سرحت وانا بتذكر رسلان انو رفض يتزوج تاني بعد طلق هناء بس لسة بارد ولسة م قادرة اتخطى انو هو اتخلى عننا علشان عيان وانو حاول يبدلني بكل سهولة بوحدة زي هناء رال طقطفت لي اصابعها قلت
جيتي متين انتي؟
امبارح بالليل قلت اجيك انتي اول بس كويس نون معاك
انا:نون طبيعي معاي😹
نون:مصلحة بس بكرة اولد وم اتذكرك الا البيبي الجاي قلت وانا بضحك:وانتي لسة مخططة للبعده.قعدنا نضحك
رال:الاولاد وين؟
انا:جوين وفانو بلعبوا فوق ولوسين ولحن وشمس بذاكروا
رال:ح اطلع ليهم.هزيت راسي وقلت
يلا نطلع كلنا فوق ونستقر في البلكونة
نون:طيب يلا.طلعنا خلينا رال مع الاولاد جبنا شيبس وشكلاته وقعدنا رال شوية وجاتنا قعدنا نتونس قالت
حصل شنو وانا مافي؟
نون:ولى حاجة
رال:وانتي ورسلان جودي.هزيت راسي وقلت
ولى حاجة برضو.سرحت مسافة وقلت
جويرية قبل سنة قالت لي
انتي غبية ﻷنك اتزوجتي صغيرة ،، بس انتوا عارفين شنو؟ دي كانت احلى حاجة في حياتي يمكن لو كنت م اتزوجته م كان اجيب الاولاد ديل يمكن اكون سعيدة براي بس احلى انو هم معاي حتى لو دعست على قلبي بسبب غروري بعدين مافي حاجة صعبة يعني وم لازم كل العلاقات نهايتها عائلة سعيدة صح؟.رال مشت على شعري بإبتسامة وقالت
انتي قوية عارفة؟
علشان بحبو💚
رال:اخر مرة اتكلمتوا متين؟
نون:قبل شهرين.ابتسمت وانا *بتذكر*
كنت بتجهز للشغل وعندي بارتي لازم احضرها وكنت شبه ح اتأخر لحن وشمس قاعدين في السرير وشايلين جوين ومعاهم لوسين وبلعبوا وبتكلموا معاي لبست فستان ابيض حرير لحد 3/4 الفخذ حوافه من تحت دانتيل وفيه بالقماش نفسه مرباعت بارزة اكمامه طويلة واسعة ماسكة من النهاية ماسك من ناحية الخصر وفوق من الصدر طوليه فيه دانتيل ولبست كعب احمر وشنطة ابيض وعملت روج احمر ولميت شعري ضنع حصان ويفي بوست الاولاد وقلت
انا م ح اتأخر تمام؟
جوين:وعد؟.ضحكت وقلت
وعد.بوسوني وطلعت وانا عايزة اطلع العربية رسلان مسك يدي
ضروري نتكلم.فكيت يده وقلت
بيناتنا مافي كلام.جراني معاه وطلعنا عربيته مشينا المزرعة م كانت بعيدة شديد مسافة ساعة وحاجة قلت
م ليك حق تجيبني هنا بالطريقة دي
انزلي
م نازلة
خليك هنا طيب.نزل وامن الباب م اشتغلت بيه ضربت لجويرية قلت
جوري انا ح اتاخر شوية م تخافي وخلي بالك من الاولاد طيب؟
طيب انتي خلي بالك من نفسك
همم.قفلت منها رسلان جاء فتح لي الباب وقال
انزلي
م نازلة كلامي كان واضح.صرخ بعصبية
انزلي سرعة.قمت نزلت ورفعت اصبعي عليه
اياك تصرخ علي سامعني؟.م رد وقفل الباب بعصبية دخلت خليته لقيت الشغالة بتجهز في كوفي شلت منها وقعدت رسلان جاء داخل قال للشغالة
بعد كدا ممكن ترجعي بيتك التكسي منتظرك.ابتسمت وطلعت رسلان شال كبايته وقعد في نهاية الكنبة ختيت كبايتي وقلت
همم خير في شنو؟ فيك كلام
حابب اوضح حاجة
وهي؟.خت كبايته وقرب شوية قال
محمد مدير شركة red متذكراه؟
نفسه المتعاقد مع مطاعمي؟
ايوا.فتح تلفونه مداه لي كان فيه صور لي في الهني مون وكان مهدد رسلان انو ح يستفزني بيها علشان انفذ طلباته وكلام كتير م حلو قلت
ومحمد فايدته شنو لم يعمل كدا؟
انو يخليني كانسان تجارب ومرضي كان بسببه بسبب جرسومة اتحقنت فيني ،، متذكرة لم كنت تعبان؟.هزيت راسي قال.كانت البداية الجرسومة كانت بتحاول تغيرني لعدائي وتمحي مشاعري وانا زاتا كنت مقرر ابعد علشان م تضرروا وكانت بتأثر في تذكري وحتى لحظات صورك جاتني كأنو م حصل كنتي قدامي فيها حقيقة.ضحكت وقلت
وي ربي برضو حببتك في هناء؟
م كان بهمني منو كتير
ادراستيا يعني؟
م بمعنى الانتقام بالظبط بس ممكن تقولي المعنى التاني لا مفر منه.رميت التلفون وقلت
بالمناسبة الراح الراح خلاص اكتر من 4 سنين ضاعت بأسباب تافهة بأسباب غبية عارف السبب شنو؟
وح تخلي الباقي يضيع؟
جاوبني اول عارف السبب شنو؟.هز راسه بعد مسافة بﻷ قلت
لأنك ضعيف وضعيف جدا لأنك لو كنت وقفت قدامه م كان دا كله ح يحصل وم كنا ح نبعد عنك ولا انت ح تبعد عننا.حاوطني برجوله وقال
متأكدة؟
زي حرمة الطلاق
#عند النهاية تكمن البداية...
