.فجأة جات صوره مع هناء و الحصل في بالي فكيته بسرعة ودخلت ليهم كانوا بتونسوا بوستهم رسلان جاء داخل قال
طلبت الغداء ح نتغداء مع بعض موافقين؟.عاينا لشمس قال
طيب.ابتسمت ونكشت ليه شعرو بعد اتغدينا نون ضربت لي
ي سجم انتي وين من امبارح؟
نون شمس عيان
بسم الله ماله؟
لوز وح نفضل يومين في المستشفى وبعده العملية
طيب وحسي كويس؟
همم
انتي براك؟
نون..قاطعتني
ح ابعت ليك فراس وانا ح الحقه و..قاطعتها
م تخافي رسلان معاي ماف داعي
رسلان؟
همم
طيب.قفلت منها و الممرضة جات لدواء شمس اخده ونام رسلان نزل بلحن الجنينة نون جات ومعاها فراس وفانو قلت
انتوا مجانين؟ الجابكم شنو؟
نون:يعني متوقعة نعرفه في المستشفى ونفضل في البيت؟
فراس:ونفضل على تلفون منك؟
انا:انتوا عيلة مجانين عارفين كدا؟.ضحكوا نون قعدت جمبه وقالت
كويس؟.هزيت راسي باست يده وقالت
عوافي ان شاء الله.ابتسمت ليها قالت
رسلان وين؟
نزل مع لحن الجنينة
فراس:ولحن هنا ليه؟
انا:بكت وقالت م عايزة ترجع وشمس نفس الحاجة.ضحك وقال
اشك انو اولادك ديل تؤام.ضربت راسي وقلت
نون عادتك خلاص.ضحكوا بوست فانو وقلت
يلا اتخارجوا بيتكم.بعد يومين كانت العملية رسلان كان بجهز فيه وانا مع لحن برا ودموعي نازلة بابا جاء ضميته مسح على شعري وقال
بطلي بكى ولدك كويس.هزيت راسي باس راسي ومسح لي دموعي قال
انا ح امشي اشوف الدكتور.قلت بتعب
طيب.فكاني ومشى ومعاه لحن رسلان جاء طالع وشوية واخدوا شمس قعدت وختيت يدي على وشي وبكيت بدون صوت رسلان قعد جمبي وضماني بعدته عني وقلت
انا م لي نفس اتكلم معاك طيب؟ ف شنو خليك بعيد عني انا م منعتك من ولدك لانو حاليا محتاجك بس بمجرد م يطلع م عايزة اشوف وشك سامعني؟
متأكدة؟
عمري م اتراجعت عن قراراتي.هز راسه وقام واداني ضهره بابا جاء وقف اتكلم شوية معاه وبعدين عاين لي واتنهد لحن جات طلعت في حضني بوستها قالت
شمس دخل؟.هزيت راسي بأي تيتا وماما جوا سلموا علينا وسألوا عن حالته تيتا قعدت جمبي وقالت
جودي انا اسفة.التفت ليها وقلت
على؟
هناء
هناء هناء هناء انا م لي علاقة بيها ي تيتا انتوا الزوجتوها من عيلتكم وولدكم الكبير وانتوا الإتضررتوا اما راجلها المكرم هو الخسر واذا عايز خليه يحتفظ بيها يطلعها من حياته دي حاجة بتخصه هو وانا صراحة قرفت من نقاشتكم دي ومن ولدكم زاته و ي ريت زي م خليتيه يتزوج هناء خليه يبعد عني وعن اولادي لانو انا زهجت وقرفت خلاص.ابتسمت ليها والدكتور طلع مشيت ليه بسرعة قال
الحمدلله كويس و ح نطلعه غرفته طوالي ولم يصحى ممكن تدخلوا ليه.هزيت راسي بإبتسامة ودموعي نزلت رال جات حضنتني وقالت
قولي الحمدلله في شنو حسي؟.هزيت راسي بأي ومسحت دموعي خالتو هند جات باست راسي وقالت
اهدي لانو اذا شافك كدا ح يخاف ويتعب طيب؟
همم.ابتسمت لي ومشت يدها على شعري مشيت غسلت ورجعت كان طلعوه الغرفة ونايم لسة عاينت ليه من ورا القزاز رسلان جاء وقف جنبي ودخل ايديه في جيوبه لحن وقفت بيناتنا شالها بوسها قالت
شمس لسة نايم؟
ايوا لسة نايم.شوية وفتح عيونه دخلت ليه بسرعة قال بتعب
لحن ي لحن.مسكت خده وقلت
عايز لحن؟.هز راسه قلت
انت كويس؟.هز راسه تاني رسلان جاء داخل ومعاه الدكتور فحصه وقال
خلوه ياكل ايسكريم وهو كويس مافي حاجة بتخوف.هزيت راسي شمس قال
ماما لحن.بست خده وقلت
ثواني طيب.قمت طلعت لحن كانت مع بابا قلت
لحن تعالي شمس عايزك.نزلت منو وجات بسرعة طلعت جمبه وحضنته رسلان مد ليها الأيسكريم بعد بوسهم وقال
لحن اكليه.ابتسمت ومسكته منو وادته شوية شوية ابتسمت وطلعت ماما وخالتو قالوا
كويس؟
همم الحمدلله.ضربت لجويرية اتطمنت على جوين ولوسين ورجعت دخلت ليه لقيته رجع نام لحن كانت ماسكة يده بوستها وقلت
يلا البيت انتي ليك يومين هنا امشي ارتاحي شوية وتعالي بكرة مع جويرية طيب؟.هزت راسها بﻷ وعاينت لأبوها قال
كلام ماما صح.هزت راسها بزعل بوستها وقلت
يلا ارجعي مع نون
رسلان:انا ح ارجعها و اطمن على جوين ولوسين كمان.هزيت راسي جات باستني رسلان عاين لي وقال
محتاجة حاجة؟
ﻷ.هز راسه وطلع انا فضلت مع شمس ناس ماما شافوه ورجعوا فضل بابا معاي قال
جودي ارجعي لاولادك وتعالي بعدين انا هنا ورسلان في الطريق
ارجع لاولادي؟ وشمس م واحد منهم يعني؟
شمس فضلتي معاه الايام دي كلها كمان عندك بيبي محتاجك صح؟
جويرية معاهم و ابوهم حسي كان معاهم مافي حاجة تاني واذا عايز انت خليك معاهم.هز راسه بطيب وقال
امك مشت ليهم حسي.هزيت راسي
