حكم شيف.هزيت راسي وقلت
ح نبدا بعد بكرة ح اكون الشيف الكبير في النص.ابتسم وقال
ربنا يوفقك🌼
بابا:انتي اهم حكم يعني قرارك هو النهائي رايك شنو اشترك وتفوزيني🐸.ضحكت وقلت
بابااا😹.ضحكنا وقلت
جويرية حولت اوراق الاولاد المدرسة امبارح والليلة مفروض ينزلوا رايكم شنو؟
بابا:وليه م ينزلوا
فراس:وانا ح اوصلهم.ابتسمت وقلت
يلا اجهزكم.هزوا راسهم
