كرونيك :🔫حرب المافيا💣

💣02🔫

الحلقة الثانية:🔫
قوووم.. يعيش بنتي تو شهر وانتي حابسة روحك.. والله وراس بنتي لايستاهلك ملول قلبي ما قايلي خير .. مرتحتلوشش.. تمسح على شعر بنتها .. تحاول تخفف علاها..
من نهارتها وهي حابسة روحها .. لا تخرج .. ولا تكلم حد.. امها تحرقت على كبدتها .. ترى فاها تذبل كالوردة قدام عينها..
ملاك 18 نجحت تو فالباك.. اسم على مسمى.. مش طويلة ومش قصيرة.. اما بدنها مليلن وصدها واقف و بطن مسطحا.. و داريار يشهى اي راجل .. فخاض مليانين الحاصل مغرية عللخر.. مع وجه مدور كيف قمرة🌚.. و عينين بني كبار و شوافر طوال.. وشفاف تقول مرسومين 👄 روووز.. بيضة و شعرها اسود ليييل و طوييييل حررييير .. كلها فتنة على وجه الارض لراعا يوقع في غرامها.. اما هي حبت واحد برك.. غدرها و خانها .. كسرلها قلبها💔.. خلاها كي طير مذبوه تغفق في دمها..
امها: يعيش بنتي حس بيا انا وبوك رانا تشوينا عليك.. يزيك مالحصرة .. مازلتي صغيرة تو يجيك سيد سيدو..
كل يوم نفس موال وهي لا حياة لمن ينادي..
خرجت امها لقات بوها يستنى بالك يهداها ربي وتخرج من بيتها..
امها: غلبت .. بنتي تضيع من بين يدايا وانا نتفرج..
بوها: تو نحكي انا معاها .. عندي لاها مفاجأة.. انشالله تعجبها.. مشالها لبيتها..
دخل.. ملاك متكية على فرشها وتغزر لفراغ.. عين محوقة و شعر مشبشب..
بوها قرب كرسي وقعد بجنب فرشها..
بنتي.. يا روحى .. انتي وحيدتي لخرجت باها مدنيا.. علاه تعمل هكا في روحك.. انا وامك حاسين بوجيعتك.. اما انا عرف اش نربي .. نعرف بنتي .. قوية كي بوها.. يا جبل ما يهزك ريح.. قوم .. قوم يعيش بنتي راك تو حطيت ساقك فدنيا .. اش شفتي منها انتي .. اخرج .. جرب و عيش تو تعرف لصارلك تجربة صغيرة ما تستهلش تحبس روحك على خاطرها..
ملاك دموعها شلال حاسة وفاهمة كل كلمة قالها بوها.. رمت روحها في حضنو تبكي بشهقة.. وبوها كبس علاها.. ابكي ابكي.. خرج لتحس فيه الكل..
بعد ما بكت وفرغت قلبها.. بدت تهدا وهي مكبشة في حضن بوها.. شدلها وجها بديه ..
بنتي .. انتي نجحتي بمونسيون وانا فاخور بيك.. وهديتي ليك باش تكمل قاريتك في فرنسا..
لبنات تو 15 جام بربي ههههه وليت تونسيه 😍😍😂