كرونيك :🔫حرب المافيا💣

🔫62💣

الحلقة ثانية و ستون🔫:
6 شهور فاتو..
ملاك.. دخلت في شهرها ولت كعبورة.. ولادتها قربت.. جان يسايس فاها و خايف علاها.. زهرة مخلت ما شرت و خضرت كل ما يلزم نفاس (عادات وتقاليد.. زرير و بسيسة ..)..
ملاك.. جان.. حبيبي لبستي صباتي منجمتش نطبس..
جان.. ههههه زايد مغلطش كي سميتك كعبورة ..
ملاك.. تي يزيتشي مالركاكة وايجا لبسني..
هبط لبسها و طلع باسها 💏.. لين تخنقت.. ملاك.. افف جان خنقتني ابعد..
جان.. امااان ملوكتي نهون عليك .. تي انا من تو نخمم اش تيصبرني 40 يوم نفاس..
ملاك.. ههههه ليا وليك ربي..
دينا.. ندخل..
جان.. اكييد اصلا خارج عندي خدمة تو..
ملاك.. ايجا يا عروسة ..
دينا.. احم احم ملا كان انتي تعرس انا زادا عرسي بعد يومين.. فرحاااااااانة ..
ملاك.. ربي يتمم بالخير حتى انا حرت في سام اش صبرو لتو..
دينا... تي انا مزروبة اكثر منو نحب نذوب لذقتو انتي خخخ مسوفجة..
ملاك.. هههه يا بليدة تو تذوق و تفد..
دينا.. ننن منفدش من سمسومتي.. ليش انتي فديتي من جان .
ملاك.. نننن بالعكس كل مرة نزيد نهبل عليه اكثر..
دينا.. يا سلاااام عالحب و نارو..
زهرة.. بناتي الحلوين اش تحكو..
دينا.. ماماتي نحكو عالعرس..
زهرة.. ربي يفرحكم انشالله.. ملاك بمتي لباس تو..
ملاك .. اي امي زهرة لباس.. رزنت برك..
زهرة عادي عادي اذاكاهو دخلت لشهرك..
ليلة عرسي لييلة عرسييييي و نتصدر فالكرسي..
دينا.. تغني و جايبة ما عندها ملا مهبولة.
ملاك.. تضحك علاها..
زهرة.. هيو لبنات معادش وقت عالحجامة..
جان.. ملاك حبيبي متأكدة تنجم تمشي مش برشا عليك .
ملاك.. حبيبي متخافش منحبش نخلي دينا وحدها..
جان.. باهي هيا وسايس روحك..
وصلهم للحجامة و مشي ل سام يحضر في روحو..
كملت دينا مكياجها و عملت كوافير سامبل و روب بلونش ستيل باربي.. طلعت تحفة ..
وملاك.. مكياج و روبة واااسعة على بطنها واصلة لحلقها..
جان.. هيا سام لتو لا حضرتشي .
سام.. صاي رشة برفان و نكون حاضر..
خرجو كل واحد بكرهبتو.. وصلو قدام حجامة .. ويزمرو🚘🚗..
دينا.. اه اه قلبي جو جو..
ملاك.. هيا هيا نخرجولهم..
هبطو كي قمرات يضوو في سماهم..
سام.. عينيه قلوب😍.. يشوف في حب حياتو واخيرا ولت عروستو .. قربلها.. وباس جبينها.. محلاك يا اميرتي ..
دينا.. يعيشك حبيبي انت احلى..
جان.. قرب لملاك.. بطبوتي طلعت تهبل..
ملاك.. ضرباتو على بطنو.. منيش بطبوطة اذاكا ولدك راكش فم..
جان.. هههه وقتاش يجي هل فصعون .. نحب نلعب معاه.. يمشي في يدو على بطنها ..
ركبو كل واحد مع مرتو و طارو لصال وين زهرة حربتها بشطيح و زغاريت..
وصلو.. تصدرت دينا وسام كيما حبت.. كتبو صداق ولت حلالو.. سام.. طاير مالفرحة و دينا اعظم منو..
سام.. تو صاي عقدنا هيا نهربو.. معادش قاد نصبر..
دينا.. وووه عييب اصبر شوي برك..
سام.. افففف صبرني يا ربي.. اهه شو شكون رجع..
دينا.. تلفتت للباب شافت روبرت داخل بكل وهرتو .. مكستم.. يغزرلهم و يضحك..
وقف سام حضنو بعظهم..
سام.. هكا تو تغيب علينا مدة هاذي الكل..
روبرت .. هكا خير هاني رجع باش نحضر عرس خويا ..
سام.. مرحبا بيك .. باش تبقى مش هكا..
روبرت اكييد يزي ما هربت .. مشي يسلم على جان و ملاك.. فرحو بيه و هو نسى ملاك وفرحلها بصغيرها..
جان.. مرحبا روبرت .. فقدناك..
روبرت.. وانا زادا فقدكم.. ملاك لباس اختي..
ملاك.. اي حمدلله..
شطحو و هبلو ناس الكل حتى ملاك.. جان يحاوز فاها باش تركح وهي ودينا هلكوها شطيه..
جام ⛄😍😍