الحلقة سابعة وثلاثون🔫:
ملاك .. نحل في عيني بسيف .. رمشت برشا مراات .. و خلت عيني نرى في جان قدامي واقف يغزرلي.. شوي وستوعبت لصارلي تفكرت تطريدو ليا و موت ولديا..
دخلت في هستيريا متع بكا كل شي تخلط علاها..
جان.. مي شافها اكاكا سخفاتو.. قرب يسكت فاها.. محبتش .. ملاااااااااااااك .. صوتو يرعب .. سكتت و غزرتلو عينياها مدمعين و تشهق😢.. قرب شدلها يدها.. ملاك.. يزي يعيشك انا مسامحك و باش ترجع تعيش معايا ولي فات مات.. ورحم على عايلتك هذا اخر اجلهم.. ادعيلهم برحمة..
ملاك.. اهئ اهئ مشاو وخلاوني.. حاولت نحميهم مانجمتش اهئ اهئ .. انت تهمتني بسرقة وطردتني وانا ما عملت شي هذا علاه قتلوووهم اهههه يا ربي اهئ اهئ..
جان.. ملاك مش باهي لصغيرك عالاقل اصبر على خاطرو..
ملاك.. ببرائة.. حكت عينها.. صغير؟؟ متع شكون وينو؟؟
جان.. حط يدو على بطنها.. صغيرك انتي وانا ولدنا هنا..
ملاك.. عينها وساعت و نست حزنها.. بالحق انا انا حبلة عندي بيبي منك..
جان.. تبسملها تبسيمة عسل.. اي يا روحي ولدي في بطنك.. طبس باس😘 بطنها..
ملاك.. بحزن.. سامحتني خاطر ولدك مش على خاطري انا و رجعت تبكي..
جان.. اففف ملاك يري انتي و ولدي تهموني برشا تو نعرف شكون ورتك و تهمك بسريقة متخافش حقك ناخذهولك و ولديك زادا باش نحاسب لقتلهم.. وتو معادش نحب نرى دموعك .. قرب منها و حضنها.. ملاك كانت تستنى في حضنو طول كبست عليه خايفة لا تخسرو مرة اخرى.. و في نفس الوقت فرحاااانة بولدهم..
سام.. دينا حبيبي مازلت موجوعة..
دينا .. نن مدامك بجنبي منحسش بوجيعة ..
سام.. ممم دلولتي نحبك ❤
دينا ..وانا نحبك.. سام نحب نشوف ملاك..
سام.. باهي يا روحي تو نهزك لاها ..
ملاك.. كبست على ظهر جان.. جان توجع ..اه ه ه ..
ملاك.. تنفضت في بلاصتها .. شبيك جان اش يوجع فيك.. هو باش يتكلم وتحل الباب دخل سام محمل دينا وهي لابسة لبست كلينيك .. باش نتبهت ملاك انو جان زادا لابس كيفها وكيف دينا..
سام.. ملوكة اختي شنوة حوالك ..
دينا وهي معنكشة في رقبة سام.. ملاك حبيبتي توحشتك حمدلله على سلامتك..
ملاك.. دينا .. سام.. توحشتكم برشا.. اما شبيها ملاك.. وانت جان اش فما.. شبيكم هنا..
جان.. كبس على يدها .. متخافش يا روحي حادث بسيط و هنا لباس قدامك..
ملاك.. حمدلله على سلامتكم..
بقو يحكو و يضحكو .. وعينين روفيدا تقدح نار.. مممم رجعتو اجتمعتو من اول وجديد بففف بسيطة مازلت فاللعبة وباش نفرقكم مرة اخرى.. فير اصبرو عليا برك.. دزت الباب ودخلت بكل وقاحة..
روفيدا.. جان اهئ اهئ(دموع تماسيح 🐊) خفت عليك برشا ..
جان.. مرسى روفيدا متخافش هاني لباس..
دينا و ملاك يقحرولها..
روفيدا.. بعين صحيحة .. شدت جنبو .. و تتمسح عليه..
ملاك غيرة شعلتها تمنت توقف تنتفها هالمصفارة ..😠..
جان.. غزر لملاك و غمزها.. بمعني ماتعدلش علاها ..
جاااام 😍😍😍😍
YOU ARE READING
كرونيك :🔫حرب المافيا💣
Mystery / Thrillerبوووووم 💣.. جديييد كرونيك الغموض والاثارة.. كرونيك: 🔫حرب مافيا 💣 ابطال: جان.. ملاك.. للكاتبة: مروى .. الحلقة اولى: مرمية فالقاعة مصدومة.. دموعها على خدها.. كحل سايح على عينها.. لابسة روب بلونش ..كانت باش تكون الفرحة فرحتين.. نجاحها فالباك و عرسه...
