#رواية_ وهل للضعف وجود
#سماهر _جمال
الفصل الثامن💙
_______________________
☆☆☆☆☆☆☆☆☆☆☆☆☆☆☆
إني عشقتك.........واتخذت قراري
فلمن أقدم يا ترى أعذاري
لا سلطة في الحُب تعلو سُلطتي
فالرأي رأيي والخيار خياري
هذي أحاسيسي فلا تتدخلي
أرجوكِ بين البحر والبحار
☆☆☆☆☆☆☆☆☆☆☆☆☆☆☆
"عشق":-
_دول حراس آسر بن عمي أكتر شخص مش بأطيقه...
"دينا" بدهشة:-
_آسر!!!! آسر حب المراهقة اللي كنتِ قرفاني بيه وبطريقة كلامه مش بتطيقيه دلوقتي...
كان "آسر" في طريقه إلى غرفة "عشق" ثم توقف بعد أن استمع إلى كلامها مع صديقتها، قبض "آسر" على يديه بشدة حتى ابيضت مفاصله
"آسر" بغضب:-
_أنا مش بتطيقيني يا عشق طيب ماشي
قرر الدخول ومعاقبتها على جملتها إلا أنه توقف بعد أن استمع إلى حديث صديقتها و..........
"عشق":-
_أهو أنتِ قولتي حب مراهقة يعني كنت عيلة مش فاهمة حاجة عايزاني أحب واحد بعد عني خمس سنين وما كلمنيش فيهم إلا مرتين تلاتة أول ما جيت البيت ده ما صاحبتش حد غيره وما كنتش بكلم غيره فأكيد كان لازم أتكلم عنه كتير وأحبه
"دينا":-
_يعني أنتِ لو كنتِ اتكلمتي مع حد غيره كنتِ حبيتيه بردو؟!
سكتت "عشق" ولم ترد عليها
"دينا":-
_ ما تردي....ولا أقولك أنتِ فعلاً معاكِ حق سيبيه لواحدة في سنه وتكون ناضجة شوية مش أنتِ أصغر منه ب 10 سنين وتصرفاتك تصرفات طفلة...
"عشق" بضيق:-
_خلاص يا دينا اقفلي الموضوع ده دلوقتي لأني تعبانة ومش عايزة أتجادل معاكِ في حاجة
"دينا":-
_والله دلوقتي مش عايزة تتجادلي معايا!!، طيب تمام كدة أنا اتطمنت عليكِ سلام علشان الوقت اتأخر
"عشق" بأسف:-
_دينا ما تزعليش إني اتضايقت عليكِ والله غصب عني
"دينا" حتى تُخفف الموقف:-
_لا عادي ما أنا اتعودت على دبشك
ابتسمت "عشق" فهى مهما فعلت فصديقتها لا تغضب منها...
________________________
أمام غرفة "عشق" كان يقف "آسر" جامد مُنصدم...
أيفرح لأنه عَرِفَ أنها كانت تحبه من صِغرها أم يحزن لأنها لم تعد تُكن له أي مشاعر الآن ولكن صديقتها معها حق فهو أكبر منها بكثير!! 10 سنوات ليست بقليلة هى تستحق شخصًا في نفس عمرها ليس أكبر منها!!، ولكن هو عندما غادر وتركها لم يُغادر إلا لكي يجلب لها حق والدها الذي كانت تريده ولم يتبقى إلا القليل ويحقق مراده....
أفاق "آسر" من شروده على صوت والده
"رأفت":-
_مالك يا آسر واقف كدة لي؟!
"آسر" بجمود:-
_مافيش يا بابا بعد إذنك
ثم تركه ودلف إلى غرفته، فتحت "دينا" باب غرفة "عشق" وطلعت منه لترى "رأفت" واقف أمامها....
YOU ARE READING
وهل للضعف وجود-كاملة ☑️
Mystery / Thrillerتوفت والداتها وهي صغيرة ثم قُتل والدها وهي في سن المراهقة، علي يد أشخاص لا تعلم هويتهم،فلم تعرف إلي من تلجأ،ليأخذها القدر إلي منزل عمها، وتُحب ابنه وتبدأ رحلة انتقامها ..... بدأت في 12 مايو 2020 إنتهت في 30 يوليو 2020 *****************************...
