كيف تطفشين عريساً(مكتمله)

😂الفصل الثامن😂

قال جمال بفزع:
-يلا يا ماما..يلا يا بابا من هنا!!!

قالت وعد و هى متسعة الأعين:
-لية بس يا جماليلو يا حبيبى دا أنا كنت هوديك عند مقام سيدى الشباشيبى عشان ناخد منه البركات بتاعت جوازنا!!!

نهض هو ليظهر قامته القصيرة نوعاً ما فأمسكته وعد من ياقته و قالت و هى تلتقف شبشب زنوبة الذى برجلها:
-و لا أقولك يا جمولى أنا هجبهولك لغاية عندك و ينولك بركاته!!

و بلحظة كان الشبشب يهبط على جسده عدة مرات سريعة بينما هو يحاول التملص منها و يصرخ:
-ألحقونيييي..حد يوقف المجنونة دى..اااااه..الشبشب ييلسااااااع!!!

تغلب زيدان على صدمته و قام بسرعة جاذباً وعد نحوه لكنها كانت متمسكه بياقه جمال بقوة فلم يستطيع إيقافها ، تركته بعد دقائق ليهرع نحو الباب وهو يقول:
-يلا يا مجنونة!!!

قالت بحنق و بصوتها الطبيعى:
-عميتشين أهلك عيل واطى!!

قال والده بضيق و هو ينهض:
-دا أسمه كلام يا شاكر بيه..أحنا جايين بيتك عشان نتهزق!!

تخصرت وعد وقالت و هى تشير بالشبشب:
-طب سكتك زراعى بقااا بدل ما أعملك اللى عملته فى المحروس أبنك!!!

نظر لها والده بحنق و من ثم أخذ زوجته و رحل ، بمجرد أن رحلوا حتى ركضت وعد لغرفتها و تبعها زيدان ، صاح بغضب:
-وحيات أمى لموريكى يا وعد!!

لم ترد عليه فهى تريد الفرار منه الأن لتتحضر للعريس التالى ، بالفعل نجحت و دلفت لغرفتها و أغلقتها جيداً بالمفتاح ، قال زيدان و هو يضرب باب الغرفة بعنف:
-لو أتكرر تانى يا وعد هنفخك..سامعة هنفخك!!

قالت بغناء و هى تطبل على الباب:
-أنفخنى حبة حبة و أرمينى لأى قطة..أنا كنت مطفشة خمسة دلوقتى هطفشك أنت...اااه أنت!!

كور زيدان قبضته بغضب و هو يقول بتوعد:
-ماشى يا وعد..ماشى!!

أستمرت فى التطبيل لكن مع تغير اللحن و هى تقول:
-سكة السلاااامة شوفت أنا منك أنت يااامااا..يلا بالسلامة رد الباب وراك!!

بعدما رحل قالت و هى ترقص بمهارة:
-و فرتكة فرتكة ع الطبلة و ع السكسكة!!

أرتمت على سريرها و قالت بزهو و هى تمصمص فمها بزهو:
-الله على أفكارك يا بت يا دودو!!

أكملت و هى تصفق بحماس:
-و لسة ااااه و لسة!!<br>
_________________________

فى الساعة السابعة

نفس الجلسة لكن مع أختلاف العريس و أهله ، حمحم شاكر و هو يقول:
-كنت سامع أنك بتعالج بالقرآن يا تيمور!!

أومأ تيمور بأبتسامة بلهاء و هو يقول بأرتباك:
-أيوة يا عمى!!

ربتت والدته على كتفه و هى تقول بغرور و زهو:
-تيمور أبنى مفيش زيه..مال و جمال و كمان متدين!!