៚ ផាច់ ៚
" ឯងវៃយើងទៀតហើយណា " Jungkookលើកចញ្ចើមម្ខាងសួរគេ ពេលដែលគេវៃដើមដៃខ្លួនលាន់ឡើងផាច់ ដៃធ្ងន់មិនធម្មតាមែន ។ តាំងពីងូចទឹកហេីយគេបែរជាកំណាញ់ខ្លួនមិនព្រមឱ្យប៉ះទាល់តែសោះ ប៉ះវៃៗតែម្តង ។
" ម៉ែមិនឱ្យគេងបន្ទប់មួយ2នាក់ទេ គាត់ថាមិនល្អ "
Tae យកដៃរុញគេចេញមិនឱ្យគេងក្បែរ ទាញភួយមកឃ្លុំភួយជិតឈឹងឱ្យឃើញត្រឹមតែ.កឡើងលើ អង្គុញខ្លួនចូលគ្នាបែបមិនព្រមឱ្យគេមកប៉ះពាល់ ។" បើគេងជាមួយអ្នកដទៃទើបឯងមិនត្រូវគេងជាមួយ តែយើងជាប្តីឯងចឹងគេងបាន " Jungkook ទាញគេមកអោបយ៉ាងណែន ខណៈដែលគេបើកភ្នែកភ្លឹសៗ បែបមិនយល់ពីអ្វីដែលអ្នកម្ខាងទៀតនិយាយ ។
" ប្តី?? អ្វីទៅ?? ម៉ែមិនដែលបង្រៀនឱ្យខ្ញុំនិយាយនោះទេ " Tae ងើយមុខឡើងសួរគេទាំងជ្រួញចញ្ចើមចូលគ្នា គិតពីពាក្យគេដែលនិយាយមកកាន់ខ្លួន ប្តី?? គេមិនដែលឮសោះចឹង ។
" ឥឡូវក៏យើងបង្រៀនឱ្យនិយាយហើយអ្វីដែលយើងនិយាយឯងត្រូវតែស្តាប់ឮទេ?មិនត្រូវចចេសរឹងរូសនោះទេ ត្រូវស្តាប់បង្គាប់ទើបល្អ "
Jungkook លូកដៃទៅទាញចញ្ចើមគេចេញពីគ្នា
និយាយពន្យល់គេធ្វើមើលតែគ្រូបង្រៀនសិស្សទៅហើយ ទម្រាំគេដាច់ចិត្តងក់ក្បាលបែបយល់អ្វីដែលគេនិយាយ ។" ស្តាប់បង្គាប់មិនចចេសនោះទេ " Tae រុលខ្លួនចូលទៅរកគេដូចដែលគេតែងតែធ្វើដាក់ម៉ែគេ ក៏ព្រោះតែខ្លួនមិនទម្លាប់គេងគ្មានអ្នកអោប បេីមិនបានឱ្យគេអោបគេនិងបញ្ឈរភ្នែកមួយយប់ទល់ភ្លឺមិនខានទេ ។
Jungkook ញញឹមបន្តិចពេលដែលគេលែងរើ ហើយថែមទាំងទាញដៃខ្លួនទៅដាក់លើចង្កេះគេទៀត ប្រអប់ដៃមាំក្រាស់ក៏លើកដៃអង្អែលខ្នងគេថើរៗបែបលួងលោមគេឱ្យគេង រហូតដល់លង់លក់ទាំងពីរនាក់ទាំងម្នាក់ៗអោបគ្នាស្និតបេះមិនចេញតែម្តង ។
{ IN THE MORNING }
" ហ្ហឹម!! ម៉ែ " Taeរមួលខ្លួនចុះឡើង មុននឹងសន្សឹមៗបើកភ្នែកឡើងសម្លឹងមើលអ្វីដែលនៅជុំវិញខ្លួន តែអ្វីដែលគេឃេីញគឺមិនមានអ្នកណានៅជាមួយខ្លួននោះទេ ។
" ម៉ែ!! ហុឹក..ហុឹក " Tae ពេបមាត់យំយកៗ ពេលដែលខ្លួនបើកភ្នែកមកមើលមិនឃើញអ្នកណានៅក្បែរខ្លួនសូម្បីតែម្នាក់ ជើងស្រឡូនស្អាតក៏ទម្លាក់ចុះពីលើគ្រែដើរចេញពីដំណាក់ទាំងយំផងអីផង ចំណែកឯសត្វចិញ្ចឹមដែលមានតួនាទីត្រូវមើលថែររាងតូចល្អិតជំនួសម្ចាស់ក៏រហ័សដើរតាមពីក្រោយគេកកិតមិនដាច់ ។
![](https://img.wattpad.com/cover/224197596-288-k791655.jpg)
YOU ARE READING
👑អ្នកអង្គម្ចាស់បណ្តូលចិត្ត💜 ( Complete ✅ )
Romanceគេត្រឹមជាក្មេងប្រុសសាមញ្ញម្នាក់ដែលរស់នៅតាមតំនប់ជនបទឡីឡឺមិនសូវជាដឹងខ្យល់អី ប៉ុន្តែគេបែរជាមានឥទ្ធិពលលើអ្នកអង្គម្ចាស់ដ៏មានអំណាចលើសលប់ហួសពីការស្មាន Jeon Jungkook x Kim Taehyung Author : AERA ROSAA ( សៀម លីហ័ង ) Date : 07/05/2020 - 19/08/2020