الحلقة رابعة و سبعون🔫:
10 سوايع تعدو 10 سنين على دينا .. وهي تدعي راجلها وحبيبها ميموتش.. من غيرو متعيشش..
سام مازال ما فاقش.. وجماعة الكل قدام بيتو يستنو فيه .. سهى تعبت شوي و تتوجع..
روبرت سهى.. هيا نروح بيك ارتاح..
سهى.. منجمش نخليهم ..
روبرت.. يا بنتي خمم في صغيرك تو نكلمهم يكمنونة على سام..
زهرة.. اي بنتي اسمع كللم راجلك وبرة روح ارتاح..
سهى.. حاشمة ومهبطة راسها.. سامحيني طاطا سامحيني تحكي بالغصة..
زهرة.. مالها الا بنت اختها وصغيرة وناس لكل تغلط.. قربت حضنتها..تو احنا ولاد اليوم و ماضي ننسوه.. تولها بولدك و راجلك معاك.. باهي
سهى.. تبسمت وحست براحة .. باهي طاطا يخليك لينا.. كلمني طمنوني على سام و دينا..
زهرة .. انشالله .. روبرت روح بمرتك حتى نتولها بيك و نعرسلكم..
ضحكولها و روحو...
جان.. ملاكي هيا هط حاميدو يرتاح .. اعطوهم شومبر يرتاحو فاها..
دخلو للبيت ملاك حطت احمد ع سرير و تكت ترضع فيه.. وجان واقف يغزلهم.. فرحاان بعايلتو صغرونة .. قد ما تعب فحياتو و حارب في لخر ربح حب حياتو وجاب منها ثمرت حبهم..
روبرت روح للفيلا هو وسهى..
روبرت.. سهى ادخل ارقد شوي.. ارتاح..
سهى.. قبل ما نرقد نحب نحكي معاك شوي..
روبرت.. اي نسمع فيك..
قعدو في صالون بجنب بعضهم
سهى.. باش نحكي وما تقاطعنيش.. حكايتي بدت كي كان عمري 18 سنة كنت بنية حشامة وقراية .. دلولة ماما موفرتلي كل شي.. كنت كيما اي طفلة تحب وتتحب.. مرة مروحة وتعرضولي زوز باش يغتصبوني .. قريت مت مالخوف.. اما ربي بعثلي شكون نقضني منهم.. أمين وليد عمرو 25 يقري فاك.. بصدفة شافني و انقذني منهم.. المهم من نهارتها ما تفارقتش انا وياه .. ملول عيشني في عالم وردي حب و عشق.. دللني و علقني بيه وثقت فيه علخر.. مرة طلب مني نمشيو لدارهم نقعدو على راحتنا .. مشينا و انا مش خايفة تصورتو حبني وناويني حلالو.. قرب مني وصار لي صار برضايني.. طمني وقالي عن قريب نعرسو.. لاكن بعد نهار اذاكا تبدل ولا يطلبني بسيف يرقد معايا ولا ينشر فيديو صورهولي نهارتها.. كي مل مني ولا يناديلي في صحابو بالفلوس.. ولا يفضحني.. قد ما بكيت ونسحللت شي قلبو حجر.. خفت نتفضح واني تمشي فاها وعندي كان هيا.. بعد بعام وليت انا نتاجر ببدني حسيت روحي توسخت ومعادش ننضاف من وقتها تبدلت حياتي وخسرت روحي بقيد بدن متعفن و روح ميتة.. انا نعرف انك عايفني وكارهني وتو قبلتني خاطر صغيرك.. عادي عاذراتك وقابلة نكون معاك خاطر ولدي .. تحكي وتبكي.
روبرت.. قلبو وجعو علاها.. سهى متقولش هكا.. عمري ما خممت فيك هكا.. تتصور بعد ليلة هذكا ما مسيتش حتى وحدة.. متنحنش من مخي منكذبش عليك هربت من حب ملاك و من احسااسي معاك.. ملاك نسيتها و كي ريتها ما حسيت بشي.. اما انتي كي ريتك مشاعري تحيرت و تمنيت نحضنك ونظمك لصدري.. وزاد فرحت كي لقيتك حبلة بولدي.. شدلها خدودها.. سهى.. انسى لعشتو الكل و حط في مخك حاجة برك هي انا و بعد ولدنا. نعرسو وربو ولدنا مع بعضنا ونكبرو حبنا.. اش قولك..
سهى.. موافقة لنا معاك بروحي و بدني ..
قرب باس شفايفها لين قصلها نفس..
جمجموا 😍😍😍😍
YOU ARE READING
كرونيك :🔫حرب المافيا💣
神秘 / 惊悚بوووووم 💣.. جديييد كرونيك الغموض والاثارة.. كرونيك: 🔫حرب مافيا 💣 ابطال: جان.. ملاك.. للكاتبة: مروى .. الحلقة اولى: مرمية فالقاعة مصدومة.. دموعها على خدها.. كحل سايح على عينها.. لابسة روب بلونش ..كانت باش تكون الفرحة فرحتين.. نجاحها فالباك و عرسه...
