هدرت سجايا بها قائلة بحنق:
-لا و النبى دور خضرة الشريفة بتاعك و بتاع بنتك دا مش عليا..بنتك كل يوم بشوفها من شباك أوضتى الساعة 12 بليل بتخرج تتسحب من القصر و يا عالم بتخرج فين و بتبقى قايلالك و لا لأ...لكن أحنا أستأذنا من عمتو نشوى و من ماما و طنط زهرة و هما عارفين رايحين فين كويس و راجعين أمتى!!!
هدر بها قيس قائلاً بغضب:
-سجــــايا..متتكلميش مع أمى كدا!!
صاحت سجيه بحنق:
-متزعقلهاش كدا يا قيس أحسنلك..شوف الست والدتك بتقول أية و بعد كدا أبقى زعق!!!
_يا أهل الداااااااااار أناااا جـــيت
كان هذا صوت على المرح و هو يدلف للقصر بطلته المشاكسه ، فها هو قد أخذ إجازة أخيراً و عاد لمنزله ، نظر لهم بغرابة و من ثم تقدم منهم قائلاً:
-مفيش ترحيب..دا أنا لسة جاى بالبدلة طازة حتى؟!!
قال عزام بضيق:
-مش وقت هزار يا على...تعالى شوف أختك و بنات العيلة عملوا أية؟!
وضع يده بجيب بنطاله و قال بأهتمام:
-أية اللى حصل..شربوا مخدرات و لا لسة؟!
صاح أيهم به بضيق:
-بطل هزار!!
لم يعيره إهتمام فقال عزام بحنق:
-قدامك..مش كنت قايل مفيش خروج؟؟
قال و هو يضع يده على كتف بانا:
-اه بس عادى أنا كـنت بـ....
وضعت بانا يدها على فمه و قالت بصوت خفيض:
-يخربيتك هتودينا فى داهيه..أسكت أحسن يا على!!
تابع عزام:
-الهوانم خرجوا من غير ما يقولولنا..واخدنها عِند!!
نظر لهم و قال بضيق مصطنع:
-كدا..كدا يا هانم منك ليها..أية الكارثة اللى عملتوها دى؟؟
لاحظ وجود عنصر جديد بينهم ، تلك الحسناء ذات العيون الواسعة بلون العُشب ، صفر بأعجاب و قال:
-مين المـزة؟!
جاءه صوت طائف الحانق من خلفه الذى آتى لتوه:
-مراتى يا روح أمك!!
أتسعت عيناه بدهشة و فهم أنها وعد الذى كان يحدثه طائف عنها ، قال بأبتسامة واسعة:
-يا أهلاً و سهلاً يا شابة..نورتى بيتك!!
صرخ عزام به قائلاً:
-أنت هتججننى يا زفت..هاتولى دوا الضغط بسرعة من ولاد الكلاب دول!!
أسرعت إنتصار لتأتى به كفروض ولاء و طاعة أما طائف فسحب وعد من يدها و أبتعد عنهم قليلاً ، قال بخفوت:
-فى أية؟!
روت له ما حدث ليقول بحنق:
-يعنى أنتى خرجتى من غير ما تقوليلى..طب وحيات أمى يا وعد ما أنتى معاتبة عتبه الباب دا و يا ويلك و سواد ليلك لو أتكرر تانى؟!
هتفت بضيق:
-أستأذنت طنط زهرة مش شغلانة هى!!
قال بتوعد:
-ماشى..هوريكى!!
عادوا لهم ليقول عزام بصرامة:
-أنتوا عارفين أنى مش هعدى الموضوع بالساهل..و دلوقتى كل واحدة على أوضتها؟؟
YOU ARE READING
كيف تطفشين عريساً(مكتمله)
Teen Fictionماذا لو قررت عائلتك تزويجك و انتِ فتاة لم تتم بعد عقدها الثانى و كل ذلك بسبب تصرفاتك الطائشة من وجهه نظرهم!!! هل ستخنعين لهم أم ستبدئين فى تنفيذ خطة "كيف تُطفشين عريساً كل حقوق النشر وللكاتبه المبدعه روان ياسين @raro2004
