بوستهم ونومتهم وطلعت مشيت جبت الناقص ورجعت جهزت العشاء ولسة كان الوقت بدري صحيتهم علشان يذاكروا تاني يوم صحيت بدري وكنت مرسلة هدايا وكروت لأصحابهم عشان يجوا ظبطت البيت وجهزت الفطور لحن وشمس صحوا فطرنا رال ونون جوني سلمت عليهم وكلمتهم وبديت اجهز في الاكل وبعدها مشيت للحن وشمس كانوا بذاكروا بوستهم وحممتهم وجهزتهم لبستها شورت جينز مشرط قصير و تيشيرت زيتي واسبورت اسود و شمس زيها بس شورته م مشرط وجوين ولوسين شورتات ابيض وتيشيرتات كبدي ورمادي وانا بنطلون جينز ازرق فاتح و تيشيرت في نص البطن اوف شولدر نص كم لونه كبدي وشبشب شاي لبن رال ونون ساعدوني ونون كانت متوعكة شوية الاولاد جوا بوستهم وفتحت ليهم ميوزك هادية وفيلم وكذا وانا ونون ورال كنا في الهول التاني بنتونس وكدا لم جاء وقت الغداء ختيت ليهم وناديتهم يتغدوا وانا بتونس معاهم قبل المغرب بشوية اهلهم اخدوهم ودعتهم ودخلنا كلنا لنون ورال لقيت نون ماسكة ضهرها بوجع قلت
بسم الله نون مالك؟.قالت بوجع
م قادرة
رال:اضربي لفراس بسرعة ﻷنو شكلها ح تولد
انا:مافي وقت خلينا ناخدها المستشفى اول.مسكناها وطلعنا وصلنا ودخلوها بسرعة العمليات لانها في السابع لسة واساسا كان مقرر ليها عملية ضربت لفراس جاء بسرعة قال
في شنو؟
نون بطنها وجعتها فجأة وحسي في العملية.بقى ماشي وجاي رسلان جاء ماشي بسرعة ومعاه هناء!! صحبة سارة؟ كنت بعاين ليهم بتفاجؤ جات جويرية ومعاها جوين ببكي ادتني ليه شلته بوسته وقلت
وين الاولاد؟
في العربية تحت لانو جوين م سكت من انتي طلعتي و م رديتي على تلفونك.هزيت راسي وبقيت بهزه علشان يسكت جات هناء كانت عايزة تشيله بعدت عنها وقلت
لو سمحتي بعيد😊.ابتسمت وبعدت بوست جوين قلت
شنو ي ماما عذبت جوج.قعد يضحك رسلان كان بعاين ليه ومدخل ايديه في جيوبه م اشتغلت بيه عدت فترة واتنهد و جاني كان ح يتكلم الدكتور جاء طالع من غرفة العمليات التفتنا ليه قال بإبتسامة
مبروك جابت ولد وصحتهم بخير ممكن تشوفوها بعد تصحى والبيبي ح يكون في الفحص.من الفرحة عيوني دمعت واديت جوين لرسلان بدون م احس وضربت لناس ماما شوية وقفلت منهم لقيت رسلان بلعب جوين وهناء معاه لاحظت انها عروس محننة جديد ومتدخنة مشيت ليهم وشلته منهم ومشيت لفراس كان مبسوط شديد قلت
مبروك ليكم💜.هز راسه ودموعه في عينه ابتسمت شوية وناس ماما جوا واهل فراس برضو خالتو هند و كان في تيتا برضو بابا جاء شال مني جوين بوسه وقال
وين الباقين؟
رجعوا البيت من شوية.ابتسم وهو ببوس في جوين عاينت لهناء كانت بتتكلم مع تيتا بإبتسامة شوية ونون صحت فراس دخل ليها وطلع قال
جودي ورسلان نون عايزاكم.هزيت راسي بﻷ وقلت
لم يطلع ح ادخل.فراس عاين لي بحدة وقال وهو ضاغط على اسنانه
قالت عايزاكم الاتنين مع بعض.اتنهدت ودخلت وكان رسلان وراي قعدت على يسارها وهو على يمينها ،، مسكت يدينا وضمتها لينا عاينت ليه ولقيته بعاين لي رجع عاين ليها قالت بتعب
ارجعوا لبعض الله يخليكم حتى لو م عايزين بس عشان اولادكم.عاينت ليها وقلت
نون اذا قمت منك تاني م ح تلاقيني في حياتك
نون:الموضوع م بحتاج
انا:طيب معناها طبقي خشمك لنفسك.ابتسمت لي ورجعت ابتسمت ليها رسلان قال
حمدلله على السلامة💕
نون:الله يسلمك🍃.استأذنت وطلعت لقيت جوين مع تيتا سلمت علي وقالت
الليلة خلي العيال مع ابوهم ومرته.عاينت ليها بإستغراب قلت
قصدك منو؟
رسلان وهناء.ابتسمت وقلت
والله كويس مبروك ليهم.هناء ابتسمت لي ابتسمت بإستفزاز وقلت
مع الاسف م عندي طفل بخليه برا بيته ابوهم عايزهم يشوفهم في بيتهم ويطلع اما يفضلوا مع ابوهم ومرته ف انا شايفة ابوهم ومرته الافضل يجيبوا اولادهم بنفسهم م يجوا لي انا واولادي.شلت جوين بوسته وغمزت لهناء وشها اتلون خالص كانت مفكراني ح انهار واصرخ ليها ولى كيف؟ شكلهم لسة م بعرفوني انا م النوع الببكي على الحاجة انا بمجرد م الحاجة تجرحني وتأثر علي بالعكس انا بقوى وم بعاين بطريقها تاني بوست جوين وقلت
يلا أستأذن ي تيتا اشوفك بخير.هزت لي راسها بدون تعابير مشيت لماما قلت
ي ريت لم اجي تاني المهازل دي م تكون حاصلة
مهازل شنو؟
انتي عارفة ي ماما انا بسببكم ح اجن؟
جودي انتي بتتكلمي عن شنو؟
عن الزوجة الثانية الرائعة للسيد المهندس رسلان مدام هناء.عاينت لي بإستغراب قلت
هي م تعايني كدا انتي مفكراني غبية؟ يعني دي بالجد هبالة والاحلى بتك تحنسنا نرجع😂والله بالجد بقيت م قادرة افهم منو المعاي ومنو الم معاي.اتنهدت وقلت
على كل تصبحي على خير نتلاقى بكرة.بست راسها وطلعت وانا سامعة كلام خالتو هند مع تيتا ابتسمت وكملت طريقي
