وهل للضعف وجود-كاملة ☑️

الفصل التاسع عشر💙

#رواية_وهل للضعف وچود
#سماهر_جمال
الفصل التاسع عشر 💙
***********************************
ابتسم آسر بخبث = عال أووي ، عايزك تخلي بالك
لكل صغيرة وكبيرة هتحصل عشان إيهاب مش سهل.....

سيد = متقلقش يا باشا، أنا عارف هو بيفكر في إيه ودايماً بعرف منه المعلومة بسهولة

أدهم = بردو خد بالك ومتسألوش كتير عشان ميشكش فيك..

آسر = أدهم عنده حق، فاكر عادل لولا احنا لحقناه كان زمانه كشفه واتكشف كل حاجه

سيد = حاضر يباشا

آسر = المهم عملت إيه في الواد اللي كان بيراقب مارلين...

تشدق سيد = ده طلع بيكدب يباشا، وميعرفش

حاجه عن مكانها وانا حذرته هو وصاحبه إنه ميفتحش بوقه بكلمة..........

أدهم = طيب يلا احنا يا آسر عشان الشركة،وانت يا سيد يبقي بلغنا أول بـ أول بالمعلومات

غادر آسر و أدهم المكان ليقول أدهم = نفسي أعرف

جاتلك فكرة سيد دي منين، ده الدراع اليمين لإيهاب

ضحك آسر ثم التوي ثغره بإبتسامة خبث وشر بائن

في عينيه = كل الحكاية إني ساعدته فحب يردلي الجميل

"عودة إلي وقتً سابق"

قبل شهرين..عندما وصل آسر إلي مصر

كان آسر يقف مع عدة رجال من ضمنهم سيد وعائلته

ليقول والد سيد = متشكرين يباشا علي الجميل ده مش هننساه لحضرتك أبداً

آسر ناظراً إلي سيد بإبتسامة ذات مغزة = لو علي رد

الجميل ابنك عارف هو هيرده ازاي.... بعد إذنك يا

عم محمد عايز اتكلم مع ابنك في كلمتين

_ براحتك يباشا......... أخذ عائلته ودخل المنزل المتهالك بعض الشئ

ليقول سيد بسرعة = انت عايزني في إيه يباشا، وليه ساعدت ابويا يرجع الأرض بتاعته

ضحك آسر ثم قال = طيب ابلع ريقك شوية، ما انا

اكيد مش هعمل ده عشانك، انا عايزك في شغل...

سيد = وانت عارف انا بشتغل عند مين عشان تطلب مني اشتغل عندك

اشعل آسر لفافة التبغ ثم مشي خطوتين ليصبح

بجانب سيد ليهمس له = أكيد عارف إيهاب الملاح

،وكمان عارف إنك الدراع اليمين ليه،كل اللي بطلبه

منك تبلغني معلوماته أول بـ أول مقابل مليون جنيه

سيد = ولو رفضت

ضحك آسر مرة أخري = مش هترفض،اظن المبلغ

اللي عرضه مش قليل نظر إلي منزله والده وتابع = وانت بردو محتاج المبلغ ده...