الحلقة خمسون:🔫
جان دخل باس ملاك من شفافها.. نحبك يا روحي مستحيل نسلم فيك وخرج مشى لليخر يخمم اش يعمل باش يقنع امو تقبل بملاك ..
في صباح .. ملاك فاقت ملقاتش جان بجنبها .. في بالها بعد علاها قلبها وجعها عليه.. محبتش تخرج من بيتها باش متنبزهاش امو ولا سهى يزاها ما سمعت منهم ..
سام.. روبرت وينو جان ..
روبرت مالبارح ما شفتوش..
دينا.. حتى ملاك مهبطتش .. هاني ماشيا نطمن علاها..
زهرة.. قحرتلها اما دينا حقرتها وطلعت لملاك.. دقت الباب ودخلت..
ملاك في فرشها عينها منفخة مالبكى و شعرها مفرفش تقول جنية..
دينا.. سملله لعظيم .. شباها بيت ظلمة.. مشت حلت شباك ضوات بيت..
ملاك.. ليش هكا سكرييه..
دينا.. اووووه ملاك اختي ليش حابسة روحك هكا.. وشبي حالت وجهك اصفر وعينيك محوقين..
ملاك.. حتى شي نحب نبقى وحدي..
دينا.. قرب منها.. مش اختك انا احكيلي شبيك..
ملاك.. حكاتلها قلشي واش قالتلها زهرة و كيفاه جان ما باتش معاها لبارح.
دينا.. صبر يا ربي .. امي عوايدها حنينة وما تجرخش ناس اش بيها تو زح .. ملوكة ما تعملي شي في بالك والله جان يحبك ويموت فيك و ماما خلاها عليا تو نوريلها وجه سهى حقيقي و تقبل بيك كنتها وخاصة كي تعرف انك حبلة بحفيدها..
ملاك.. رتاحت لكلام دينا..
دينا.. اااه حقا نسيت ما قتلكش انا وسام تفاهمنا نمشو الكل نعدو ايامات في دار خلاعة متع جان عالبحر .. وقيت نبدلو جو ونخرجو مالستراس وانتي وجان تجددو حبكم..
ملاك.. اممم فكرة حتي انا حابة نخرج نبدل الجو..
جان.. دخل لدار تاعب وباين عليه فما حاجة مقلقاتو(زعمة اش بيه و وين كان..)..
سام.. جان وينك ياخي ..
جان.. اهه يا خويا فما مشكلة ايجا للبيرو نحكو .. حتى انت داخل فاها و روبرت زادا نديه .. تلمو ثلاثة فالبيرو يحكو و يتناقشو ..
زهرة.. الوو سهى وينك بنتي
سهى .. ا اه انا(داخلة بعضها) هاني كنت نشري في دبش وهاني جاية..
زهرة.. ستعربت منها اما تلفت .. باهي هانا نستناو فيك..
تلمو الكل على طاولة لعشا.. جان .. يغزر لملاك لي مطفياتو ملى روح .. حاول يكلمها طفيه و تبعدو.. حاس باها و عاذرها ..
دينا.. جان انا وسام نحبو نمشو للبحر وانتم معانا اكيد.. جان.. امم فكرة ناس الكل تبدل جو و تتفرهد.. غدوة صباح ناش الكل تحضر رواحكم باش نمشو..
زهرة .. اي والله تو نحضر ماكلة و كل ما لازمنا للمشيا..
كل حد شد بيتو .. ملاك تلم في فاليزتها وتحس في حد حضنها من تالي..
جان.. قرب يشم في شعرها .. ريحتها بنيينة تخدرو و تشيخو في مخو.. حبي لوز منبوز..
ملاك.. تبعد فيه وهو مكبش.. شي مابيا..
جان.. ننن مش عليا حركات هاذي هات صحيح..
ملاك.. دارتلو .. عينها في عينو.. وينك لبارح اهه وين مشيت في حضن شكون بايت اهئ اهئ عرفتك متحبنيش ومليت مني..
جان.. شششششت يا مهبولتي .. والله عندى خدمة اكيدة ..
ملاك.. ممم خدمة في ليل ظاهرة متعبة(تتمعنا عليه)..
جان.. تبسملها.. والله مش كيما في مخك خدمة خدمة.. يا مغيارتي.. باس جبينها.. عمري ما نخونك ولا نبعد عليك.. معادش تعب مخك صغرون بحكاياتك فارغة..
ملاك.. تغششت منو .. دزاتو انا مخي صغير و تافه اهئ اهئ برا ل سهى متاعك مخها كبير..
جان.. يا ربي صبرني .. هرمونات الحبالة هبلاتك انتي.. انا مخي متعمرو لا سهى ولا غيرها فيه انتي متربعة وفي قلبي زادا.. باهي ..
كملو كلامهم و رقدو محضنين بعضهم..
زهرة.. سهى رقد بنتي..
سهى.. نن طاطا مازلت.. خير..
زهرة.. ينتي لازم تتقرب من جوزيف وقيت عاد وخاصة فالرحلة هاذي قربو منك باهي..
سهى.. ممم تهنى طاطا عندك كان نساء..
جاااام 😍😍😍😍😍
YOU ARE READING
كرونيك :🔫حرب المافيا💣
Mystery / Thrillerبوووووم 💣.. جديييد كرونيك الغموض والاثارة.. كرونيك: 🔫حرب مافيا 💣 ابطال: جان.. ملاك.. للكاتبة: مروى .. الحلقة اولى: مرمية فالقاعة مصدومة.. دموعها على خدها.. كحل سايح على عينها.. لابسة روب بلونش ..كانت باش تكون الفرحة فرحتين.. نجاحها فالباك و عرسه...
