الحلقة تاسعة و اربعون:🔫
ملاك.. وجعها كلام سهى.. زعمة بالحق يخطبها و تبقى ملاك هي وولدها وحدهم.. افففف ..
سهى.. دينا اعمل في فنجان سام فلفل اسود.. كيف العادة.. دينا.. نن نخاف عليه.. ملاك.. هههه جرب اذا يحبك بالحق يشري و يتحمل طول العمر.. حططلو دينا في فنجان سام مغرفة فلفل اسود و باقي قهاوي عادي و خرجو لصالون..
جان شاف ملاك.. غمزها و قالها بين شفايفو نحبك..
ملاك.. ضحك وقعدت قدامو..
سام عينيه حوالت بزين دينا .. عطاطون فنجانو و فرقت عالبقية و قعدت..
جان.. صغرونتي كبرت و باش تعرس..
دينا حشمت و هبطت راسها..
زهرة.. ربي يفرحكم انشالله والعاقبة لجوزيف وسهى..
ملاك.. قلبها عصر علاها .. غزرت لجان.. هو طمنها بعينيه باش متتأثرش وتحزن..
سهى لصقت في جان و كل مرة ترمي يدها عليه.. وهو يبعدها.. روبرت يغزرلها ويضحك.. قداه باينة رخيسة وترمي في روحها..
سام وظينا في عالمهم الخاص يتمعشقو.. ملاك حست خواطرها دايرة حبت تمشي تغسل وجها.. خرجت.. جان كان باش يلحقها حبساتو سهى .. تحكى وتحكى و هو مخو مع ملاك..
زهرة غفلتهم ولحقت ملاك.. ملاك غسلت وجها وحلت لباب باش تخرج لقات زهرة قدامها.. دزتها لداخل ودخلت معاها ..
زهرة .. اسم يا بنت الناس لم روحك و لخرج من حيات ولدي والله ما نرضى عليه كان يبقى معاك.. معندكش اهل يربوك وانتي هاملة ترقد معاه من غير عرس..
ملاك.. وجعتها كي جبظت عايلتها وعايرتها انها هاملة .. حبت تقلها ولدك هو لخطفني وغتصبني و خلاني نحبل منو من غير عرس.. اما لسانها تربط منجمتش تخرج حتى حرف..
زهرة كملت بخت سمها فاها وخرجت ملاك.. محسب توصل لبيتها.. ترمت عالفرش تبكي بشهقة..
جان.. دينا ويني ملاك مرجعتش ..
دينا .. منعرش بالك في بيتكم تعبت..
وقف مشالها.. دخل لقاها راقدة ودموعها على خدها.. ستغرب بقى يمسح على شعرها..
امو لحقاتو.. حلت لباب ..
زهرة .. جان ايجا حجتي بيك..
وقت ولحقها لبيتها..
جان.. امي شفما..
زهرة.. اسمع معادش يساعدني ترقد معاها في بيت وحدة.. ربيتك راجل وبعدتك عالحرام.. وانت تو تهالف في تربيتي ليك و قاعد تزني باها.. كي هيا سايبة وعاهرة انت تمنعها عليك..
جان.. تغشش من كلام امو.. امي ملاك.. نظيفة وانضف طفلة شفتها .. وتهنى باش نعرس باها على قريب..
زهرة.. والله يا جوزيف كان تاخذها لا نرضى عليك لا دنيا ولا اخرى .. تخلى بنت هالتك تربية و نظافة وزين و تبعلى تلاويح وهمل..
جان.. تصدم من كلامها .. ربطت رضايتها عليه بعرسو مع ملاك.. تو لازم يخطار بين امو ولا حبيبتو ام ولدو..
سام هز دينا وخرجو يكملو سهرتهم في بلاصة اخرى..
روبرت .. تو انتي برسمي تحب جان..
سهى.. نحبو ولا منحبوش ميفرقش المهم هو باش يكون ليا و خلاتو وطلعت تتزعبن لييتها.. روبرت حك لحيتو وطلع لبيتو..
هيا جام تزهالكم ليام 😂😍
YOU ARE READING
كرونيك :🔫حرب المافيا💣
Mystery / Thrillerبوووووم 💣.. جديييد كرونيك الغموض والاثارة.. كرونيك: 🔫حرب مافيا 💣 ابطال: جان.. ملاك.. للكاتبة: مروى .. الحلقة اولى: مرمية فالقاعة مصدومة.. دموعها على خدها.. كحل سايح على عينها.. لابسة روب بلونش ..كانت باش تكون الفرحة فرحتين.. نجاحها فالباك و عرسه...
