كرونيك :🔫حرب المافيا💣

🔫60💣

الحلقة ستون🔫:
ملاك و جان قاعدين يستنو في طبيبة تقلها وقتاش تخرج..
تحل الباب و تدخل دينا و زهرة..
جان.. امي لباس ..
زهرة.. حمدلله وليدي لباس..
ملاك.. مهبطة راسها خايفة لا تنبزها قدامهم..
زهرة.. جوزيف انا نحب نحكي راس راس مع ملاك..
جان.. امي يعيشك ملاك.. مريضة نحبها ترتاح..
ملاك.. جان خليها تو نحكو برك..
خرج هو ودينا..
زهرة.. قربت من ملاك.. شوف بنتي انا ظلمتك برشا و حكملت عليك من غير ما نعرف اش عانيت واش صار فيك.. عايرتك و جبت ولديك .. تهمتك بعهر و انتي خاطيك.. خيرت بنت اختي عليك و حبيت نبعدك على ولدي.. قد ما نقلك سامحني شوي فيك.. بعمرك ما رجعتلي كلمة و لا صححتي عينك فيا.. حكتلي دينا اش صار معاك من اول ما خطفك جان.. و انتي تو حبلة وحفيدي.. سامحني يا بنتي سامحني ..
ملاك.. طاطا متقوليش هكا انا مسامحاتك .. عارفاتك تحب على مصلحت ولدك وخايفة عليه..
زهرة.. تعرف يا طفلة.. قداه كبرت في عين رزينة و مخك كبير.. نقلك حاجة بيناتنا.. اول ما ريتك قلت محلاها ها طفلة زين و حشمة و تربية غير سهى خدعتني و قلت هي اولى بولدي.. اما تو عرف معدنك ذهب و انتي ديامونتة ولدي خدي وربح..
ملاك.. حشمت منها.. يعيشك طاطا المهم انتي ترضي علينا..
زهرة.. عهد الله عليا من اليوم ورايح معزتك في معزت دينا بنتي زوز يناتي و انا امكم.. وجوزيف حسابو معايا تو نربيه على عملو فيك..
ملاك.. خافت عليه نن طاطا ربي يخليك جان حنين معايا ويحبني برشا
زهرة.. ههه تو تهنيت على ولدي مش باش يلقى وحدة تحبو و تخاف عليه قدك.. و قبل كل شي معادش تقلي طاطا قلي امي زهرة باهي..
ملاك.. تبسمتلها باهي امي زهرة..
زهرة.. وينو حفيدي لباس.. قداه ليك تو..
ملاك.. 3 شهر برك.. زهرة
قربت حضنتها و تصافت لقلوب جان ...دينا خايف على ملاك باش ندخللها..
دينا.. نن خليهم صدقني ماما تبدلت وحابة تصالح مع ملاك.. جان.. انشالله .. قاعد متوتر.. سام وينو..
دينا.. قال عندو خدمة تو يجي..
جان.. اففف معادش نجم نصبر.. دخل و دينا وراه.. شافوهم محضنين بعضهم.. غزرو لبعضهم و ضحكو
سهى لمت دبشها و خلت جواب فيه رسالة و خاتم متع خطبة و مشت حبت تبعد و تبدل من روحها خسرت برشا و لازمها تبدي من جديد..
روحو الكل لدار .. متفرهدين و حابين يبدو صفحة جديدة .. ملاك دخلت لبتها لقات جواب فوق كوافوز حلاتو.. ورقة و خاتم .. هزتهم وهبطت لجان قاعد مع زهرة و دينا في صالة.. ملاك جان هذا خلاتو سهى ..
جان.. هزهم و بدى يقرى بصوت
واخيرا مشاهد سعيده اخخخ مي متخافوش دك يوليو تعيسه بزااف واكشن تاني لحلقات الجايين 😂😂منخليهمش يعيشو سعاده بزااف