وهل للضعف وجود-كاملة ☑️

الفصل الثالث 💙

#رواية_ وهل للضعف وجود

#بقلم /سماهر _جمال

الفصل الثالث💙
________________________

بعد أن أنهى" آسر" و"أدهم" الاجتماع

"أدهم":-

_مش هنرجع بقى مصر ولا اي؟!.

"آسر":-

_أنت زهقت مني ولا اي.

" أدهم" بضحك:-

_هههه أكيد لا يعني بس أنا حابب أرجع عايز أبعد عن جو الشغل شوية.

"آسر":-

_أنا أصلاً كنت عاملها مفاجأة لبابا كمان يومين ونرجع مصر لأني عايز أصفي الشغل اللي هنا وأنقله كله في مصر ونستقر هناك.

"أدهم" بعتاب:-

_وكنت ناوي تقولي امتى يا "آسر" لما تكون في الطيارة؟!.

"آسر" ببرود:-

_ما تزعلش كدة كنت هعملهالك مفاجأة، خصوصاً إني عارف إن أنت حابب ترجع مصر قد اي؟! وبعدين أنا أصلاً حجزت ليك تذكرة معايا.

"ادهم":-

_حبيبي والله.... ليكمل بتساؤل واستغراب:-

_بس ما قولتليش اي اللي جد علشان ترجع مصر؟!.

" آسر":-

_الصراحة صوت بابا ما عجبنيش آخر مرة لما كلمته وعايزه يسيب الشغل وعلشان سبب تاني.

لينظر له "أدهم" بتساؤل ولكن "آسر" لم يرد عليه بل اكتفى بإبتسامة ماكرة ليبادله صديقه الابتسامة بخبث وكأنه فَهِمَ عليه وعَرِفَ صديقه كيف يفكر...

"أدهم غياث" (شاب في السادسة والعشرون من عمره، ذو عيون رمادية حادة، جاد جداً في عمله ومرح مع صديقه ومع الأشخاص الذين يحبهم فقط)
_________________________________

في المساء كانت تتناول "عشق" هى وعمها عشائهما
ليبادر العم بالحديث.

"رأفت" بتساؤل:-

_أول يوم في الجامعة كان عامل اي معاكِ؟!.

"عشق":-

_كويس... اتقابلنا أنا و" دينا" هناك وحضرنا أول محاضرة بس ما خدناش حاجة مجرد اتعرفنا على الدكتور... لتكمل بغيظ في داخلها «ويا ريتنا ما اتعرفنا»

"رأفت":-

_طيب كويس.....ليكمل بعد أن أنهى عشائه:-

_أنا هكمل شغل في المكتب في ملفات لازم أراجعها.

" عشق" بعتاب وحب:-

_يا عمو ما كفاية شغل وبعدين أونكل "عزت" موجود لي تتعب نفسك؟!.

"رأفت" وهو ينظر لها بحنان:-

_يا حبيبتي أتعب نفسي اي الشغل ده حياتي وما أقدرش أستغنى عنه، وبعدين ما أنتِ هتساعديني لما تتخرجي.